بنت العنقاء
الحلقة 2
كيان : تلفتت 😱😱
أمير : واخيرا لقيتك
كيان : شن جاي تبي مني بعد اللي درته كله
أمير : نبيك كيان نبيك مش قادر من غيرك اعطيني فرثة نصلح اللي درته نبي فرصة بس
كيان : حاولت نعطيك فرصة اكتر من مرة بس انت ضيعتهم توا ماعنديش ليك فرص / وجت بتمشي
أمير : شدها من ايدها / كيان حبيبتي اهدي واسمعيني نبيك تسمعيني ونتفاهمو
كيان : لا يا أمير ومشت
مريم : خلاص قعمزي اهني واهدي
كيان : قعمزت وبدت تبكي 😭😭😭😭😭💔 كنت مستاحشاته نحبه يامريم نبيه وربي بس ماعنديش فيه تقه بش نرجع مش قادرة نكون معاه تاني وبرضو مش قادرة ننساه حبه في قلبي قاعد ماقدر حد ياخد مكانه
مريم : حضنتها 🫂🫂 حبيبتي خلاص والنبي خلاص
بعد بكي ووجع قلب ليهم الزوز جي كنان وروح بيها
كنان : خيرها كوكي مضايقه وزعلانه
كيان : تبسمت لالا مافيا شي
كنان : تبي حاجه باهي خاطرك في حاجه
كيان : لالا نبي نروح بس راسي صداع
روحنا وصلنا الحوش وخشيت طول لي داري بكييييت بكيت لين رقدت بحوايجي
__________________ روايات بنت العنقاء ________
الساعه 8 المغرب
كيان : نضت وكأن واكله طريحه جسمي كله يوجع فيا وراسي بيتفجر خديت حوايجي وخشيت دوشت وتوضيت وصليت ودعيت ربي ونزلت لي ماما وكنان
كيان : السلام
ماما : اهلين شن النومه هادي
كيان : تعبانه تعرفي ياماما
ماما : خيرها بنتي السمحه 🫂
كيان : حضنت امها وعيونها تعبو دموع 🫂🥺
كنان : السلام عليكم
كيان ماما : وعليكم
كنان : دراما كوين خيرك
كيان : مبردك 🙄
ماما : خلي نوض نحط العشاء وناضت
كنان : جي قعمز جنب كيان / خيرك كوكي مش عاجبتني احكي لو مضايقة من حاجه اني خوك سندك وفي ضهرك والله حتى تغلطي واني نصلح
كيان : حضناته وبدت تبكي بقوة
كنان : زاد حضنها خيرك كوكي شن صاير معاك
كيان : خافت لالا غر استاحشت بابا الله يرحمه
كنان : الله يرحمه الله غالب هدا حال الدنيا ادعيله بس
كيان : ان شاء الله
وكملنا هدرزة
_____________ روايات بنت العنقاء_____________
نمشو بالاحداث
ويجي يوم السبت اللي بيسافر فيه كنان ناضو سلمو عليه وطلع بعد بكي من ماما كأنه مهاجر
كيان : ضميت الحوش ودرت دورة علي داري ودوشت وطلعت قعمزت راجعت في محاضراتي شوية لين يجيني اتصال من رقم غريب مارديتش عاود تاني مارديتش بعت عالوتس / من معاي
مجهول : واخيرا رديتي نبي نفهم شن بينقص منك لو رديتي عليا
كيان : من معاي ؟؟؟؟
مجهول : تعطيني فرصة نتكلم يعني
كيان : تلخيص ياريت
مجهول : كيان اني نبيك ونحبك وشاريك ومستعد نجي ونجيب اهلي ونخطبك بس امنيتي من الدنيا ان تكوني حلالي وليا وربي وربي وربي مانكدب في حرف من لما ريتك اغرمت بيك شن درتي فيا كيان
كيان : كانت كمية صدق في صوته مش طبيعية بس عقلي رفض الفكرة نهائي / وين ريتني وكيف عرفتني وكيف وصلت فيا اصلا
مجهول : تو تعرفي مع الوقت
كيان : وشن اللي مخليك واتق ان في وقت اصلا تفضل احكي يا أما بنحضرك
مجهول : اهدي علي روحك واعطي فرصة نتعرفو علي بعض ومع الوقت تعرفي
كيان : اسمع فوتني ايوا دوا بتع نتعرفو وعلاقه ماعنديش فيه
مجهول : علاش هكي كيان وربي شاريك مستعد نجي ونجيب اهلي عادي
كيان : بالله قداش عمرك انت بش بتخطب
مجهول : عمري 21 سنه
كيان : يانونو صغير اسمع هي سلام وحضرته من دون مانعرف شي ولا اسمه ولا لقبه ولا من وين طول حضرته ودرت سكرينات وبعتت لي مريم
مريم : قصة اهيا اسمعي غدوا نمشو بكري بش تحكيلي بالتفصيل
كيان : تم
جت الساعه 10 صليت ورقدت
_______________________روايات بنت العنقاء____
يوم جديد ☀️
الساعه 7 ونص الصبح
كيان : تلفونها يشرين ردت
مريم : هي نوضي كيف بنطلع من الحوش اني ومالك
كيان : هي نضت صليت وبدلت ونزلت / صباحو ماما
ماما : صباح نور شن جت مريم
كيان : هي سلام
ماما : استودعتك الله
كيان : طلعت ركبت معاهم السيارة / صباحو عسل
مالك ومريم / صباح الورد
مالك : شجو ياكوكي
كيان : الحمدلله وين مغيب لا تسأل لا تبعت في سلامات لا شي
مالك : والله خدمه تعرفي
مريم : ان شاء الله نشوفوه احني بالله
كيان : 😂😂😂
وصلنا ونزلنا للكليه وكنت خايفه امير يجي تاني خشيت محاضرتي وبعد تمت طلعت
مريم : الو كوكي تعالي في الكافيتيريا اني اهني
كيان : هي جايه واني ماشيه حد يجبدني 😨
أمير : كوكي حبيبتي استحشتك
كيان : ملصقها عالحيط / أمير ابعد عليا خلاص فوتني وانساني اللي تبيه ووصلتله
أمير : وربي غلطه في لحظة غضب
كيان : ضحكت بهزوة / والله لحظة غضب دمرتني فيها وانت عارف انك كنت اهم شخص في حياتي كرهتني في جنس ادم امير بعد عليا وخليني في خالي ودفيته ومشيت
مريم : كوكي خيره وجهك هكي شن في
كيان : بدو ينزلو دموعها وتبكي وحكتلها شن صار
مريم :حضنتها وقعدت تواسي فيها
جاهم مالك وروح بيهم
كيان : روحت سلمت علي ماما ودوشت ورقدت ومعاش حسيت بروحي لين نسمع في ماما تنوض فيا
نضت توضيت وصليت وقعمزت نقرا عندي امتحان غدوا واني نقرا وصلني مسج
مجهول: كيان ردي عليا ليش الحضر
كيان : حضرته بدون ما نرد وسكرت تلفوني كملت قراية وبعدين نزلت قعمزت مع ماما شوية وركبت جتني نيه نرقص ونطلع الطاقه السلبيه حطيت السماعات في وداني وننزللها رقيص وفشيت غلي فيه وبعدين دوشت وقعمزت عالنت شوية ورقدت
_____________ روايات بنت العنقاء____________
يوم جديد ونفس الروتين مشينا للكليه امتحنت وروحت
الساعه 6 العصريات
كيان : ايوا كنان شجو
كنان : اهلين ياكوكي شن الجو شن حالكم وحال ماما
كيان : الحمدلله
كنان : اعطيني نكلم ماما
المهم كلمنا كنان اني وماما وهدرزنا وبعدين جتنا جارتنا وبناتها فالليل يهدرزو
كيان :خشيت سريري وشديت تلفوني وتوصل رساله من الواتس
مجهول : كنان ورحمت الغاليين عطيني فرصة بس ونتكالمو
كيان : فكرت هلبا وبعدين ردت عليه / تفضل
مجهول : يزيد فضلك
كيان : بنعطيك فرصة تحكيلي كيف عرفتني ومن وين جبت رقمي
مجهول : به نعرفك علي روحي قبل اني اسمي مروان عمري 21 سنه من ###**
كيان :بالجودة هي احكي كيف عرفتك
مروان : عن طريق ......
كيان :😨😱😱💔
____________ روايات بنت العنقاء______________
يتبع 》》
ان شاء الله تعجبكم
مافيش احداث هلبا لأن فالبداية قاعدين
روايات بنت العنقاء
