السلام عليكم ورحمة الله وبركاته
رواية جديدة وقصة جديدة ان شاء الله تعجبكم
منعرفش بالنسبة ليا كتبت الرواية بكل حب وسعيدة جدا بيها وبالاشخاص الموجودين فيها
نبدا الرواية
الحلقة 1
كيان : صباح الخير 💞
كنان : صباح النور
ماما : صباح النور
كنان : هيا وقت عليك ره واني عندي اجتماع
ماما : هي بنتي هي خفو روحكم
كيان : اهو كملت هي سلام ماما
ماما : مع السلامه
بنت العنقاء: نعرفكم علي عيلة كيان
كيان 20 سنه تقرا E كنان خوها 25 سنه متخرج من هندسة معمارية وبالورته اللي خلاها بوه ليه فتح شركه والحمدلله حالته باهية امي وبوي الله يرحمه لا ماعنديش خوال عندي زوز عمام بس ومايواصلوش فينا
_________________________ روايات بنت العنقاء_
كيان : وصلت للجامعه نزلت على طول خشيت المحاضرة كملتها وطلعت كانت الساعه 10 ونص تلاقيت اني ومريم
مريم : صباح الورد ياكوكي
كيان : صباحو عسل شن الجو
مريم : شن مزال عندك محاضرات
كيان : اي وحدة قوليلي انتي شن وضعك
مريم : متعاركه اني ومروان 🥺💔
كيان : انتو امتى مش متعاركين ممكن نفهم
مريم : بس المرة هادي شكلها خلاص 😭😭😭😭
كيان : علاش شن صار احكي وماتبكيش🫂💞
مريم : تو نهدرزو مالك جي هي سلام
كيان : تمام سلام شوية خشيت المحاضرة وطلعت كلمت كنان جاني
في السيارة 🚙
كنان : شن جو القراية اليوم
كيان: ماشية روتين يومي عادي
كنان : احم احم 🙂 شوفتي مريم اليوم
كيان : اي علاش
كنان : لاشي غر ماتكلمتيش عليها 🙃
كيان : 🧐 اممممممممم باهي
كنان : اني عندي سفرة قريب تعرفي لازم نسافر ومش عارف كيف بنخليك انتي وامي بروحكم
كيان : الطمن مخلي وراك تريس😎
كنان : له له غر بالشوية
كيان : شموخ لين الدوخ ياعشيري 😎
_______________________ روايات بنت العنقاء___
فات الوقت عادي لين جي وقت العشي نزلنا لوطا بش ناكلو
ماما : كيان في عريس جايك
كيان : ماما ياحبيبتي مزال الوقت عالزواج خلي نكمل قرايتي قبل
ماما : به شوفيه مرات يعجبك
كنان : ماما خليها براحتها
كيان : تاكل وساكته
كملنا عشي ونضت غسلت الماعين ودرت شاهي وطلعته
كيان : امتى بتتزوج وتجيب وحدة نتعارك معاها عييت بروحي 🙂🙂
كنان : ان شاء الله
ماما : نبي نزوجكم قبل ما ربي ياخد امانته
كنان : يا امي علاش الدوا اهيا توا
كيان : بعيد الشر عليك 🫂
كنان : المهم ماما عندي سفرة الفترة الجاية ضروري نمشي
ماما : علاش
كنان : خدمه يا امي منعطلش اسبوع بالكتير
ماما : تمشي علي الخير ياولدي
كيان : هي تصبحو علي خير اني والله خلاص بنرقد
كنان / ماما : وانتي من اهل الخير
________________________ روايات بنت العنقاء__
ركبت لي داري توضيت وصليت ركعتين وقريت شوية قرآن ودعيت ربي وخشيت سريري وشديت تلفوني شوية ونصفح شوية توصلني رسالة علي الواتس
كيان : مني ؟؟
الشخص : شن حالك كيان
كيان : الحمدلله مني معاي
الشخص : عندي كلام نبي نحكيه معاك
كيان : من وين تعرفني لو ماتبيش تحكي بنحضرك
الشخص : خيرك تتكلمي هكي به خودي واعطي
كيان : حطيته فالحضر ورقدت
_______________________ روايات بنت العنقاء ___
يوم جديد واحداث جديدة ☀️
كنان : طق الباب
كيان : خش يا كنان
كنان : صباح الورد
كيان : صباحو عسل
كنان : نايضة بكري او واتية غريبة
كيان : 😂 لا عادي درت هلبا فياق مه
كنان : باهي اني السبت ان شاء الله مسافر مانبيش نوصيك وكان عالرفوع والجيبان جاي بنقولك شوفي مريم ولا نشوفو مراة بتع توصيل
كيان : باهي عادي هي شنو نمشو
كنان : هي
طلعنا من الحوش وصلت للكلية
مريم : صباحو يا قلب
كيان : صلاحك حاجات حلوة زيني 😎
مريم : هيييييي عازة واضح الحلو لين تصبحت لي وجه دكتوري الدراه
كيان : 😂😂😂😂😂 تفو
مريم : جعانه هيا نمشو نفطرو
كيان : هيا حقا بنقولك كنان بيسافر وقالي شوفي مريم كان ترفعك وتجيبك اسبوع بس وكان هدا بنشوف مراة بتع توصيل
مريم :اي ياكوكي عادي
كيان : ياوخيتي سلمها واحني ماشيين
الشخص : كيان
كيان / صوت مش غريب عليا تلفتت : 😨😨
يتبع 》》
رواياات بنت العنقاء
مافيهاش احداث هلبا لأن اول حلقة
نبي تفاعلكم
