روايات بنت العنقاء
الحلقه 8
كنان : اهدي خلاص تو نمشي اني ونشوفه
كيان : كانت تبكي بحرقه وللأسف ماقدرتش تشد روحها قدام كنان وماتقولاش
مشي كنان للمستشفى ولقي زياد وزوز ولاد صحابهم واقفين
كنان : السلام عليكم
كلهم : وعليكم السلام
كنان : شن وضعه بالله ان شاء الله خير
زياد : قاعد فالعناية قالو حالته مش مستقرة
كنان : لا حول ولا قوة الا بالله قلتو لي عيلته
زياد : والله مزال الحق لاكن عفوا انت من تكون
كنان : نسيبه
زياد : بالجودة بالجودة بنستأذنكم بندير مكالمه
كنان : تفضل
زياد : اي وجي وقال ان هو نسيبه لاكن خطيبته معاه تمام تمام لو صار شي او جت وشوفتها نقولك
_________روايات بنت العنقاء__________________
فاتت ليله الله وحده عالم بيها علي كيان تصلي وتبكي وتدعيله وكنان قعد شوية وروح ومريم روحت لحوشهم ووصل الخبر لي فتحيه ومسكينه خشت عقلها وطلعت وفات اسبوع بالطريقه اهيا ومروان فالعناية وحالته مش مستقرة
________روايات بنت العنقاء__________________
يوم جديد☀️
دكتور طلع من الغرفة
فتحيه : طمني علي وليدي يادكتور
دكتور : الحمدلله فاق وحالته استقرت وشوية ونطلعوه للدار بس بيقعد كم تحت الملاحظة
فتحيه : تبكي الحمدلله يارب الحمدلله
رانيا : الحمدلله ياربي خلي نتصل بي كيان نفرحها / الو كيان
كيان : بصوت تعبان / طمنيني شن صار فيه
رانيا : كويسه وشوية وبيطلعوه من العناية
كيان :، الحمدلله يارب الحمدلله وسكرت وبدت تبكي من الفرحه وطلعت لي كنان تقوله
كنان : خيرك شن في
كيان : مروان طلع من العناية
كنان : الحمدلله ربي نجاه
كيان : 🥺 كنان ارفعني
كنان : سكت شوية وبعدين قاللها بري البسي
كيان : مشيت بفرحه لبست ونزلت ومشينا ووصلنا غادي لقيت امه واخته وزوز صحابه
فتحيه: تحضن في كيان / الحمدلله ربي لطف بوليدي كبيدتي
كيان : الحمدلله يارب الحمدلله
رانيا : بصوت واطي تبي تخشيله
كيان : ياريت خلي نسأل كنان قبل / كنان
كنان : نعم
كيان : عادي نخشله شوية
كنان : به بري
كيان : خشيت وجيت قعمزت جنبه علي حاشية السرير وشديت ايده ودموعي بدو ينزلو بلا رادة عمري ماتخيلت نشوف مروان ضعيف هكي اللي في لحظة من المرات شوفته مصدر قوتي بكيت بكيت لين شوية حسيت بيه شد ايدي وضغط عليها
مروان : بنيتي
كيان : بنيتك جنبك ومعاك للموت
مروان : شافلها بنضرة حب / نحبك
كيان : وربي نموت فيك يامروان ماتتخيلش شن كان صاير فيا من غيرك هكي كنت بتخلي حبيبتك بروحها😭
مروان : قضاء ربي وقدره يروحي الحمدلله علي كل حال
كيان : اهم شي انك جنبي ومعاي بس
مروان : معاك لي اخر نفس يطلع مني نحبك كيان وربي
كيان : تشوفله وتبكي ودموعها ينزلو / حتني نحبك❤
طق الباب وخش كنان وزياد
زياد : يشبح لي كيان يفصل فيها تفصيل
كيان :استأذنت وطلعت
فات الوقت وروحنا اني وكنان وكنت قمه في الراحه روحت ورقدت نومه مش عادية ليا هلبا مرقدتش هكي
________روايات بنت العنقاء__________________
المهم نمشو بالاحداث شوية طلع مروان من المستشفى وحاله كويس وفات اسبوعين ودارو بيان بسيط وكانو هما الزوز في قمة السعادة وفات يوم زي العسل لين جي يوم
