أسموها وطن !

Part 6

ڪل تفاصيلچ وطنَ للأحتواء ..

الكاتبة ..
روما السلام ..
الانستگرام .. rohm50 _q
شونكم لووزاتي .. ؟
ونكول بسم الله ..
______________________

رمااح .. سمعت دكت باب قووية رحت حتى افتح شفت نفس هذاك السافل وياا الشرطة واخذوني خابرت عزوز كتله طلعت بشغله سرريعة ابقة يم أمي كال تمام طوول الطريق انا ساكت لان اعرف هاي السوالف ماخايف وأي ذرة خوف ماكو بعيووني وهوه يباوع علي ويضحك.. وصلنه المركز نزلت رحت للعميد واستلمني دگ رزايل
العميد .. ولك شلون تتورط بهيج نماذج جيوبهم أثكل منك ومني شلوون ؟؟
رمااح .. سيدي انت الي علمتني مانسكت عن الظلم وندافع عن الحق والي يسكت عن الحق شيطان اخرس
العميد .. اعرف ابني اعرف بس شووف احنه وينن ؟؟ يعني حتى لو جنت محق رح تطلع غلطان يعني هذا الي متعارك  وياا يكدر يكتلك ويكدر يكتلني وتكلي حقق؟؟ راحت الحقوق كلشي راح لمن صاارت الرشاوي والجيوب الثگيله
رمااح .. بس ياسيدي اني ماقبل وحتى لو جيبة ثكيل اني غيرتي ثكيله مااقبل ايده تنمد على مرا حتى لو جانت ماتعنيلي والحق يبقة حق والقانون قانون وفوگ الكل
العميد .. رمااح رمااح ركز وياي مرات بعض الشغلات لازم نسكت عنهه لخاطر مصلحتنه لخاطر حياااتنا لخاطر عوائلنه احنه مجبورين مجبورين ..
رمااح .. سيدي محد يكدر يجبرنه لو نعرف نوگف بوجوهم ونوكف كل واحد يم حده جان عرفوا يصيرون اوادم
العميد .. رماااااح رمااااااااح كااااافي ماكعد تفتهم ماكعد تفتهممم هسه انت تشيل ايدك عن هذا الشخص تماما وإلا رح تشاهد على نفسك اذاا بقيت هيج
رمااح .. حاضر سيدي
رمااح .. طلعت معصب الدنيا طالعه من عيووني والعميد يحجي ومايعرف هيه بنته الي اني دافعت عنهه بنته شلون اسكت عن الحق ؟؟ ماكدر هوه غلط هوه ياكل تبن ويتحاسب لمن نشووف واحد جيبة ثكيل واصل بالدوله وعنده معارف ويسوي غلط يغتصب يقتل يظلم يتعدى لازم مانحجي والله شنوو جيبة ثكيل او حتى نحافظ على عوائلنه حتى مايصيبهم شي ؟؟ إلى متى رح نبقة بهذاااا الوضعع ٱلىى متىىى ؟؟ بس عبالكم لهناا وتنتهي لااا ماتنتهي الا اخليكك تررجاني اصبرر هذا الحجي جان ويه نفسيي وبعياط واني امشي وصلت المخزن مالنه حاطين بي كيس ملاكمه لمن اروح ادرب او اجي معصب اطلع عصبيتي بي رحت نزعت البلوز وبلشت اضررب واني اتذكرها واتذكر شلون دفعها وأذاها وازيدد اضعاف حسبالك مأذيني ...

.......

وطن .. اجت ابالي افكار بس طردتهه من راسي صح فكرت بي شووية وباوعت على ثكله ورزانته بس ثوولت ونمت ..

أبتهال .. ولج يمةةة وطن ولج لازم يوميه على هل روتين شوون يعني ؟؟
وطن .. هاا يوممم هاا
أبتهال .. ولج كوومي مابقة وكت كووومي
وطن .. اي بس شووية بس شووية
أبتهال .. لا مااكو كومي
وطن .. كمت كمت وبست امي من راسها ورحت فرشت سنوني وتوضيت وصليت وبدلت وطلعت
أبتهال .. ولج يمةة مو هاي مسوية ريوگ المن لعدد ؟
وطن .. يومم ماالحكك بعدين بعدين يالله باي
أبتهال .. بحفظ الرحمن يووم
وطن  .. وطلعت على دوام اني وانوار  كالعادة ورحت وهم صبحت بوجه دكتور علاء الشخص الي مااطيقة بس مجبوررة ..
واستغربت صاار خوش فترة ماملتقية بهذاا الشخص ولا بهذول الچلاب ومرتاحه وبنفس الوقت مستغررربة ؟؟
المهم رحت كملت شغلي واخذت انوار وطلعنه
واحنه نمشي بالشارع ماحسيت الا طبكت يمنه سيارة سودة طويلة واخذتنه اني وانوار والغريب جانو ملثمين !
واني صررت اصررخ وانوار ميتة خوف وتبجي ماحسينه الا كلنس على خشمنه وبعدها نمنه وماحسينه بشي...