جواهر

البارت الاول

بسم الله الرحمن الرحيم ..
اول شي صوتو للبارت❤️🌝
وصلو على الحبيب 💙
ولاتنسون تعليقاتكم الحلوة ونسوي هاشتاك رواية جواهر بالتيك توك 😂
غيرت اسم الرواية لان الاسم القديم مستخدم حتى كتاب اكو بنفس الاسم  ميجوز

الرواية قصة حقيقية ان شاءلله اكدر اوصلها بالطريقة العاشوها اصحابها "
~~~~~~~~~~~~~~~~~~~~~~~~~~~~~~~~~~~~

بغداد / السابعة صباحاً ..

الحياة مثل البيانو، المفاتيح السوداء هي لحظات الحزن والمفاتيح البيضاء لحظات السعادة، وكلاهما تلعبان معًا لتُعطي موسيقى جميلة، لا يكتمل لحنها فقط بالمفاتيح البيضاء، لا بد من استخدام المفاتيح السوداء أيضًا.

_ لبست قميص ابيض وبنطرون كابوي لفيت شعري ورفعتة ليفوك نزلت كذلة وحطيت حمرة وتنت وجريت عيوني بالكحل

_ اجاني صوت احسان يرعد .. ييييييلة وين صرتي مو ابو ابوية اشتغل اليوم الشمس شادة حيلها علينة

_ طلعت اركض صعدت بالتكسي مالتة ليورا واثاوب كاتلني النعاس كلت بكلبي .. الله لا ينطيك احسان مبهذلني يومية بمكان

_ راح اذبج واروح عندي خط مال طالبات ضهري

_ يعني الضهر متجي علية

_ لا

_ انتة لشوكت اضل صايع وابو نسوان بعدك 20 سنة مابيك وياهية شفناها بالشارع كلت جانت صاحبتي وهسة اجة دور الطالبات وتعوفني ارجع وحدي علمود الطالبات

_ لا اشتغل يعجبكم لا اكعد بالبيت يعجبكم اهج واعوفها النصير وابو

_ نترت بي هج واخذذني وياك اني هم حالي حالك مبهذلني انتة والوكت علية .. سكت طول الطريق .. وصلنة للمنصور ساحة 14 رمضان نزلت من السيارة ودخلت احد مطاعم المنصور الفاخرة ..

_ صباح الخير ابومهند

_ هلو بيج ست بعد وكت متأخرة ربع ساعة تنكص من راتبج ..

_ انسميت بكلامة عفتة وطبيت للمطبخ شمرت جنطتي على صفحة وضميت المبايل بملابسي اخاف ينباك لبست صدرية المطبخ وكفت ويا العمال بدت الطلبات تطلع والمواعين صارن جبال وكفت اغسل واسب باحسان .. دخل ابو مهند المدير

_ خاتون شو ادردمين

_ لا بالعكس اليوم المواعين مو ثكال خفاف حجيتها وانطيتة ضهري .. حجة واحد من العمال

_ ابو مهند تلكة جواهر يومية تدعي ماكو شغل بالمطعم حتى متغسل مواعين هههههههههههه

_ رديت علية بعصبية .. حضرتك تستلطف درت وجهي اكمل شغلي عاط بي ابو مهند وطلع .. كملت شغلي وخلص الشفت اجة وقت العاملة البعدي نزعت الصدرية واخذت جنطتي وطلعت صعدت تكسي للبيت اخاف اصعد فورتات وحدي كعدت يم الجامة اباوع للشارع وسرحت بنفسي