حُروب السهم [مكتملة]

حُروب السهم 10

كمت من الفراش سويت ريوك ذبيت حيلي كله بيه بلكي يجي يتريك وياي رحت سبحت و رجعت على ملابسي مال البارحة لكيتهم

ناشفين و غسلت قميص سهم بقيت كاعدة منتظرته ل12 ماكو أذن كلش انقهرت حسيت بلعومي تجرح هيج الدموع كلها تجمعت بيه كمت توضيت و صليت و رجعت نمت حتى ما اكلت كعدت ب5 كلشي نفس ما عفته يعني ما جاي ندك الباب صحت منو

ابو سهم: بابا اني عمج

فتحت الباب بسرعة و ابتسمت

زينب: تفضل عمو ليش واكف

ابو سهم: لا بوية بس سهم خابرني كال من رجعتوا من النجف مخليج هنا و رايح صاير عنده شغلة اجيت اخذج

بقيت صافنة شنو يا نجف بس سكتت

زينب: تمام عمو تفضل البس و اجي

رحت لبست العباية مالتي اوف سهم شنو حاجي الهم رحت لعمو صعدنه بالسيارة

ابو سهم: شني بوية شلونه سهم وياج تره لا عبالج ابني لا وداعتج اني موصيه إذا نزلت دموعج نخرب اني وياه مو تشوفيني شايب عبالج ما اكدر لرجلج

زينب: هههه عمو سهم رجال بمعنى الكلمة ولا مرة سمعني كلمة ولا مرة اذاني ابد

ابو سهم: إن شاء الله خير بوية خاف تزعلين بيوم لا تخلين مشاكلكم تطلع بره الغرفة ديري بالج تره اذا طلعت معناهه بيتج خرب

زينب: صار عمو

وصلنه للبيت نزلت سلمت على امه

ام سهم: هلا هلا يمه مقبولة الزيارة

زينب: صالح الأعمال إن شاء الله خاله دعينالكم

شو وسن ماكو ؟

ام سهم: بغرفتها نامت

صعدت لغرفة سهم ماكو اوف وين رحت خل اسالهم نزلت جوه بعد ما بدلت

زينب: خالة سهم ما كال شنو شغله الضروري ؟

ام سهم: لا والله يمه امس من الصبح اجه اخذ جنطته و كال أتأخر الا ارجع ما ادري شكد يبقه شهر شهرين سالته وين رايح كال شغل

صعدت يربي شنو من امس الصبح سافر يعني جنت اتخيل صدك خرب حظج زينب شنو هاي التخيلات السخيفة رسمياً تخبلت

رحت سبحت و لبست دشداشة رحت لغرفة وسن لكيتها كاعدة باوعتلي و رجعت تقره

زينب: عادي ادخل

وسن: تفضلي

زينب: وسن كافي تعامليني هيج والله مو قصدي

وسن: عادي اصلاً آسفة دخلت بحياتكم بس اني احب سهم و ما احس يستاهل الي كاعد يصير وياه

اجت حضنتني و بقت تحجيلي شنو صار وياهم ببيت خالهم بقيت شوية و كمت مر شهر و سهم ماكو بلشت امتحانات وسن بس