حُروب السهم [مكتملة]

حُروب السهم 18

فَليَمرض الفُؤاد شَوقاً ، أنا خَلِيد الكبرياء.

ـــــــــــــــــــــــــــــــــــــــــــــــــــــــــــــــ
زينب

جنت اكعد و ارجع انام احس كلش تعبانة و هم ما اريد اشوف احد منهم لان ما ادري منو دفعني يمكن سهم و يمكن بنات عمه يمكن وسن و يمكن خاله ام سهم كلهم ما اصدكهم كلهم جذابين كعدت باوعت للساعة ب١٠ بالليل كمت بدلت و لبست حجاب اجت هدى

هدى: ها حبيبي محتاجة شي

باوعتلها و كلبت عيوني و نزلت ادور على عمو ابو سهم شفته كاعد بالحديقة يخابر وحدة الحمدلله وحدة رحت وكفت يمه منتظرته يخلص اشرلي اكعد و ابتسم الشخص الوحيد

الي اكدر اثق بيه احسه طيب مو شلون ما جان خلص باوعلي و اجه كعد يمي

ابو سهم: ها بوية محتاجة شي احد غاثج ؟

زينب: عمو طالبتك و لا تردني

ابو سهم: اعتبري الطلب تم بس شنهو ؟

زينب: اريد انفصل عن سهم

ابو سهم: زين بوية غير نعرف شمسوي ؟

زينب: عمو يضربني و لا يحبني ولا احبه مخليني يمه هيج مجرد شفقة

ابو سهم: زين خل اتصل عليه و يجي نسمع من الطرفين

زينب: براحتك

اتصل عليه شوية و اجه ما باوع بوجهي هذا شبيه مصدك اني انتحرت مو على أساس الثقة اهم شي بعلاقتنه هسه اني شبيه افكر نارهم تاكل حطبهم اخر همي هوه و اهله

ابو سهم: اتفضل بوية اكعد عدنه جم حجاية وياك

كعد مقابيلي و موجه نظره على ابوه يباوع بتركيز

سهم: خيرك بوية ؟!

ابو سهم: بوية مرتك طالبه الطلاك دكول تضربها صح هذا الحجي ؟

باوعلي بسرعة خازرني و يهز برجله

سهم: اي ضربتها بس السما اقربلج من الطلاك و عود هم روحي انتحري ما اوصيج

ابو سهم: سهمم ما ربيتك تمد ايدك على النسوان ولا ترفع صوتك عليهن تجي كدامي تقلل من قيمة مرتك و دام الحجي هيج طلاك راح تطلك

سهم: هاهيه اطلك بس بشرط و هي بس الي لازم تسمعه

ابو سهم: تمام عندي اتصال اسويه و اجي اتفقوا بين ما اجي

جنت طول هاي الفترة اباوعله حسيت لثواني اريد احفظ شكله عطره نزاكته حركاته راح ابوه باوعلي و گال

سهم: اطلك ادللي بس لازم اخذ حقي الشرعي قبل لا اطلك

بقيت صافنة عليه جان مبتسم يعرف هاي النقطة راح تخليني اتراجع

زينب: والله عجيب انته شنو ما عندك كرامة لازكلي بابا ما احبك

بقه صافن بوجهي بعدين نزل رأسه و كال