حُروب السهم [مكتملة]

حُروب السهم 21

غيث .
بقينه شويه و طلع الطبيب

الطبيب: لازم عملية وقعوا على الاوراق بين ما اجهز نفسي

رحت بسرعة وقعت و اتصلت على خاله ام سهم

غيث: الو ها يمه شلونج ؟

ام سهم: هلا يمه هلا بيك

غيث: يمه انه و سهم راح نطلع للنجف نريد نشوف عمي
ام سهم: جا وين سهم ليش ما اتصل

خطيه ملتهي ويه الولد اجونه سجناء جدد و ملتهي وياهم بس وصاني اخابرج من الصبح بس انه نسيت

ام سهم: خوش يمه الله يحفظكم من يخلص سهم خل يتصل عليه

غيث: تمام اكوله مع السلامة

سديته ما كدرت اكلها لان مابيها هبطه بعد تموت بقيت كاعد منتظر الطبيب بعد مرور ساعة طلع

الطبيب: سوينه الي علينه و الباقي على الله ربع ساعة و تبين

بقيت انتظر على نار اطول ربع ساعة بحياتي جانت الضربة بجتفه بس حيل خطرة لان نزف هواي استقرت حالته و طلعناه لغير غرفة بقيت يمه لحد ما صحه باوعلي

سهم: بس لا امي تدري

غيث: لا بس كتلها طالعين للنجف اتصل عليها طمنها كالت من يفرغ خل يخابر

سهم: لا خليها هو هسه راح نرجعلها ما دام راح الخطر عادي

سوينه اوراق الخروج على مسؤوليتي و طلعنه

ـــــــــــــــــــــــــــ. زينب. ـــــــــــــــــــــــــــــــ

زينب .
كعدت الصبح كالت خاله سهم بالنجف ويه غيث

زينب: خاله بس ما اخذ ملابس

ام سهم: والله مدري يمه حتى انه كلبي لاعب

بقيت احوس اروح منا و ارجع منا سويت الغده اني و وسن كملنه

زينب: وسن انطيني تلفونج اخابر سهم

وسن: تلكينه على الميز الي بالمطبخ حبيبي

رحت اخذته وسن ممخليه رمز اتصل على سهم شوية و رد بس صوته تعبان عرفته

سهم: ها كلبي محتاجة شي ؟

زينب: سهم وين انته ؟؟

سهم: ها كشمشتي شعجب اتصلي اول تالي ؟

زينب: سهم عوف هاي السوالف اني خايفة عليك و مو مصدكه سالفتك مال النجف

سهم: انه بالطريق دقايق و اكو يمج

زينب: انتظرك ماراح اتغده

سهم: هههه تمام

زينب: ضحكتك حلوه

سهم: مو هنا هذا الحجي كشمش

سديته منه و رحت طمنت خاله انو خابرته شويه و انفتح الباب ركضت لشباك المطبخ شفت غيث ما كدرت اطلع بس خاله و وسن