صعدت مريم غرفتها
مرت ساعه
علي دخل غرفه امه
علي:يما ودي اكلمج بموضوع
ام علي:هلا يما شفيك عسى ماشر
علي:يما انا مابي اكمل هالكورس بالجامعه
ام علي:ليش ليش فيك شي احد مضايقك ؟
علي يبتسم:لا يالغاليه بس مثل ماتدرين انا بالثانويه يبت معدل زين و قوي حيل و دخلت الجامعه اهني بس انا مثل ماتدرين اني مو توب باللغه الانجليزيه و اعرف بعض الكلمات و بعض المرات بالجامعه ماقدر اتفاهم مع الدكاتره الاجانب ف ابي اسافر لغه و كلها اربع شهور و ارجع
ام علي:و شنو يصبرني عنك الاربع شهور
علي:يما كل شوي دقي علي و اصورلج عادي يعني
ام علي:خلاص اوك كلم ابوك و هله يسفرك على حسابه احسن
علي:خلاص بكلمه و اذا وافق بجهز جنطتي
ام علي:دير بالك على نفسك هناك
علي:انشالله يالغاليه و انتي بعد ديري بالج على نفسج
و طلع و اهو مستانس
لقى مريم بالمطبخ
علي:ها شقاعده تسوين ؟
مريم:هلاا .. قاعده اسويلي قهوه
علي:سويلي معاج
مريم:حاضر
علي:الا تعالي انا قررت اسافر امريكا
مريم كانت بتقط القهوه
علي:ها ها ديري بالج
مريم:ليش بتسافر
علي:لغه
مريم:اهاا بتطول ؟
علي:اربع شهور
