اليوم الثاني
ساعه : 10 الصبح
البيت حوسه و الكل متوهق
ام علي تعدل اغراضها عشان تروح للصالون اهي و بناتها
و مريم بتروح مع امها صالون غير عن ام علي بس بتكون فاطمه فيه
بالصالون
ساعه : 6 المغرب
مريم قاعده و جمبها العروس
فاطمه كانت مستانسه
ام فاطمه:شلونج يالعروس
فاطمه:بطير من الوناسه يما علي صار لي !!!
ام فاطمه:مبروك
فاطمه:يما شفتيه بالخطبه مجسم و اسمر شوي تغير حيييل عن اخر مره شفناه
ام فاطمه:اي شفته يهبل نفسج
فاطمه:اخخخ
ام فاطمه تروح و تضحك
مريم:مبروك
فاطمه:الله يبارك فيج
مريم:انا مريم بنت خال علي ساكنين ببيت واحد كلنا
فاطمه:ايييييي هلااا والله
مريم:تحبين علي ؟
فاطمه:اموت فيه
مريم ابتسمت :الله يخليكم حق بعض
فاطمه:مشكوره
مريم سكتت
بالعررس
دخل المعرس
و كان علي مو مستانس كلش ماكان يبتسم
كانت عيونه على مريم بس
مريم تروح له
مريم:علي ابتسم انت الحين معرس لازم تستانس
علي:مريم لاتروحين
مريم راحت
....
