"ပထမဆုံး စတွေ့ခဲ့တဲ့အချိန်ကတည်းက ရင်းနှီး ကျွမ်းဝင်မှုတွေကို ကျော်လွန်ပြီး ငါတို့နှစ်ယောက်က အချိတ်အဆက်မိနေတာကိုသတိထားမိတယ်"....
" မင်းနှလုံးသားရဲ့အနက်ရှိုင်းဆုံးတစ်နေရာမှာ ငါ့ကိုထာဝရချည်နှောင်ပေးထားနိုင်မလား "
"အချိန်တွေနေရာတွေကိုဖြတ်ကျော်ပြီး၊
ဖြစ်နိုင်ခြေဆိုတာတွေကိုကျော်လွန်ပြီးတဲ့နောက်
မင်းရဲ့အစွယ်တွေနဲ့ချည်နှောင်လိုက်တဲ့နေ့ကစပြီး
ငါဘာကိုမှ ဂရုမစိုက်တော့ပါဘူးအချစ်ရေ... "
(Karma)
.
.
.
.
1920ခုနှစ်....
ဘူဆန်မြို့လယ်ရှိ ခြံဝန်းကျယ်ကျယ်နဲ့အိမ်ကြီးအိမ်ကောင်းတစ်ဆောင်၏ရှေ့တွင် မြင်းလှည်းတစ်စီးဆိုက်ရောက်လာပြီးနောက် မြင်းလှည်းပေါ်မှ အနောက်တိုင်းဝတ်စုံအကျအနဝတ်ဆင်ထားသော လူရွယ်တစ်ယောက် အဝတ်အစားအိတ်ကြီးတစ်အိတ်ကိုကိုင်ကာဆင်းလာသည်။
မြည်းလှည်းသမားကို အခကြေးငွေပေးပြီးနောက် ခြံဝန်းအဝင်ဝက လုံခြုံရေးဂိတ်လေးဆီလျှောက်လာခဲ့တော့ ဂိတ်ထဲကလုံခြုံရေးက ပြာပြာသလဲထွက်လာပြီး ခရီးဦးကြိုပြုသည်။
" သခင်လေး ပြန်လာမယ်ဆိုတာမသိလို့ ရထားဘူတာကိုအကြိုမလွှတ်လိုက်ရဘူး သခင်လေးဒုက္ခများသွားပြီ ။
ဝန်မင်းကလည်း အခုတစ်လော ခေါင်းရှုပ်စရာလေးတွေရှိလို့ အခုထိကိုရုံးကပြန်မလာသေးဘူးခင်ဗျ။
သခင်မကြီးကတော့ အထဲမှာရှိပါတယ် သခင်လေးပြန်လာမှန်းသိရင် အရမ်းအံ့သြနေမှာ "
သူ့အတွက်နဲ့အလုပ်ရှုပ်နေမှာဆိုးလို့ ဆောင်ဟွန်းကသူပြန်လာမယ့်အကြောင်း အိမ်ကလူတွေကို ကြေးနန်းမပို့ဖြစ်ခဲ့ပေ။
ဟန်ယန်း(ဆိုးလ်မြို့) မှာကျောင်းသွားတက်နေရာကနေ အခုတော့ကျောင်းပြီးပြီမို့ ဘူဆန်ကိုအပြီးပြန်လာခြင်းပင်ဖြစ်သည်။
အဖေက ဘူဆန်မြို့တော်ဝန်မို့ ဆောင်ဟွန်းကိုသူ့လိုနိုင်ငံရေးသမားတစ်ယောက်ဖြစ်စေချင်သည်။
ထို့ကြောင့်လည်း ဟန်ယန်းကိုစေလွှတ်ကာ နိုင်ငံရေးသိပ္ပံဘာသာရပ်ကို သင်ယူစေခဲ့ပေမယ့် ဆောင်ဟွန်းကတော့ နိုင်ငံရေးထက် ယခု ခေတ်စားနေသည့် ဓာတ်ပုံပညာကိုပိုစိတ်ဝင်စားသည့်အတွက်
ကျောင်းတစ်ဖက်နဲ့ ဓာတ်ပုံပညာကို လေ့လာသင်ယူခဲ့သည်။
YOU ARE READING
SACRIFICE
Fanfictionဂူမီဟိုတွေက တစ်ကယ်ချစ်မိသွားတဲ့အခါ တစ်သက်မှာတစ်ယောက်တည်းကိုပဲရင်ထဲမှာသိမ်းဆည်းပြီး နှစ်နှစ်ကာကာချစ်တတ်ကြတယ်တဲ့။ နှစ်ပေါင်းရာချီထောင်ချီအသက်ရှည်တဲ့ ဂူမီဟိုတစ်ကောင်ဟာ ရာစုနှစ်တစ်ခုစာတောင် ကောင်းကောင်းမရှင်သန်နိုင်တဲ့လူသားတစ်ယောက်ကိုချစ်မိသွားရင် ဘဝကိ...
