مطلقة

البارت السادس عشر

#مطلقة

♕ البارت السادس عشر

*لاضل طري بهل الناس*

*لايابس ايفيد *

*كلها اصبحت عدوان*

*وتگطعك اتريد*

******************************

رجع باهر للبيت متأخر بالليل لگة البيت

ظلمة والكل نايم صعد فوك بالغرفة

المشتركة الي بينه وبين راوية

صعد لگاهة نايمة ع الجرباية راح اتقرب

من يمهة وضل يتأمل بملامحهة وهو يحاول

يحفظ كل تفصيلة بيهة لحد مااتحركت شوية

وصارت خصلة من شعرهة ع وجهة مد ايدة

ع وجهة حتة يبعد الخصلة عنهة انصدم من

الحرارة اللي بوجهة رجع مد ايديه ع گصتهة

وشاف حرارتهة مرتفعة ضل يحاول يگعد

بيهة گعدت وعيونهة ذبلانة من التعب

گوة فتحتهن

باهر: راوية بيج شي اوديج للدكتور

وراوية بغير عالم تون من الحرارة هو خاف

عليهة لاول مرة يحس بالخوف ع شخص

نسى كل كرهة وحقدة عليهة من شافهة

مريضة وحرارتهة مرتفعة

راح طلع ع السريع ايدور صيدلية گوة شاف

صيدلية يردون يعزلون بس لحك عليهم بإخر

لحظة راح جابلهة خافض حرارة ورجع للغرفة

انطاهة الدوة وسوالهة كمادات وبقة سهران

طول الليل وهو يسويلهة كمادات

وهية تون وتحجي حجي غير مفهوم وهية

نايمة اتقرب يمهة وهوة يشوف دموعهة

بعيونهة جنهة جاي تحلم بإحد عزيز عليهة

راوية: يمة دخيلج لاتعوفي.. ني..

وتروحين يمة كلهة اتحاربني كولهم

يأذوني يمة تعبت اخذيني وياج

يمة تعالي لاتروحين تعالي حبابة

لاتعوفين بنتج وحدهة يمة.... يمة....... تعااا
باهر باوع عليهة وشاف دموعهة تصب

ع خدهة عرف تحلم بأمهة اتقرب من يمهة

ومسح دموعهة مااتحمل منظرهة

واستسلم لمشاعرة وباسهة من دون وعي

ورة دقيقة حس بنفسة وخر من يمهة

ع سريع مسح شفتة وشد شعرة بعصبية

باهر: اني شسويت لا لا باهر مستحيل لاتستسلم