وتيني المفقود

٨

ام محمد الجبوريه

وتيني المفقود

البارت ٨

لا تراهن على مكانتك في قلب احد
احمي نفسك من عناء التوقعات
وحافظ على قلبك من اوجاع الخيبات
تاكد انهم عابرون حتى وان طالت مدة اقامتهم

ليث: كمت من يمهم واني شايل سما نزلت للمطبخ جوه
طلبت من وحده من العاملات تحظر ريوك الي والسماوي
وسالتها على امي
كالت مدلين يمها فطرتها وغيرت الها

سالتني اطلع الريوك فوك لو هنا
كتلها لا طلعي بالحديقه بره

طلعت اني وسما
كعدنا على الديوان الي مسوي جدي بحديقه القصر

طبعا اكثر من حديقه بي القصر
وبي العاب اطفال كامله

وبي مسبح خارجي ومسبح داخلي

تريكنه ونطيت سما للمربيه مالتها
واني رجعت الغرفتي اخذت مستلزماتي الى احتاجهم
من ظمنهم سلاحي اي سلاحي بالعراق دوم شايل سلاحي وياي وهو مرخص
خليته بحزامي وطلعت نهى راحت يم امي واني وجدي ومنى طلعنا لشركه الرئيسة

منى تتمنى تكتلني بهذي الحظه
منفعله ودردم وزوجها يهدئ بيها

للعلم اخواتي اثنينهم عدهم اولاد بس اولاد منى اثنين ابد ماعدهم اتصال مباشر بينا وحتى بامهم تلتقي بيهم بس بايام العطل
مدخلتهم مدارس خاصه وسيارات خاصه تاخذهم وترجعهم
وعدهم مدربين ومتابعين مباشرين لكل خطوات حياتهم دراستهم طلعاتهم النادي الاسطبل وكل واحد منهم عنده فرس بالمزرعه الخاصه مالتهم  غير المربيات والعاملات

اما نهى لا هيه تشرف على كل خطوه بحياة جهالها الاربعه رغم هيه هم تعمل باحد شركات جدي هيه وزوجها

بس منى تختلف هيه المدير التنفيذي الكل الشركات
واليوم جدي يريد يحول كلشي الي
واني كلشي مااعرف باعمالهم

وصلنا لشركه

الكل ماخذ وضع الاستعداد

حسيت نفسي بفلم مصري

وصلنا لطابق المكاتب

حجه جدي ويه السكرتير

الكل اجتماع بالقاعه حتى العمال
ماعدى حرس البوابات
الاجتماع بعد ساعه

دخلنا الغرفه الخاصه بجدي

طبعا جدي من نوع الرجل الكلاسك
على مودرن
يعني من تدخل مكان خاص بي تحس داخل مكان من الستينات
بس الي يحسسك انت بهذا العصر
وجود كمليات زمنا
الي هيه بلازمه
حاسبه
الاجهزه الدقيقه الحديثه

جدي من نوع الذكي جدا يعرف شلون يلزم الامور بيد من حديد
طبعا بكل مكان تروح عليه بالشركه اكو كامره
واكو غرفه خاصه المراقبه الكامرات