وتيني المفقود

٩

ام محمد الجبوريه

وتيني المفقود

بارت ٩

ردت أگلك ..
بس نزيز الخوف يسمر غرگاني
وردت أگلك
لچن چف العيب عن دربك خذاني
وردت أگلك
وأنتچت روحي أعله سكته
الشوگ سكته ..
وحزني سكته ..
وباچر بملگاك سكته ..
ومدري من يا سكته أجيبك ..
أااخ يالمامش ولا سچه لنصيبك .

عشت اروع واجمل يومين بيت اهلي الي ربوني هنا تحس بالحب الحنان الحقيقي
اخواتي الي عبالك صدك اخوهن من امهن وابوهن
اخوي الي من يشوفني يحير شلون يصرف ساعه يحضني ساعه يبوسني

اجو اخواتي بنات ام عمار سما طايره ويه الجهال لا اكو حدود تتحرك بيها
لا اكو قوانين هيج اكعدي هيج نامي
امي ام عمار اسبحها وتمشطلها
وتنيمها بحظنها تحجيلها قصص
كملنا نقل للبيت الجديد
وذبحنا فديه طبخنا وعزمنا اقاربنا

خالاتي فرحانات بيه واني لابس دشداشه واشيل بالاكل وتحارش بهاي وارد الهذيج وهنه بس ضحكهن قبل لا يرحن انطيت الكل وحده بيهن مصرف
كتلهن ماحبتلجن شي وياي جيتي صارت سريعه
خطيه بوسني

سماوي تهبد ويه الجهال تلعب كو اوكلها كوه اكعدها تالي كمت العب وياها ويا الجهال طوبه
وعمار حاير برزان هاي هم طفله ثانيه
يشيلها هنا ويحطها هنا الجهال رتبنالهم غرفتهم اول شي وخليناهم بيها حتى لا يصير عليهم شي من الناس الطابه طالعه ونفس هم

ثاني يوم اخذت عمار للمعارض اخذ سياره عائليه عاليه صارت بدفتر ونص

كتله سويلك مشروع زغير  ترتب حياتك
كال لا صديقي انطاني خوش فكره
كالي
جيبلك كم قفص دجاج وكل اسبوع نزل قفص لسوك
وهاي الكاع راح ازرعها خضره
بيها الفلوس لا عبالك الباكه بربع
والله معيشه عوائل شجعته وهو هم مو من نوع الصراف حتى عائلته قنوعين كلش بس هم صارو عنده توم خطيه ولو بعد تعب صارو

خلصن اليومين ورجعت البيت جدي

سماوي جانت نايمه

افتريت عليها شلتها واشرت للحرس ينزلون الغراض

بس صعدت سما بغرفتها اسمع جدي يصيح بالمكتب
اني صح مااحبه واعتبره السبب بمقتل ابوي وجنون امي
بس يبقه جدي اذا احس اكو خطر عليه اسنده
وصلت للمكتبه سمعته
يحجي شوفي بتصرفج هذا كلشي مالج يمنه وحتى بنتج تنسيها

الظاهر اكو طرف ثاني يحجي ويا ع الخط

رجع كالها ماكو مبرر كنالج يتعالج كاعد اصبري

الطرف الثاني............

الجد: وانتي اصدكين بمنى تعرفيها تريد اي شي شوه صورته
حجيت وياج وكتلج عصابه حاولو يقتلو وطلعته مناك

الطرف الثاني..........

الجد: اي مستهدف عموما انتي سويتي الي يعجبج وخلص لا ترجعين للعراق بعد