بيت من الجحيم

1

بيت من الجحيم
للكاتبه عائشه الدليمي
..................................
كرهكم وجهنم وثنينهن عذاب
كرهتوني بروحي لحدما گلبي من الحياه تاب
....................................
ام إقبال ــــــ مصيرج مصير عمتج جنان
ملاك ــــــ مو انتي التكتبين مصيري الله اليكتبه فاهمه
أم إقبال ــــــ هذا لسانج اذا ماينگص بكل جيه تجينها علينه ماتسمه سميعه
ملاك ــــــ هههه ليش اني وين رايحه تا اجي عليكم
أم إقبال ــــــ انتي تعرفين گلتلج مصيرج مصير جنان وهسه اشوفين
ملاك ــــــ عفتها ما الي خلگ اللاسن و ثروان الثور موجودواني لحد الان اتذكر كتله ضالم من يضرب رحت جيلت العصر گعدت رحت لهايشتي طبعا اني عندي هايشه بسبب لساني اني ماسكت لاحد خصوصا نسوان عمي هنه يكرهني لان حلوه جمالي طاغي و اني الوحيده لامي وابوي فيخافن لا اخذ المخططات عليهم طبعا مخططات على ولد عمي ياخذومن اني ماصدگ اطلع من الهمج تا افكر بيهم رجعت لگيت يمنه سياره طبيت من المطبخ
ام حازم ــــــ اركضي اسبحي وبدلي وتعالي
ملاك ــــــ ليش
ام حازم ــــــ اركضي يمنه خطار
ملاك ــــــ مافهمت بس مادام يمنه خطار اكيد ابدل رحت سبحت وبدلت لگيت اقبال الخنزير والثور واگفين بالدرج،،،،،، ممكن تگحزون
إقبال ــــــ اتفضلي
ملاك ــــــ نزلت رحت للمطبخ اشو شيلني العصيرات رحت قدمت ردت ارجع بس ام إقبال گعدتني اجبار گعدت شافني واسمع يتبسبسن اني كل هالحجي ماعرف بيهن خطابه بدن يحجن على ابهن اني مدري ثوله مافتهمت مدري اثول بنفسي مو مصدگه شوفني صورتهن و صارن يحجن بأخلاقه گلتلهن ومنو گاللجن اوافق عفتهن ورحت ورا شويه اجه عمي كسرني تكسر لان حجيت هيج و فشلتهن ضليت ابجي عمي يحرگ شر يگول لابويه زوجها واكسر خشمها عبالك ذابحه ابوهم عمامي لان عماتي يكرهني همه يكرهوني رحت برا ابجي لگيت بكر و حازم و الحنزير (إقبال) و كرم وعلي متكاونين الثور (ثروان) واگف وحد مسفط اديه وواگف جان لابس الزي يمكن يريد يلتحق ضليت ادحگللهم عليه متكاونين وكلمن يگول هاي نهوتي وله إقبال الخنزير خبل نفسه فد نوب هوا مزوج وعنده تلث جهال لا والله وهم يريدني
إقبال ــــــ اني اكبر منكم اني الازوجها هاي نهوتي من زمان
بكر ــــــ من ينطيك انته مزوج اني احق بيها منك هاي نهوتي الي
حازم ــــــ اني ناهي عليها وگايل لابويه
بكر ــــــ مو ابوك گال لابوها زوجها واكسر خشمها
علي ــــــ اني اقرب لعمرها محد يزوجها غيري مفهوم
إقبال ــــــ امشي لك زعطوط
ثروان ــــــ ولا لواحد تزوج التقدملها وهاهيه و اليحجي اشگ حلگه اني رايح للدوام و اذا سامع بيكم واحد ناهي ومخرب الحجتيه لا تامنون العتب وانته إقبال لا تلعب بذيلك احسلك يالله كلمن يروح لغرفته
ملاك ــــــ سحبت قواتي ورحت للبيت ركض فتت لغرفتي اجت امي تقنع بيه عالولد
ام ملاك ــــــ يمه ملوكه شرايج بالخطابه الاجت عليج
ملاك ــــــ يمه اولا اني مو راضيه هوا يادوب عماله ثانيا امي جاهل ثالثا اني ماگدر اعيش حياة الفگر انتو من غير هاي وهاي مو مرهيني اني اريد اطلع م فگري تزوجوني لفگر امه من البدايه جانت صريحه وگالت عدنه هوايش خوما يضر اذا طلعت عليهن اني ماريد ماخلص من هايشتي تجيني هوايش لا والله ماقبل
ام ملاك ــــــ يمه تزوجي واخلصي من هنا شوفي عمامج كلهم مو رايدينج ونسوان عمامج حيايه واخذوهم فقره يغنيهم الله ماتدرين لعل وعسى يتوضف هالوليد ويعوف العماله ويتيسر الحال
ملاك ــــــ ضليت ارفض ليما امي قنعتني اني منا كلام امي و منا اني بنفسي مو راضيه مو موافقه ماريد المهم اجه الولد شافني نضره شرعيه اني دحگتله مرا هوا حلو بس الحلو مو عگل احد ضل يدحگلي احس بيه يدحگ عوينجي ماحجيت هوا راستا وافق اني قبل لا ارد جوابي ردت اخذ وكت بس ام إقبال وام حازم سبقني ووافقن بدالي و حددن يوم السياگ اني رأستا بجيت ماريد مو گوه مو اجبار رحت لغرفاي ورما راحو ضليت ابجي امي رادت تجي مافتحتلها الباب كله بسببها ماوگفت ويايه ضليت ابجي المهم اجه يوم الجمعه وقرينه الفاتحه جانو جايبين شيخ تزوجنا زواج عرب (زواج شيخ) وبالاحد تزوجنا محكمه ماجان عندهم حتى يسوون مهر انقهرت يعني اويلاه حتى هاي دزلي موبايل جان عادي من القديمات رخيص على گد حاله جايبه صار يخابرني يوميه ويتغزل اني ما الي نفس اغازل واصخم ماريده بعدني جاهل عالزواج و هوا مارتاحيتله مبين مو خوش ادمي بعد تدلايه سميعه المتريدلي الخير نوبات يطلع عن المألوف بحجيه اسده بوجهه لان قليل تربايه ضليت مخطوبه اربع شهور وبعدها اجاني خبر واگع من السكله على راسه وميت جان عندي عادي لبست اسود واخذوني لبيت اهله امي وصتني ابجي رحت گعدوني يم امه الملخت روحها عليه من البجي صارت تگول رجلج مات وانتو بعدكم مخطوبين وترملتي بهالعمر انقهرت على نفسي اي ترملت بهالعمر بعدني ماشفت طفولتي تا اترمل صرت ابجي بحرگه رجعنه لبيت اهلي شفت ابويه دحگتله بنضرة عتب،،،،، كله بسببك ترملت واني بهالعمر زوجتني غصب تا صرت ارمله اصغر ارمله بسببك ثگلت عليك لگمتي ارتحت ماخلصت مني لا بس صرت ارمله على لسان كل الاوادم هئ راح ابقى على گلبك محد يزوجني ابشرك محد ياخذ ارمله،،،،، عفته ورحت بقيت ابجي اجن عماتي يگللي ترملتي و گصتج فگر موتي الولد بقيت ابجي منهاره رادو مني اروح للفاتحه بس مارحت ماتحملت نضرات الناس عليه طلعت بالحديقه جنت لابسه اسود و بوشيه وجفوف وجواريب حتى لا يشوفني ولد عود لازمه عده جانت الساعه بالوحده بليل گعدت ابجي برا على حالي اهلي الدمرو حياتي حسيت شي براسي متت من الخوف
ثروان ــــــ منو انتي او انته
ملاك ــــــ هاي اني،،، سحب اقسام بس سمع صوتي وگال بعصبيه
ثروان ــــــ تريد تهررربييينننن
ملاك ــــــ عليش اهرب وين اهرب
ثروان ــــــ ليش لابسه ومقلقشه نفسج اذا متريد تهربين
ملاك ــــــ لان لازمه عده اني ارمله
ثروان ــــــ شنو
ملاك ــــــ متدري يعني زوجي مات وگع من السكله
ثروان ــــــ طبي جوا
ملاك ــــــ طبيت جوا نزعت ملابسي ولبست دشداشه حمرا على عنادهم الصبح بدلت ضليت اربعشهور وعشرتيام هيج لابسه ام إقبال تريدني اضل لابسه اسود عاد من خلصت العده لبست احمر دموي فسفوري بحيث اذا اگف جوا الشمس يعكس عناد بيها شافتني هيج لو شبعتني ضرب ماسكتتلها هيه منو تا تضربني امي ابويه اني ضربتها وصرت اتجاوز عليها تستاهل اعتشو عليه كلهم يضربون بيه وهيه وام حازم يذبن بهالسم عليه ويحجن عليه يعصبن الولد ليما انفتح راسي مادريت الدنيا تشرق لو تغرب گعدت لگيت عليه جهاز تنفس وابويه گاعد يمي هوا وثروان و حازم من شفت حازم اختنگت و صرت ادافر اريد اگللهم طلعو ماريد اشوفه