بيت من الجحيم

2

ثروان ــــــ حازم اطلع
ابو ملاك ــــــ راح انادي الدكتور
ملاك ــــــ راح ابويه بسرعه ينادي الدكتور وحازم لازگ بالمكان بالگوه ثروان طلعه اجه الدكتور فحصني بعدها رجع بابا وثروان صارو يحجون منو كتلني صرت ابجي تعبت من الحياة شمسويتلهم الله اكبر
ثروان ــــــ عمي اني طالع اجيب اكل ومي محتاج شي اجيبلك ويايه
ابو ملاك ــــــ لا عمي
ملاك ــــــ راح ورجع جايب اكل گعد يمي رفع السرير خلى قصبه بحلگي وقرب الماعون
ثروان ــــــ اشربي شوربه
ملاك ــــــ هزيتله راسي بلا
ثروان ــــــ اكلي تطيبين
ملاك ــــــ بصوت خافت،،،،، موجوعانه
ثروان ــــــ اكلي شنو موجوعانه اغصبي نفسج واكلي
ملاك ــــــ سحبت شوربه جانت طيبه بقيت اكل ليما خلصت الماعون انطاني عصير شربت
ثروان ــــــ تريد تشتكين
ملاك ــــــ دحگت لابويه اشرلي بلا
ثروان ــــــ لدحگين لعمي دحگيلي اني هنا مو ابن عمج اعتبريني ضابط يسألج وتشتكيله مو ابن عم
ملاك ــــــ دحگت لابويه لزم وجهي
ثروان ــــــ تؤ دحگيلي الي وبس لدحگين لابوج
ملاك ــــــ دحگت لبابا بعيوني  اشرلي بلا رجعت ادحگ لثروان الضربله صفنه بوجهي ضليت ادحگ بعيونه هز راسه وگال
ثروان ــــــ ها شنو جوابج
ملاك ــــــ هزيتله راسي بلا
ثروان ــــــ براحتج
ملاك ــــــ اي
ثروان ــــــ عمي اني اترخص عندي شغل شويت النوب ارجع ونطلع
ابو ملاك ــــــ إن شاءلله عمي
ملاك ــــــ طلع بقيت اتذكر نضراته هاي اول مرا ثروان يكون قريب مني هوا دوم معتزل بدوامه ماله دخل بس مرا ضربني ضليت اسبوع انگز من ضربته الله لا يشوفنياها بعد هههه بس عمامي وولد عمامي عبالك عدوتهم يشبعوني كتل اني صح لساني متبري مني بس بسبب نسوانهم قليلات الادب قليلات الرحمه
ابو ملاك ــــــ شلون صرتي
ملاك ــــــ هزيتله راسي
ابو ملاك ــــــ عليش كتلوج
ملاك ــــــ بصوت ناصي،،،، ام اقبال ضربتني واني رديت عليها وضربتها لان اذتني و كلهم تحاوشوني وام حازم وهيه يزيدن النار حطب
ابو ملاك ــــــ انتي ليش تربيتج عاق
ملاك ــــــ انته ليش ترجع عليه هنه ميحبني هنه معيشاتني بالضيم ومتحجي شفتني عاق ماشفت شغل البيت عليه شفتني عاق ماشفت جابلي هايشه شفتني عاق زوجني واحد عطاله بطاله اترملت بهالعمر ماگلت هالزواجه قررتها ام اقبال لا شفتني اني عاق مو خوش ادميه ششوف بعد ليشمعمي عن عذابي و ادحگ لجانبي السيء الي بسبب الضيم طلعته يابه انته عمرك ماجنت سند الي واني وحيدتك،،،، صديت عنه وصرت ابجي ليما دخت صار صداع براسي ووجع فضيع گمت اصيح ضربوني مسكن الالام ورا ساعه اجه ثروان
ثروان ــــــ يالله عمي نطلع
ابو ملاك ــــــ لا الدكتور گال لتخرجونها بعد يومين مو زينلها الحركه
ثروان ــــــ ها عجل انته روح ارتاح اني يمها
ابو ملاك ــــــ لا ماروح
ثروان ــــــ براحتك اني نازل بالسياره اذا تريد شي خابرني واجي
ابو ملاك ــــــ ماتقصر
ملاك ــــــ راح ثروان وابويه نام بليل صرت اصرخ من وجع راسي لجه الدكتور شافه  ضربني ابرة مسكن نكت لثاني يوم اجو عمامي ماحجيت ولا صديت عليهم ولا اريد اشوفهم كرهانتهم همه يكتلوني متعوده على هذا الشي بس مو معناها ينومومي مستشفيات كله بسبب عجايز الشمطاء عبالك ساحراتهم سحر إن شاءلله لا يربحن ولا يفرحن مر اليومين ورجعت للبيت اجن تحمدن الي بالسلامه تحسبت عليهن انگلعن مرت الايام وطاب راسي اجتني خطابه ازلمه مطلگ وعمره 30سنه گعدن يقنعن بيه علبو مايجيج احسن منه وانتي ارمله ومن هذا الحجي اني ماوافقت ابويه عمامي سووله هوا گلتله هم تكسر رگبتي مثل ماكسرتها اول مرا حار بيني وبين عمامي الولد هالمرا ماسكتو وكلهم نهو عليه ابويه حار بيني اني الماريد ازوج و بين عمامي اليريد يزوجوني وبين ولد عمي الناهين عليه زوجة إقبال تخبلت من عرفت بأقبال يريدني اخر شي قررو يزوجوني للزلمه تحسبت عليهم ليما تعبت اتذكرت ثروان من خلى المسدس براسي يعباليني اريد اهرب ردت اطبقها واهرب لاعب الشيطان براسي بس اخاف اهرب طلعت بالوحده مخنوگه اجه ثروان شايطه اعصابه ضربني وگال
ثروان ــــــ مو لازمه عده تا بس هالوكت تطلعين شسوين هنا
ملاك ــــــ ما اسوي شي ثروان
ثروان ــــــ شسووويييننن شششمممطلللعججج
ملاك ــــــ هئ ماسوي شي،،، لزم اذني من جوا الحجاب ولواها لزمت ايده،،،، الله عليك هدني والله ماجاي اسوي شي بس طلعت
ثروان ــــــ شمطلعج بنصاص الليالي
ملاك ــــــ هئيييئ هدني
ثروان ــــــ شمممطللعععججج اااححجججييي وووييييااااججج
ملاك ــــــ ماردت اشوف احد باجر انخطب و ولد عمامي ناهين عليه ابويه گال لتطلعين
ثروان ــــــ تنخطبين. منو المن وليش اني مادري 
ملاك ــــــ مدري ماعرفه بس راح يكسرون رگبتي مثل اول مرا هئ هئيييئ
ثروان ــــــ طبي جوا
ملاك ــــــ طبيت جوا لغرفتي الليل كله ابجي ثاني يوم بدلت غصب عليه انتضرنه يجون ماجو بليل وخابرو گالو البنيه منهي عليها شلون تخلونه نجي نخطب اني فرحت من تفركشت نسوان عمامي انتحرن وطگن من عرفن بنات عمي يخازرن مو طايقاتني رحت لغرفتي مدري منو ناهي بيهم بس واخيرا سوولهم شي براسه خير نمت واني مرتاح بالي گعدت الصبح رحت كنست البرا وحلبت الهايشه وخليتلها حشيش فورت الحليبه و سويت ريوگ بالثمانيه الكل گعد تريگو وكملو وغسلت المواعين مضفت غرفاي وغرفة امي و الصاله و الديوان طبعا بيتنه مدرسه لان كل عمامي ساكنين الولد بالطابق الثالث وتلطابق الاول لعمي محسن و عبد الحي اربع غرف غرفتين للبنات وغرفتين لعمامي و الظور الثاني غرفه الي وغرفه لامي وغرفه لعمي وغرفه لبناته اما الثالث فهذا للولد متروس غرف فوگ مدري ليش ميطلعون عود محبه بينهم ميدرون النسوان ناس تحفر لناس حياتي بهذال والحجي اشكال اللوان عليه حتى على شغلي يحجن ويهندرن عمامي وعمامي يهندرون ابويه و طبه بيه وطبه بالگاع مرا رحنه لبيت خالي وگلت لامي نرزح للشيخ نشوف مسوياتلي سخر لا وبالفعل طلعن مسوياتلي يحر لا اتزوج ولا اخلف ولا اخطب و مشاكل اني واهلي وعمامي يكرهوني فليناه من سكات والله شهر واني بارد راسي لا ضرب ولا مشاكل  اجت خطابه وتكاونو عليه
ام إقبال ــــــ والله احسن حل تزوج تا لا تضل منفوسه بين ولد عمه
ام ثروان ــــــ اي ييمه وافقي لتفككين ولد عمج
ملاك ــــــ ام ثروان هاي الوحيده الاسميها عمه خوش ادميه يعني من تصوم وتصلي و تحج صدگ صدگ طالعه من خطاتهن ومقدرتهن اني ماوافقت وابويه ماوافق بس عمامي اللحاحهم هم ماجو و خابرو ابويه گالوله بنتك منهي عليها سوو لمه يريد يعرفون منو الينهي بدون علم بابا كلهم گالو مو احنه هيج صدفه دحگت لثروان يدحگلي
ثروان ــــــ عمي احلك مشكلتك من الاخير ولد عمي كلهم متكاونين عليها زيريدونها اني ماكاونت و لا حجيت بس