بيت من الجحيم

18

ملاك ــــــ حسبي الله بيها جانت مسويه شكل ازلمه ومرا گال اصهري جوا مي و طشي بالفعل رجعنه سويت هيج وطشيته ثروان فد نوب حاله حتى الدوام طلب اجازه  يتمرض فجئه من ناخذه للطبيب كلشي مابيه وكل غروبيه يلعب بيه طوبه يصير مثل الطفل يبجي ويصيح واحلامه وكوابيسه الماتخلص
ثروان ــــــ وينج
ملاك ــــــ ها هنا يمك
ثروان ــــــ اي
ملاك ــــــ ارجع نام.
ثروان ــــــ اي
ملاك ــــــ تروح عالشيخ باجر
ثروان ــــــ لا
ملاك ــــــ لخاطري مو تحبني اذا تحبني نروح
ثروان ــــــ لا
ملاك ــــــ لتصير عنيد لخاطري
ثروان ــــــ لا لا لا
ملاك ــــــ خلص مانروح
ثروان ــــــ اي
ملاك ــــــ ثروان خليني اروح لاهلي باجر
ثروان ــــــ متروحين
ملاك ــــــ ليش ماروح خليني اروح
ثروان ــــــ واني تخليني وحدي لا متروحين
ملاك ــــــ هاي شلون ورطه مشتاگه لجهالي،،،، اذا متروح للشيخ اروح لاهلي ومتشوفني بعد
ثروان ــــــ انروح للشيخ
ملاك ــــــ هههه اي
ثروان ــــــ نامي
ملاك ــــــ وانته هم،،،، نام ثاني يوم رحنه گال هاي عليه عارض بسبب السحر قرا عليه وگاله يلتزم بسورة الدخان و البقرة رجعنه للبيت مرا تلتيام حيل زين حتى احلام مايحلم وهوا ملتزم رجع يداوم اني من داوم گلت لابويه يجي ياخذني قفلت البيت ورجعت لبيت اهلي انطيت المفتاح لابويه وگلتله يوديلهيا بس يرجع مرا الايام ونزل وجاي لبيتنه اسمعه يگل لامي وينها طلعتله وجان اعصابه بخشمه صايره
ثروان ــــــ بدلي و لمي ملابسج و جيبي الجهال وخل نرجع لبيتنه
ملاك ــــــ مابيني وبينك بيت انخرب بيتنه اني ارييد الفصال
ثروان ــــــ انتي شگاعد تحجين شنو فصال شنو بطيخ اسمعي الكلمه احسلج مفكرتها لعب جهال
ملاك ــــــ ماروح اني عشت وياك عيشه رذيله و اذا ماتوافق فما بيناتنه بس المحاكم
ثروان ــــــ خليني هادي ويالله
ملاك ــــــ ماروح
ثروان ــــــ لتجين ضلي هنا يم اهلج جهالي اخذهم اخذهم
ملاك ــــــ هسه گلت جهالي والله اگص ايدك بس تگول جهالي
ثروان ــــــ خلينه نحجي نحل المشاكل البينه
ملاك ــــــ ماحلهن اله الطلاگ يثروان
ثروان ــــــ خل نحلهن ولتتهورين الطلاگ مو لعب جهال ولاهو بالشي الهين
ملاك ــــــ اخذني للغرفه مالتي طلع الجهال وسد الباب
ثروان ــــــ تدرين بيه احبج
ملاك ــــــ مايهمني ثروان مايهمني بعد زهگت الحياة زهگت الحب الرجيج
ثروان ــــــ حبي الج مو رجيج والله بس الضروف
ملاك ــــــ لتگلي ضروف،،،، خلى ايده على حلگي وحضني باس خدي وصار يشم شعري گعد وگعدني بحضنه حاولت اوخر ايده ماقبل
ثروان ــــــ اوخرها بس تخليني احجيلج وتحجيلي بهدوء
ملاك ــــــ هزيتله راسي  وخر ايده ردت اگوم من حضنه ماخلاني
ثروان ــــــ شبيج اگعدي ما اكلج
ملاك ــــــ مامرتاحه خل اگوم
ثروان ــــــ بحضن حبيبج ورجلج مامرتاحه
ملاك ــــــ صار يبوس بخدودي دفعته،،،،،، عوفني
ثروان ــــــ شبيج هاي لان احبج معذبتني
ملاك ــــــ حبك رجيج جان مو بأول سحر كرهتني ونسيتني
ثروان ــــــ بابا انتي شبيج هذا سحر تعرفين شنو سحر شفتي شسوا بيه بعدين من حبي رجيج انتي حبج شنو اني افترض حبي الج هزيل ونسيتج و كرهتج انتي هسه عفتيني واني واعي وانتي واعيه هذا يعني انتي ماحبيتيني من الاساس
ملاك ــــــ مو مجبوره ابررلك
ثروان ــــــ لا تبررين ملاك خلص التريدينه يصير جنج عالطلاگ
ملاك ــــــ اي
ثروان ــــــ بس جهالي واحد الج و واحد الي
ملاك ــــــ ااااانتتتهههه ششگگاااعععددد تتتحجججييي شگددددد ااانااانننيي تتاااا تتتجبببرررنننييي تتتفرررققق بييين جهاااللييي ااانننيييي اااممم بااللنننسبببه اللييي ممممگگددددرررر اتتتخللللىىى عنننهممم ثنيييننننهم
ثروان ــــــ اني مو اناني بس انتي لتصيرين انانيه تبعدين جهالي عني اني رايح بالمحكمه نتفاهم
ملاك ــــــ الحضانه للام
ثروان ــــــ ميخالف بينه المحاكم وهناك نتفاهم
ملاك ــــــ انته ماراح تستخدم معارفك و وضيفتك تا تحرم ام من اطفالها
ثروان ــــــ مطر والله
ملاك ــــــ لااااا ممممسسستتتحححيييللل ماااخللليييك ممماااخخخللليييككك،،،، صار يفتر دحگتله صفنت بيه انتبه نزلت راسي اجه گعد يمي
ثروان ــــــ شسويتلج تا كارهتني لهالدرجه شسويتلج
ملاك ــــــ رفعت اصبعي الشكله مشوه
ثروان ــــــ هاي شنو
ملاك ــــــ انته شلت بصمة اصبعي
ثروان ــــــ هاي شنو
ملاك ــــــ انته وخرتها ولازم اسويلها عملية تجميل ثروان انته جنت كل يوميه تعذبني اتطلع دمي عبالك تضربلك بكافر اني اخاف ابقى يمك لهذا اريد اطلگ
ثروان ــــــ تدرين جنت اضربج بسبب السحر بس انتي لگيتي ام واب يحبونج و اطفال استغنيتي عني تدرين اكتشفت حبج الي كله جذبه بس تريدين شخص يحن عليج
ملاك ــــــ لا والله
ثروان ــــــ عجل شنو
ملاك ــــــ مو هيج
ثروان ــــــ شنو المو هيج ها اليحب ماينسه
ملاك ــــــ ماگدر افهمني ماگدر ارجع ثروان ماگدر افهمني ماگدر ماگدر
ثروان ــــــ براحتج اني ماجبرج ضلي ابيت اهلج بس طلاگ مانطلگ اله اذا تريد تتزوجين غيري فبهالحاله اطلگج والحضانه اتصير الي
ملاك ــــــ لا لا ماتزوج ماطلع من زواج فاشل اله ارجع اعيد الخطأ
ثروان ــــــ زواجنه فاشل؟؟؟
ملاك ــــــ اي
ثروان ــــــ مع السلامه
ملاك ــــــ حسيت غلطت بالكلام وياه طلعت وراه بوس الجهال وراح صار يجي عالجهال ياخذهم يشتريلهم ويونسهم ويرجعهم اني وياه مانحجي بس السلام وگفه (ورا)  مرا من المرات اجه على غير العاده سابح بالعطر و البنطلون والقميص و الترتيب غير شكل هوا يلبس بس مو بهالاناقه هاي الزايده بوس الجهال و رادو يروحون وياه گاللهم لا بابا مستعجل،،،،، وين مستعجل
ثروان ــــــ نعم
ملاك ــــــ شعندك هيج متأنق وين طالع
ثروان ــــــ مو لمكان
ملاك ــــــ وين طالع من حقي اعرف
ثروان ــــــ من تجين ابيتي واتشوفيني البس واتكشخ جدامج عود گليلي وين رايح كو انتي ابيت اهلج و تحجين
ملاك ــــــ اي اني حتلو ابيتك ماراح اتجاوب
ثروان ــــــ عجل مثلج من يعرف لتسألين
ملاك ــــــ وين رايح اني هم اريد اطلع اريدك توصلني
ثروان ــــــ لوين رايحه
ملاك ــــــ انته وين رايح
ثروان ــــــ انتي الوين رايحه
ملاك ــــــ انته عالسوگ رايح لو وين
ثروان ــــــ عالسوگ
ملاك ــــــ اي اريد اشتري ملابس ماعندي اخذني وياك
ثروان ــــــ رايح لاصدقائي
ملاك ــــــ مو مشكله على غير مره روح وياهم
ثروان ــــــ استغفر الله يالله هيري نفسج
ملاك ــــــ اني مامحتاجه شي بس اريد اعرف وين رايح وديت الجهال يم امي ولبست وطلعت رحت للسوگ نفتر اشوفه يدحگ للساعه ضليت اول اني ماريد اشتري شي و اصلا ماجايبه فلوس يادوب عشرتالاف بس اريد اعرف وين يريد يروح
ثروان ــــــ خلصيني اشتري
ملاك ــــــ طبيت عالكوزمتك اشتريت صبغ و مسطاره بقا عندي اربعتالاف اشتريت حمره و ايلاينر وگلتله،،،،، يالله خل نرجع اشتريت
ثروان ــــــ نعم؟  يعني حرمتيني اروح لاصدقائي علمود هذا الشغلات كل عقلج