بيت من الجحيم

16

ثروان ــــــ كلبع تريد طلاگ
ملاك ــــــ بسيطه والله لشتكي عليكم كلكم اعفنكم بالحبوس فمركم ماسمعكم شتحجون عليه امي طگت روحي منكم بس تضربون وتهينون ليش منو گاللكم اني لعبة بشريه الكم،،، تحاوشوني كلهم طلمن يضربني من جهه طلعت من الباب صرت اركض بهالضهريه اجه ثروان وگف السياره جدامي فتح الباب ودفعني بالسياره دفع راسي انضرب بالجامه مالت السيلره وبعدها سطرني على راسي طبب السياره وسد الباب و طلهطعني ضربني وگعت بالگاع صار يدفر بيه خفت على الطفل يدفرني على وجهي الدم صار بحيره جوا راسي حاجبي يذب دم وحلگي يذب دم سنوني تكسرن نزل الدم بعيوني واسمع صريخ سميعه شويه والنسوان صارن يصيحن عليه و الولد يگلوله موتتتهاكافي وخر عنها وخر وخروه عني غبت عن الوعي گعدت لگيت راسي ملفوف كله ووجه فضيع صرت اصرخ واصرخ تمنيت يجي شرطي والله اگله كل الصار بيه وكنو السبب تمنيت يجون تحقيق محد اجه بقيت ابجي خليت ايدي على بطني خايفه على طفلي اسمع الدكتور يگول شلون صرتي،،،، الطفل
الدكتور ــــــ اطفالج بصحه جيده الحمد الله مامتأثرين
ملاك ــــــ گال اطفالي يعني بيه توم  مر اسبوع وطلعت من المستشفى ابويه اخذنه وطلعنه ببيت وحد امي ماشفت ثروان ابدا شگد دعيت الله يرملني يخلصني منه مرا الشهور وجبت جهالي وصلت الموت بس اني روحي روح البزونه بسبع ارواح مامتت رجعنه للمحافضه بس ابويه اجر بيت بين مايبني ورخت غلفت سنوني عندي سنين مكسورات من ضربته فرحت بأهلي الي بعد كل هالسنين تذكروا عندهم بنيه مضلومه اطفالي صار عمرهم ست شهور مونسين حياتي بديت انسه الصار بديت انسه عمامي انسه زوجاتهم و ثروان بديت انسه الصار صرت اسمع اخبار عن سميعه صاير بيها مرض الخبيث وبناتها مزوجات درست ثالث خارجي وبالواسطه نجحت اني اعرف اكتب و اقرا بس ماعرف شنو كيميا فيزياء انگليزي اني نجحت من السادس بطلت اجاني خبر نجحت متت من الفرح وجهالي كبرو صار عمرهم سنه و ست شهور اجاني خبر سميعه طالبه اتشوفني شتريد مني ماكفاها السوته بيه رحت لان ابويه گال مريضه وحالتها ميأوس منها و المرض منتشر بكل جسمها رحت جانت غير سميعه الشديده جانت صلعه رمش بعينها ماكو وحاله تعبان شافتني وصارت تبجي اني هم نزلن دموعي،،،،،، هاي حوبتي طلعت شفتي من الله يريد ينتقم شيسوي،،، گالتلي و صوتها بالكاد اسمعه
ام إقبال ــــــ سامحيني
ملاك ــــــ اسامحج،،،، هزت راسها،،، اسامحج تريدين اسامحج وانتي الفنيتيني شحصلتي يالله بنواتج مو زوجتيهن لغرب شحصلتي من كرهج مني
ام إقبال ــــــ ماريد افوت النار
ملاك ــــــ ماگدر اسامحج
ام إقبال ــــــ ملك الموت فوگ راسي وماريد افوت النار اخاف سامحيني يمه
ملاك ــــــ مگدر اسامح هئ الشفته منج و من ضنوتج مو شويه ماگدر انتي سميعه المامره حجيتي ويايه بمرحمه هسه جايه تطلبين مني السماح،،،، ردت اگوم گالت سامحيني عالسحر على كلي سويته
ملاك ــــــ مگدر اسامحج ردت اطلع ولاول مرا التقي بثروان فات عبالك ماشافني ضليت مصدومه وواگفه متجمده تذكرت ضربه الي تذكرت وحشيته حذائه المتروس دم ويضربني مستمر
ثروان ــــــ ها عمه ناديتيلي
ملاك ــــــ گالتله بصوت شبه مسموع ودموعها تنزل
ام إقبال ــــــ سامحني يمه
ملاك ــــــ دحگلها بستغراب انصدمت من گالتله فرقت بينك وبين مرتك وبعدتك عن جهالك گاللها يامره رحت وگفت يمه لزمت ايده ماحس بيه وگعت من طولي اكيد بحلم وله شلون ميشوفني ولا يحس بيه معقوله اكيد يمثل لان ميحبني هنا امي سولفتلي ليش طلعنه من البيت لان ورما رحت للمستشفى ثاني يوم ناسيني ناسي انهو هوا مزوج رحت للغرفه اسمعه تقنعه وتگله انته مزوج ويحلفلها مو مزوج گالت سحر وشهگت وماتت ماتت قبل لا واحد يسامحها بينه صارت الفاتحه وهوا سامحها ميدري شصاير اما اني ماگدرت اسامحها راح هوا للشيخ صعدت وياه صار يسحب هوا گال والله اشم عطر بناتي هاي منين صار يدور ضحكت عليه وصلنه نزلنه گعد وگعدت يمه ضل ينتضر ليما وصل دوره طب وسد الباب بوجهي فتحته وطبيت فهمت الشيخ هوا ميشوفني ولا يسمع صوتي وناسيني بدا يقرا ويگله سوي هيج وسوي هيج صار يقرا قرءان دنگ راسه واصفر خله ايده على راسه ودنگ حيل عرفته راسه يوجعه ماهتميت اني اليهمني اخلص من السحر ميهمني ثروان يعيش يموت ميهم بعد شلته من گلبي
ثروان ــــــ الله عليك كافي الله عليك لا كافي الله يخليك كااافي
الشيخ ــــــ منو انته انس وله جان
ثروان ــــــ جان
الشيخ ــــــ مسلم وله كافر
ثروان ــــــ
الشيخ ــــــ احججيي
ثروان ــــــ لاااااا
الشيخ ــــــ والله الماحجيت ابعجك بهاي الحربه
ثروان ــــــ كافر
الشيخ ــــــ شلون عجل تحلف بسم الله
ثروان ــــــ هوا خالقني اني مشرك
الشيخ ــــــ من تعرف ليش متخاف منه
ثروان ــــــ اني مشرك
الشيخ ــــــ توك تگول كافر
ثروان ــــــ مشرك
الشيخ ــــــ لتجذب
ثروان ــــــ ماجذب
الشيخ ــــــ احسلك متجذب وهسه تسلِم تسلَم ماتسلِم تتعذب
ثروان ــــــ ماعرف اطلع
الشيخ ــــــ منين جيت
ثروان ــــــ من سحر صخروني
الشيخ ــــــ من صخرك
ثروان ــــــ الساحر
الشيخ ــــــ على شنو صخروك
ثروان ــــــ صخروني على سحر
الشيخ ــــــ ادري شتسوي
ثروان ــــــ ينسه مرته
الشيخ ــــــ هسه اطلع منه
ثروان ــــــ عندي اطفال منه ماعوفه طول حياته
الشيخ ــــــ انتي جنيه
ثروان ــــــ اي
الشيخ ــــــ اني راح اتصرف تسرف ثاني
ملاك ــــــ جاب سلاسل وراد يقيده ماقبل و صار يدفر بيه و راد يطلع اجو الزلم البرا لزموه ورجعوه بالگوه قيده الشيخ وصار يقرا قرءان و ثروان يصرخ والشيخ يصيح ماجئتم به السحر ان الله سيبطله اني هنا لزمتني رجفه ودموعي توگع انخنگت حيل واستمع للشيخ صرت اصيح و اصيح بقيت ابجي من توقف عالقرءان هديت گال ممسوسه اني عليه مس ضل يقرا عليه وثروان يسمعه ويصيح جاب مدري شنوه خلانه نشرب منه ودلاني عالمغاسل رحت استفرغت اجلكم الله بس ثروان ماستفرغ ورا ساعه ازرگ واشحب و انخنگ حيل
الشيخ ــــــ وديه يستفرغ
ملاك ــــــ اخذته يستفرغ صار ينزل ويخ استفراغه حشرات تخبلت ناديت الشيخ صار الشيخ يستغفر ثروان يستفرغ ويجر بشعره نتف شعره وگع بالگاع غسلتله من گعد تذكرني بس شالفايده بكره وبغض بس گاله الشيخ لتسويلها شي انتو مسحورين و ماجنت تذكرها انطانه دوا ودهون گال السحر بالدرجات يفكه لان قوي حيل
ثروان ــــــ  اصعدي
ملاك ــــــ صعدت ماحجيت شي وياه اذكرت من يستفرغ حشرات،،،، ثروان ببطنك حشرات
ثروان ــــــ ها؟
ملاك ــــــ ببطنك صاير اكو صراصر و جراد و نمل
ثروان ــــــ ها؟  شتحجين
ملاك ــــــ هئ وين رايح
ثروان ــــــ للبيت انزلي
ملاك ــــــ ليش
ثروان ــــــ لا يشوفونه الدواعش
ملاك ــــــ دواعشيش
ثروان ــــــ يعني ماكو دواعش