بو عبدالله:دام البنت بنفسها موافقه ليش لا يعني خلاص تعرف كل شي
ام عبدالله:خلاص توكل على الله
ملجة نهيان ومهره او بالمختصر عرسهم وملجتهم بيوم واحد💍.
كان حفل جدا عادي حتى اقل عن عادي حفل عائلي بس فبيت بو سالم
مهره تبتسم للموجودين
يدخل نهيان ويبوس راس مهره بدون نفس
مهره تهمس له:اقول اقول ترا مب ميته عليك لا تيلس تنفس علي عن ادفنك هني وانت حي
نهيان يسلك:انزين
تيي ام سالم وتسلم ع مهره وتحضنها:ياحبيبة قلب امج كبرتي اونج وصرتي عروس
مهره:فديتج امااايه
ام عبدالله:نهيان بعد شوي بتقصون الكيك وتوكلها فهمت؟
نهيان:شعنه ااكلها ماتعرف تاكل بروحها
ام سالم:هاي بدايتهاا؟؟؟
نهيان:ههه اتمصخر عموه
ام عبدالله بصوت واطي:اقسم بالله ينهيان ان ماخليت اليوم يعدي ع خير ياويلك ماتلوم الا نفسك
نهيان:خلاص ان شاءالله
كانو يالسين عالكوشه و البرود مالي المكاان
ما قالها و لا كلمه و لا حتى مبروك و هذا اللي خله مهره تنقهر و تفكر في اللي قالته لها ربيعتها
قربت ربيعة مهره صوب مهره و هي تقولها بصوت خفيف و تتطنز عليها : هههههه هذا ريلج البارد اسميه من الحينه يبين انه ما بيعطيج ويه عنبوه الناس بدت تنتبه على برودكم الله يعينج عليه
مهره بقهر : حمده شسوي معاه ؟؟ ساعديني
حمده و هي تغمز لها : اللي قلتلج ياه قبل لا تنسين
مهره:خلاص اوكيه
عند بطي كان قاعد مع ربعه ف ميلسهم
بطي:والله ماعرف شقولك بس عفتها ماباها
حمود:يخربيت عدوك يبطبط كم مره قايل لك اتركها هي راعية سوالف وشوف وش طلع منها
مريم:الوه
بطي وهو حاط سبيكر:الووه
مريم:انا حبيبي
بطي:شكلج مغلطه اختيه
مريم بدلع: لا ما مغلطه هذا رقم ميمي
بطي : و الخيبتين
و سكر في ويهها متعمد و عداله حمود اللي انصدم من اسلوب مريم
مريم و هي تشهق: مالت عليه سكر في ويهي الاخ مسوي فيها ثقيل
بطي : شفت !! الحين بتم تدقلي من قهرها و حرتها عليه
أنت تقرأ
نـادر الاوصاف
Randomروايه اماراتيه🇦🇪،،خياليه واغلب احداث الروايه واقعيه تدور الاحداث حول شخص يريد الانتقام من خواله ويصيب ابنائهم بمكروه
