يمسكها من ويهها:جود حاولي تتنفسين
بو فهد يدخل البيت ويجوف جود طايحه وويها بنفسجي
بو فهد:بلاااهاااا *يحاول يشلها وسااعده منصور فيها وخذوها للطواري علطول*
تطلع الدكتوره
الدكتوره:الحمدلله حالة مستقره وطبيعيه
بو فهد:حمدلله حمدلله يارب
منصور:دكتوره شو ياها شو السبب؟
الدكتوره:مانعرف سبب الاختناق بس حسب علمي مب متاكده بس اعتقد انه البنت محسوده لانه ظهرت عليها علامات مثل دقات قلبها تتسارع اكثر بين فتره وفتره وويها شاحب وغيرها
بو فهد:مشكوره دكتوره
سارت الدكتوره عنهم
منصور:ابويه نييب لها شيخ؟ يقرا عليها يمكن الحسد يروح
بو فهد:والله شكلنا بنييب ماي وبنقرا عليه ويوم بنتيمع كلنا كلهم يحطو ايدهم ف الماي عسب اذا في حسد وعين لا سمح الله يروح
منصور:خلاص تمام بنيمعهم باجر ع اساس عقيقة دانه
بو فهد:خلاص تمام لا تطرى شي جدام حد حتى جدام امك مانباها تدري عاد انت تعرف شو بتسوي امك لو درت
منصور:ماعليك مابقول ،،يله ندخل عندها؟
بو فهد:يله
يايين بيدخلون بس دق فون منصور
منصور:ابويه
بو فهد:شو بلاك
منصور:حمدان يتصل
بو فهد:رد عليه شوف شو يبا
منصور:تمام
..
منصور:الو حمدان
حمدان:منصور وين جود؟؟
منصور:شفيك جود ف البيت نايمه
حمدان:منصور لا تجذب عليه جود وينن؟!!
منصور يحط ميوت ويرمس بو فهد:ابويه شكله عرفف شو الحل
بو فهد:شو بتسوا يعني خلاص قوله وين شكله يعرف عن شي
منصور:تمام
حمدان:منصور ارمسك!
منصور:حمدان جود ف المستشفى
حمدان:اي مستشفى
منصور:توام
حمدان:تمام
ويسكر الخط
بعد ربع ساعه وصل حمدان ويا عندهم علطول
بو فهد:حمدان شوسالفتك
حمدان:في وحده عيوز يت عندي وقالت لي انه جود ف المستشفى مرقده
منصور وبو فهد استغربو
أنت تقرأ
نـادر الاوصاف
Randomروايه اماراتيه🇦🇪،،خياليه واغلب احداث الروايه واقعيه تدور الاحداث حول شخص يريد الانتقام من خواله ويصيب ابنائهم بمكروه
