انتقام من اجل طفولتي
___________________
لو كنت امتلك شخصاً مثلي. لتعثرت في
حبي دون نهوض..
____________________
اتمنئ تعلقون ع كل روايه وتشاركونه ❤️
_____________________________________
****
*بدأت المتوسطه المتوقع 3سنوات بس صارن 4سنوات
الاول متوسط جنت فرحانه واخيرا صرت مرحله جديده جان الاول متوسط هادء وحلو وتعرفت ع صديقات وجنت اضحك واسولف ابد انسئ كل همي بالمدرسه من ادخل من الباب اذب كل تعبي واضحك جنت كلش مشهوره بالمدرسه لن اني خالت بنات اختي اكبر منهن بس بالايام اختي جنان لذالك الكل متعجب اني بكدهن وعلاقتنا حلوه بالاخص ويه زينب جانت تؤم روحي قريبه كلش عليه اني اكبر منه بس ب12يوم
خلصت الاول وبديت بالثاني متوقعت الثاني جان اخر سنه الي بحياتي اخر سنه راح اضحك اخر سنه راح يكون الي صديقات،
اهلي ماعدهم شي اسمه موبايل محد يستخدم بس جميل وعلي اخوتي من ابوي واني صح اريد موبايل بس ميفيد حتلو كلت محد راح يجيبه الي لذالك سكتت جنت منتضره اتخرج واشتري اي شي اريده
صف ثاني جنت مارادد احد صوتي ماعلي ع احد اي شخص يستغلني بكلشي ماجنت ارد عليه الكل جان مستضعفني وميهمهم اصلا ناسين عدهم بنت لدرجه اذا بقيت ايام بدون اكل محد يكلي تعالي اكلي حتئ امي ملابسي من الناس مع العلم ابوي عده فلوس خير من الله بس بخيل بخيل كلش ابد ينطي كلشي الا فلوسه ملابس ماجنت اشتري محرم ع دوم نفس الملابس البسهن 3 دشداشات لحد ماتخرجت هنه وياي وملابس هم من نسوان غريبه تنطيهن لامي وامي تاخذ المهم ابوي ميضوج. شخصيته ضعيفه كلش اهم شي زوجه ورضه مشاعري عادي انتي بنت،
هاي العباره كليوم اسمعه انتي بنت هو ولد لتلبسين هيج لتاكلين لضحكين ولطلعين ولسولفين كل هل شي ورزايلهم ولا مره بحياتهم كالو اسمي صحيح وميعرفون عمري تمنيت اكون يتيمه عاد العالم يدرون بيه يتميه بس اني عدي ام واب بس بالجنسيه مو بالحقيقة
رحت لمدرسه كعدت بالرحله يم صديقتي اسمه ملاك
ملاك: اكلج حنان
حنان: هاا
ملاك: عدج موبايل
حنان: ها لا ليش
ملاك: ليش ماعدج وين اكو واحد ماعده موبايل لهل وكت
حنان : اهلي ميقبلون شسوي يعني عادي
ملاك: عبالي عدج اتواصل وياج وهاي يله عادي
طلعت لبيت تغديت ونمت طبعا ماقرا لن متعوده ماحضر لا يوميات ولاشهريات فقط اقرره نص السنه ونهايه السنه وانجح ماجان يهمني درجات جنت كلش كسولي بس انجح ماراسبه ولا مره ولا دور ثاني
كعدت بليل اسمعهم يردون يرحون لبيت خالت جميله ومريم وحميده يردون يخطبون مره لعلي بنت خالته اني ماعرفهم گرايب ماعرفهم لن ماطلع ابد من البيت ولا اسوي شي من البيت لمدرسه من مدرسن لبيت راسي مارفعه اخاف يطلع احد منهم
أنت تقرأ
انتقام جيسكا
Actionجعلتكم تعيشون في حياتي وتفعلون كل شي سيء معي لكن الان حان دوري انتم بدئتو وانا انهي اعدكم 💭 قصه فتاه عانت منذ طفولتها من اقرب الناس لها والذين يجب أن يكون سند لها لكن لم يكونو هاكذا بل قتلو أحلامها لكن هل ستستسلم أو تستمر وهل ستجعلهم يندمون وكيف ذا...
