في احد ايام السنه في العراق قبل سقوط النظام السابق تحديدا في الديوانية تزوجت امرأه من رجل ولم ترفض بسبب التقاليد والقيود ولم يجعلها تدرس ابدا كان ابوها متزوج من زوجتين الاولى لديها اثنين بنات هي واختها والزوجه الاخره لديها ثلاث ولد وخمس بنات توفت امي بسبب مرض ولم يجعلني ابي أن ادرس لكن جميع اخوتي درسو وانا بقيت خدامه الهم يوم تزوجت وجبت ثنين جهال ولد وبنيه بس قبل لا اجيب الولد توفه زوجي بالحرب وبقيت بيت ابوي وره شكم سنه تزوجت من ابن عمي بنتي زوجته لابن خالته بعمر 15 لن جان كلش عادي والولد تعبوني وأخذته عمته من حضني حاولت حاولت بجيت وصيحت بس اخذو مني .
واني زوجت ابن عمي وعشت وياه بالنجف وجبت ولد وبنيه ومن زوجت تزوجت على شريچه عدها 3 بنات و2ولد جنه ليل ونهار عركات ومشاكل واكثر شي ويه بناتها الجبيره حميده والأوسط جميله والاصغر مريم والاخوه جبير جميل والاصغر علي *حميده زوجت يعني مالحكت صير مشاكل وياي بس اكثر شي مريم جانت تتعارك وياي بيوم الي جبت الابنيه الاولى الي جبيره طبعا ولادتي جانت غريبه كلشش طلعت ردت اروح مكان مداذكر شنو بس طلعت من البيت بعدني ع الرصيف واحس شي طاح مني مثل مالي وطلگت ببنتي بالشارع وبعدها بوقت ضحى تقريبا بالعشره او بالدعش انولدت بنتي لهاي الدنيا بس مجنت اعرف راح تتعذب هواي وراح تعيش بين وحوش مو بشر بيوم من الايام جنت مخليه بنتي مگمطته ومخليته بغرفت شريجتني اجت بنت زوجي جميله ركضت داست بطن بنتي وعبرت اني ركضت عليهه وضلت تبجي واني اسكت بيه اباوع لجميله ابد ماهزه شي وتضحك باستهزاء كتله ليش هيج ويه اختج تكول عبالي تموت بس طلعت كلش قويه
/عباله تموت لن الابنيه نولدت حالته كلشش ضعيفه وصغيره كلش جانت بس عاشت /
وره كم مده بنتي صارت تزحف هيه بغرفت شريجتي اخليه لم اني غرفتي فوك ماخليه وحده اخاف عليهه لذالك جوه تضل لمن اخلص شغل بيوم جانت بالغرفه واجت جميله تركض ويه مريم يردن يعدلن الغراض مالات الخطار فراشات وبطانيات ويسطرنهن عدل (نضيده) يدرن بنتي بالغرفه تلعب جوه البوفيه اجن يركضن وجرن الغراض كله وگعنه ع بنتي واني ركضت واشوف بنتي جوه الغراض تبجي وبعده زغيره رحمه ماكو بكلبهن ابد ساعه زينات ساعه جلبات وخبيثات وياهه اما اني ياي دوم خبيثات اخذت بنتي صعدت لفوك وبقت هيج حياتي
لفتره جنت فوك اطبخ واكل لان كليوم زعلانه عد اهلي بسبب المشاكل لذالك عزلت فوك وحدي اكلي وشربي وغسلي فوك بس انزل اشوف شكو واني احب اشتغل كلش احب الشغل لذالك ماكدر اكعد مرتاحه ااذا ماشتغل
بيوم جنت فوك بغرفتي ويه بنتي نامت ونمت وياهه شويه وتحس اكو حركه يمي فزيت بنتي ماكو واطفر واشوف بنتي ع الدرج رجل ع الدرج ورجل لجوه يعني بينه وبين الموت شعرايه واركض اخذه هذيج الحضه ماراح انساهه ابد
لهنا هاي قصه الام صح امه تحبه وتخاف عليها بس راح تعامله وياه وشلون صارت وشلون ربت بطلتنه راح نتعرف عليها وع كل شي يخص حياته.
أنت تقرأ
انتقام جيسكا
Azioneجعلتكم تعيشون في حياتي وتفعلون كل شي سيء معي لكن الان حان دوري انتم بدئتو وانا انهي اعدكم 💭 قصه فتاه عانت منذ طفولتها من اقرب الناس لها والذين يجب أن يكون سند لها لكن لم يكونو هاكذا بل قتلو أحلامها لكن هل ستستسلم أو تستمر وهل ستجعلهم يندمون وكيف ذا...
