اضحكي واثبتي أن العتمة نورها انتِ .
____________________
*
*
*
*____________________
: بقيت بيت خاالي محمد ويه ااهله جنت وكحه كلش وبنفس اللحضه جنت هادءه اكثر
اضحك واسولف بس اني طفله واحس شي اكو شي بداخلي اريد اسوي بس ماعرف شنو الي اريده
اريد اعيس ويه امي وابوي وبحضنهم بس مافكرت اهواي ابد
نزلت ع درج وضليت العب ويه جهال شفت امي ع درج كاعده رحت يمهه صرت بين رجليه ضليت اباوعله واتحصر ومختنكه اريد اسوي شي بس ماعرف شنو
حنان: يمه خل نرجع للبيت
الام:ليش
حنان: مادري بس خل نرجع
الام: مارجع تردين ردي ويه ابوج اني مارد
حنان: ضليت صافنه بيه وعيوني عليها رفعت ايدي وضربه راجدي مجنت متقصده ابد ضليت ابجي وابجي وحضنت امي وابوسه لان ماعرف ليش مديت ايدي عليه شي بداخلي دفعني اشيل ايدي واضربه ولله ممتقصده ابد رضيت امي ورحت يمهه بس ابد مانسئ هذا الموقف ابدد نحفر حفر بذاكرتي،
وره شويخ الضهر ضليت اللعب ويه البناات صعدت لدرجه بالمحجر اكو فتحات دائريه ضليت اباوعلهن ودخلت راسي بيه وضليت اصيح اجت امي وخالتي وكله اجت تصيح واني اصيح وطلعو راسي من المحجر واني ابجي واامي ترزل
وره فتره اجه ابوي رضه امي ورحنه لذاك البيت حياتنه عاديه كلشي مابيه نكعد صبح نتريك واضل افتر بالبيت وبالحديقه ويه اخواتي من ابوي
وره مده بنفس عمري خمس سنوات طلعت امي حامل بولد فرحت كلشش كلت اكيد حيكون الي سند واخيرا راح يصير الي اخو يحبني اكثر منهم
بهاي الفتره زوجت جميله ومريم بس مو نفس اليوم يعني بين فتره وفتره بخطوبه جميله اجه گرايبنه ماعرف تحديدا شيصير منه اسمه علي خطب اختي طبعا هيه رافضه بس ابوي جبره ابوي جان كلش ميحترم البنات وعده البنات عوره اهم شي الولدهذا اكره شي بيهم ولو كلشي بيهم مكروه المهم اجه يخطب راحو لاستقبال يحجون بالغايب والحاضر النسوان كلهن راحن للمطبخ طلب من ابوي يريد يدخل يخلي الافلوس طبعا من جان يفتح الميز مالته الكل يطلع هذا شي كلحنه نعرفه ولهذا رحنه بس اني مارحت وراهن ادري راح يجيب الغايب يضمه جابه بعلاكه سوده طب للغرفه خلاهن اسمعه يكول هنه خمسه اخذت منهن تثلاثه وثنين الهه يكفنه خل تولي دريت اخذ نص المهر مالت جميله ركضت الهن كتلهن كالن سكتي صح ماحبه لجميله بس ضوجني ليش ياخذه فلوسه وهنه اله معقوله لهل درجه الافلوس اغلئ من بنتك وسعادته
صار العرس وزوجت وراحت وره مده قصيره كلش طلعت حامل ببنيه.
ومريم وراهه بفتره ازوجت طبعا زواجه جان هم جباري بس هاي المره جانت مهدده
بيوم الي خطبه ابن خالته هم اسمه علي رفضت هيه جانت الصغيره عدهم يعني شويه مدلله وجانت تحب واحد من گرايبه بس مزوج وعده جهال درت بيه رحيمه اجت اله صدفه اني سمعتهن
أنت تقرأ
انتقام جيسكا
Actionجعلتكم تعيشون في حياتي وتفعلون كل شي سيء معي لكن الان حان دوري انتم بدئتو وانا انهي اعدكم 💭 قصه فتاه عانت منذ طفولتها من اقرب الناس لها والذين يجب أن يكون سند لها لكن لم يكونو هاكذا بل قتلو أحلامها لكن هل ستستسلم أو تستمر وهل ستجعلهم يندمون وكيف ذا...
