فيروز

الفصل الأول

........... / ممتازة يا فيروز العمليه كانت صعبه بس كنتي قدها.

فيروز : شكرا يا استاذي انا اللي بتعلم منك و ماكنتش هنجح في العمليه الا بفضل توجيهاتك ليا....

......... / ههههههههههه يا اونطجيه انا ما عملتش حاجه انتي اللي عملت العمليه وانا كنت باتفرج عليكي بس.

فيروز : لا كدا انت بتغلط فيا انا اونطجيه 😂
لا طبعا حضرتك ساعدتني كتير عشان ابقى دكتوره بعد وفاه بابا وماما الله يرحمهم....... وعمري ما هنسي وقفتك جنبي........ حضرتك اللي ربتني وعلمتني زي ولادك.

........... / الله يرحمهم ثم سكت قليلا وقال : ثم انتي اللي عايزة الضرب دلوقتي 🤕 يا بت انا مش ابوكي ايه حضرتك دي.

فيروز بضحك : ههههههههههه لا خلاص يا ابو صلاح ما تزعلش بس احنا في المستشفى لازم احتارمك هنا ولا ايه يا كبييييييير.

.............بصدمه / ابو صلاح.... و كبير...... يا بت انتي بتجيبي الكلام ده من فين؟....... ده انتي عمرك ما نزلتي مصر.

فيروز : اقولك وما تزعلش 🙄.

......... / امممم مازن.

فيزور : هو بعينه ابنك يا دكتور محمد.

د. محمد : اقصدك اخوكي يا حيوانه.

فيروز : اسفه يا بابا انا عارفه ان حضرتك لسه زعلان مني عشان سبت البيت وعايشه لوحدي بس والله يا بابا حضرتك غالي عندي واخواتي كمان......... بس انا محتاجه اعتمد على نفسي........ وعشان كده سبت البيت......... وطنط لمياء مش هي السبب لو انت فاكر كدا .

د. محمد : ماشي بس اعرفي دايما اني موجود جنبك في اي قرار هتاخديه علي رغم من اني لسه زعلان عشان سبتي البيت ده بيتك......... اما لمياء فانا هطلقها.

فيروز بصدمه : بابا لا طبعا حضرتك بتقول ايه؟.... انت ناسي انها ام بنتك ليلى.

د.محمد بحزن : انا عشان ليلى هعمل كده...... انا اتجوزتها عشان تبقى ليكم ام بعد ملاك ما ماتت وسبتكم ليا انتي و مالك و مازن...... بس بعد ما مالك ساب البيت كنت طلقها..... وعرفت وقتها انها حامل في ليلى....... و دلوقتي انتي سبتي البيت ومازن عايز يسيب البيت ايه هتسيبوني لوحدي وكل ده بسبب كلامها معاكم.

فيروز : بابا طنط لمياء ما غلطتش في حد..... مالك كده كده كان هيسيب البيت لانه هيتجوز اما بالنسبه ليا فهي عندها حق انا مش بنتها ولا بنتك الحقيقي
عشان تصرف عليا لحد دلوقتي......... وكفايه اوي اللي عملته ليا بالرغم من انك مش من الواجب عليك تعمل كدا انا حيالله بنتك في الرضاعة..........اما بقى مازن لوحده حكايه هو عايز ينزل يعيش في مصر وحضرتك اللي رافض.

د.محمد : انتي مش بس بنتي في الرضاعة..... انتي بنتي الحقيقية يا فيروز انا اللي ربتك وعلمتك واصرف عليكي في اي وقت..... هي مش من حقها تتكلم اصلا بدل مقصرتش معاها...... وكل حاجه بتطلبها بتكون عندها..... واوعي تضحكي عليا تاني انا عارف اني مالك ساب البيت عشان ليالي بنتها عشان عينها من مالك وهو رافض.