فيروز

الفصل الثالث عشر

في مصر
في تاكسي

الداده فاطمة : مقلتليش يا حبيبتي احنا رايحين فين؟

فيروز : مكان حد اعرفه هنقعد فيه فتره

الداده فاطمة : ما كنتي خليتيني نروح بيتي احسن

فيروز : دا اول مكان هيروحوا ليا فيه .......وانا مش مستعده اتكلم مع حد دلوقتي يا داده....... عايزه اقعد لوحدي وافكر كويس هعمل ايه؟

الداده فاطمة بحزن عليها : اللي تشوفيه يا بنتي

الداده فاطمة عرفت الحقيقة.... فيروز قالتها قبل ما ينزلوا مصر

وفيروز حاطت دماغها على شباك وسرحت في الماضي

........ / فيروز يا حبيبتي انتي فين؟

فيروز بابتسامه : انا هنا يا بابتي تعال

راحها
مصطفي : بتعملي ايه يا فيروزتي

فيروز قامت وحضنته : اولا حمدلله على السلامه

مصطفي حضنها جامد : الله يسلمك يا حبيبتي

فيروز بعدت عنه شوية : ثانيا بقى انا محضرلك مفاجاه تحفه

مصطفي : انتي اجمل مفاجأة في حياتي

فيروز بابتسامه : وايه كمان يا سي بابا؟

مصطفي بضحك : ههههههههههه لا بجد انتي اجمل مفاجاه ..... تعرفي اول ما عرفت اني امك حامل فيكي كان في عيد جوازنا مامتك كانت عاملها ليا مفاجأة....... عشان كدا انتي اجمل مفاجاه حصلتلي في حياه ومش هيحصل أجمل منها

فيروز بحب : وانت اجمل اب في الدنيا دي كلها

مصطفي بحب : وانتي اجمل بنوته في الدنيا دي كلها .... بس هتفضلي تحبيني لحد أمتا بقي؟

فيروز بمكر : لحد ما اتجوز وابقى احبه هو

مصطفي بعصبيه : انتي مش هتتجوز ابدا...... ولا هتحبي غيري..... عايزاك تنسى الموضوع ده... مفهوم

فيروز : مفهوم.... ومين قالك اني هتجوز انا بهزر معاك......انا هفضل عايشه معاك واحبك انت بس؟

مصطفي : ايوه كدا..... انتي مش اي حد انتي بنت مصطفى القناوي

فيروز : ههههههههههه طبعا طبعا انا فيروز القناوي على سن ورمح

مصطفي بجديه : عايزك دايما تركزي على مذاكرتك بس..... عشان تبقي اكبر جراحه على مستوى العالم

فيروز بتحيه عسكريه: تمام يا فندم

فاقت من سرحانها علي صوت السائق : وصلنا يا هانم

نزلوا أمام فيلا كبيره

فيروز نزلت تحاسب: كدا تمام

السائق بفرح : دا كتير يا هانم

فيروز بابتسامه : لا مش كتير...... بس ممكن رقمك عشان لو عايزه حاجة اتصل بيك

السائق : طبعا في اي وقت
واعطها الرقم ونزل الحقائب