فيروز

الفصل الحادي وعشرون

في مطار القاهرة

وصلت الطيارة القادم من المانيا

ملاك اول ما شافت مازن قالت بصوت عالي : مااااازن

مازن شافها وراح عندها وقال : ازيك يا ملاك؟

ملاك : الحمد لله..... ونظرت إلى ليلي وقالت :ازيك يا لي لي؟

ليلي : الحمد لله..... انتي ملاك مش كدا؟

ملاك : اه يا حبيبتي

ليلي : انتي شبه ملك اوي بس لونك عينيكم مختلف

ملاك بضحك : ههههههههههه لا ماشاء الله عليكي بتاخدي بالك من ادق التفاصيل

ليلي غمزتلها بعينها: عيب عليكي

ملاك بضحك : ههههههههههه انتي زي ما قال مازن لمضه.... لا شكلنا هنخربها مع بعض

مازن بيشاور على سيرين: الدكتورة سيرين....صاحبه فيروز

ملاك رفعت ايديها عشان تسلم وقالت بالالماني وهي مبتسمه: مرحبا بيكي في مصر

سيرين سلمت عليها واتكلمت بلغه عربيه فصحى: شكرا ليكي.... لا داعي للتحدث بالالمانيه فانا افهم العربيه

ملاك : تمام..... يلا بينا على العربيه

وذهبوا الي السيارة

في السيارة

ليلي بتبص باعجاب على الناس: هو الناس عندكم كتير كده ليه ؟

ملاك : مصر عدد سكانها كبير يا لي لي

ليلي : ممكن اقولك حاجه بس متزعليش؟

ملاك : اه طبعا اتفضلي

ليلي : ممكن متقوليش لي لي تاني

ملاك باستغراب: ليه؟

مازن : اصل مبتحبش حد يقولها كده غير فيروز

ليلي : بالظبط حتى خطيبي مبحبش يقولي الاسم دا

ملاك بصدمه: وهو انتي مخطوبه

ليلي : اه طبعا..... اومال ابقي زيكم عوانس

ملاك بصدمه : هو احنا عوانس؟

سيرين بضحك : ههههههههههه نعم

الكل ضحك على كلام ليلي

ملاك : خطيبك اسمه ايه؟

ليلي : تيم

سيرين اعطت ورقه لملاك : من فضلك يا ملاك... انزليني في هذا العنوان

ملاك : دا عنوان فندق.... ليه ما تيجي عندنا؟

مازن : معلش يا سيرين اسمعي كلام ملاك.... كدا هبقي مطمن عليكي وانتي في مصر.... ثم اكمل بحزن وقال : مش هيبقى انتي و فيروز

سيرين : ولكن........

مازن قطع كلامها وقال: سيرين انا عارف موضوع البعثة و انكم هتنزلوا في الفندق مع بعض.... لكن انتي دلوقتي لوحدك....... وفي بلد متعرفش عنها حاجة.... وبيت ملاك مفيش في رجل غير انكل على.... وانا كدا كدا هروح الفيلا بتاعتنا في مصر.... لحد ما نعرف حاجه عن فيروز... ووقتها روحي عند فيروز.... تمام