جوان..مر شهر تقريبا ع زواجي وجانت كل فترة وجايتنة ام رائد وبناتها المليقات مرة اجتنة المغرب وضلت للعشا سوينة العشا وصبينة وكعدو يتعشون ومن خلصو عشا اجة فواز جنت الم المواعين والسفرة ابتسملي
ام رائد..شلونك يمة فواز
فواز..بخير الحمدلله
ام فواز..يي يمة جوان صارلج شهر ونص من اتزوجتوا لحد هسة ماحبلتي بنات اعرفهن الهن اسبوع ويحبلن
فواز..ان شاء الله يمة كلشي بوكتة يجي محد مستعجل ع رزقة
ام فواز..لا مو كلت خاف تشرب حبوب منع حمل
جوان..لا عمة مااشرب لأن فواز يريد
ام فواز ..يي زين لعد اخاف بيج عيب اخذج للدكتورة اتسويلج فحوصات
فواز..يمة اترجاج لاتتدخلين بيني وبين زوجتي هذا شي خاص بيني وبينها محد الة علاقة بهل موضوع
جوان..ضجت كلش صعدت فوك للغرفة واجة وراي
فواز..لاتضوجين حبيبي ادري زودوها مسحيها بوجهي
جوان..لاحبيبي عادي
فواز..بس تدرين اني كلش اريد يجيني طفل يملي علينة الدنيا ويشيل اسمي وان شاء الله من ايصير راح اكون اسعد انسان
جوان ..ان شاء الله حبي
الصبح ساعة7
فواز..كعدت شفت امي بالمطبخ اتسوي ريوك
فواز..صباح الخير يمة شنو بايتة هنا
ام فواز..صباح النور لايمة رحت واجيت قبل شوي شفت وجهك تعبان كلت مكاعد تاكل زين اسويلك ريوك هاي مرتك ماتسويلك كل يوم اتضل نايمة هيج
فواز..يمة جوان كل يوم تكعد قبلي واتحضرلي الاكل بس بالليل بطنها جانت توجعهة وبلكوة نامت
ام فواز..ترة مرتك تاخذ حبوب منع حمل بس ردت اوصلك المعلومة
فواز..وانتي شمعرفج
ام فواز..البارحة ردت احجي وياك وفتت للغرفة ولكيتها تشرب حبوب منع سالتها شنو هذا كالت مسكن عبالهة غبية مااعرف واذا ماتصدك اسأل ابو رياض السايق دزتة جابلها هو كلي
فواز..ضجت كلش بس مابينت شلون تشرب حبوب منع حمل تدري بية اريد طفل وتوصي السايق ايجيبلهة وتطلع تحجي وياه
الامس
مرام..جانت جوان بالمطبخ تشتغل وفواز طالع فتت لغرفة جوان وحطيت حبوب منع الحمل بالجرار
وطلعت عبالهة تاخذ فواز مني جانت خطتي اني وخالتي حتى ارجعة الي وشوي شوي اخلي يكرها ويرجعلي
اليوم
فواز.صعدت للغرفة جانت بالحمام ضليت ادور بالغراض وبالكنتور وبالجرارات ولكيت فوك الاربع شرايط وفارغات نصهن وقريت الراجيتة صدك حبوب منع حمل
جوان ..طلعت من الحمام لكيت فواز كاعد ع جرباية ويهز برجلة ويباوع وعينة بالكع
جوان..شبيك حبيبي
فواز..حبيبج طلعت الجذبة مالتج اتجذبين علية جذابة اكصها الايدي اذا اتحبيني
جوان..شبيك شكوو فوواز احجيلي ليش هيج تحجي وياي
فواز..شنو هذا شريط حبوب منع حمل تاخذين واتجذبين علية وتدرين بية اريد طفل يشيل اسمي وانتي تتصرفين بدون ماتاخذين رأيي تشربين حبوب منع وتدرين ماارضى
جوان...والله ماشاربة حبوب منع
فواز..هذني وحدهن جني هنا للغرفة
جوان..فوازاحلفلك ع قران ماشاربة
فواز..مو هذا الي يقهر شلون تطلعين للسايق تطلبين منة ايجيبلج حبوب حمل ماتستحين رحت سألتة واكدلي انتي طالبيتهن
جوان..شكاعد تحجي انت
كمت ابجي وماتحملت شلون هيج صار ماكدرت احجي وياه اكثر لأن نقاشي وياه ماراح يجيب فايدة بس شلون يصدك هيج
كام مايحجي وياي ويتجنبني
ويفوت متأخر للبيت ادري بي زعلان بس والله ماماخذة حبوب منع
جديتي حست علينة اكو شي وسألتني وحجيتلها
وضلت ساكتة وكالتلي لاتشيلين هم
للحكاية بقية....
💓💞❤
