جووان..فواز اتغير كلش علية كل ما ريد احجي وياه وافهمة يرفض احجي وياه ويعوفني ويمشي
كاعدة بغرفتي وابجي ودموعي مثل المطر اندكت الباب وانفتحت جانت بيبي
الجدة ...ليش كاعد تبجين يايمة استهدي بالرحمن وامسحي دموعج اني اكعد وية فواز والين گلبة عليج الله يهدي
جوان..بس والله ماماخذة حبوب منع حمل اني هم اريد طفل ينسيني همي مستحيل اسوي شي مو بعلمة بس شلون اجة الشريط بالغرفة راح اتخبل
الجدة..اني مو كتلج تقفلين باب غرفتج من تجي ام رائد وبناتهة الغرفة مقفولة جانت هذاك اليوم جوي
جوان..لا همة من جوي ماادري بيهم جنت بالمطبخ اشتغل
الجدة ..خلي علية ومسحي دموعج وريحيلي بالج بنيتي كلشي ولادموع الغالية بنت الغالي
جوان..كلش ارتاحيت لأن بيبي مصدكتني و وياي بس گلبي مامرتاح
جوان...مر اسبوع وفواز ولاكأني موجودة وياه بالبيت
انقهر كلش من معاملتة
بالليل وهم جتي ام رائد وبناتهة بس كلش ماطيق اباوع بخلقتهن قفلت باب غرفتي ونزلت يم سجى
فواز...جنت طالع معزوم على عشا كاعد ووصلتني رسالة من جوان استغربت فتحتها مكتوب بيها
(هلو حبيبي بدت عركاتي اني وفواز وهسة هو زعلان مني راح يمل ويطلگني كل يوم راح اسوي شي اخلي يتندم ع ساعه إلي اتزوجني بيها وارجع اني وانت مثل قبل ونكدر نتزوج احبك هووواي)
ضليت مصدووم لا مستحيل هاي جوان إلي حبيتها اتخوني وهي ع ذمتي الله وكعج ودزيتيلي الرسالة بالغلط طلعت عصبي وبس اريد اوصل للبيت مااعرف شلون سقت السيارة
مرام...من رحت لبيت جد فواز عرفت من امة متعارك وياهة ونجحت خطتي هسة لازم اطلعها من حياتة للابد وايصير بس إلي بس شلون شفتها نزلت وبيدها تلفونها خلتة ع ميز مال المطبخ وجانت تشتغل اخذتة بدون ماتحس علية وجان مابي رمز ودزيت رسالة لفواز ع اساس بالغلط دزتها جوان جنت ادري ابن خالتها يريدها بس هسة راح تنتهي علاقتها بفواز نهائي ماكو رجال يتحمل زوجتة اتخونة
جوان..جنت بغرفتي كاعدة وفات فواز عصبي كلش ركع الباب وعيونة يجدحن وحمرة
جوان ..شبيك فواز ليش هيج عصبي
فواز..ليش هيج سويتي بية بشنو قصرت وياج اتخونيني ياحقيرة
جوان...انت شكاعد اتكول خيانتيش شبيك شكاعد اتخربط
فواز..الله فضحج ووكعج حتى يشوفني شكد مخدوع بيج
جوان..انت شكاعد اتخربط اتخبلت كل يوم تاهمني تهمة اكبر من إلي قبلهة
فواز..ماتحملت ضربتهة راشدي وضليت اضرب بيها
