حبيتك من كنا صغار

البارت الخامس

عند بطلنا وأخيراً:
أمان:كنت عم امشي،بعد ما صفيت السيارة،متجه محل ما عم يحتفلو،عم اطلع وتفحص لبيوت،قديش متأثرة مع الزمن،خبطت ببنت ماكنت منتبهلا،كانت رح توقع بس مسكتا بآخر لحظة ،نزل شعرا ع وجها وغطى ملامحها
عندأمل:
كنت رح أوقع بس مسكني وقفت ورتبت حالي
أمل :آسفة ماكنت منتبه شكراً الك
عند أمان:
أول مارفعت وجها ضليت صافن فيها،وببحر عيونا،معقول هي ،دققت فيها أكتر ،نفس رسمة لعيون،والملامح زاتن الي مارح انساهن،لعيون الي سحرني ووقعني بحبها، الي كل ما اطلع فيهن برجع بعشقا من اول وجديد،رجعت انسحرت،ووقعت بحبا وبحب عيونا،وكإني مو انا الي عشقانا من الصغر،
كإني عم شوفا لأول مرا.
قطعتو من صفنتو وحكت
أمل:شبك صافن هيك،عم احكي معك،كأنو أول مره بتشوف بنت.
أمان: لسا لسانك طويل متل ماتركتك.
أمل: أمان هاد انتا صح .
أمان:اي انا شو ما بدك تسلمي علي.
أمل:لا شو ولو،يا اهلا وسهلا فيك نورت الحي شتقنالكم والله.
أمان:اهلين فيكي ،منور بصحابو،واحنا شتقنالكن بس بتعرفي ظروف.
أمل:تسلم،اي بعين الله،يلا لنروح بكونو عم يسألو عنك.
أمان:بعين،اي يلا.
أثناء مشين أمان لأمل
أمان: اي نسيت أسألك كيف عمي وعمتي(طبعا مافي صلة قرابة بينن بس هوي بناديهن هيك احتراماً الن) ساهر
أمل:امي وابوي توفو من سنتين،وأخي تجوز ورح يصير عندو ولد.
أمان:الله يرحمن،آسف ماكان قصدي زكرك،بس ماكنت اعرف،اي الله يهني يارب.
حكى أمان ليلطف الجو:والله وكبرتي وراح تصيري عمه .
أمل:اي،هيك الحياة بدي اضل زغيرة يعني.
أمان:اي ،أكيد ماراح ضلي زغيرة .
وصلنا محل ما عملين الحفلة.