فصليه ذيب

البارت الاول

انه شيخ ذيب ابن شيخ فواز عمري 33 سنه شيخ عشيره احد قبائل البصرة عندي نفوذ بالدوله بسبب فلوسي احنه الله منعم علينه من سابع جد لي الله منعم عليهم خير وسمعه وشيوخيه يعني هذا شي بسلاله مالتنه عندي
ابوي شيخ فواز.. عمره 50 سنه   الله يطول بعمره علمني ع كلشي من انه عمري 10 سنوات ياخذني وياه لكل كعدات والفصول بحيث وانه صغير بدل مالعب حالي حال جهال صرت اعرف شون احجي بالديوان وتعكل وصرت شيخ ذيب من انه عمري 10 سنوات الوادم كله تصيحني هلا بشيخ ذيب كبر غروري ومات گلبي تزوجت وانه عمري 19سنه علمود يصير عندي جهال وعلمهم شيخه وياخذونها من بعدي مثل ماابوي علمني وصرت زلمه حوك اكره شي اسمه خيانه وجذب اتخبل من هل شي صرت بدون مشاعر وحساس بسبب العرك وطلايب والدم والفصول موتت شي اسمه گلب مع العلم انه عندي

عندي امي شيخه فضه.. عمرها 44سنه الله يحفظها ويطول عمرها
اخوان غيري 3 اصغر مني بس مالهم علاقه بشي اسمه شيوخ و مضيف وهاي سوالف عندي
احمد.. عمره 30 سنه مزوج ويشتغل مدرس وعنده ولد واحد واثنين بنات
علي.. عمره 28 سنه هم متزوج ويشتغل محامي وماعنده اطفال لحد هسه

واخر العنقود رمح.. عمره 26 سنه خريج طب دكتور عام بس مامتزوج مايريد يزوج

وعندي خوات اثنين فاطمه ورقيه مامزوجات بعدهن زغار وحده عمره 18 وثانيه عمرها 10

انه هم مزوج بس ماعندي اطفال لحد هسه طبعي كلش عصبي وحار مااتحمل بسرعه انفجر ولساني زفر ولي يسوي غلطه وياي ادفنه هو عدل زوجتي اسمها رفل بنت عمي عمرها 30سنه صح انه عصبي ومااتحمل بس الحمدلله والشكر عندي ايمان برب العالمين وهذا سبب باقي ويا زوجتي لحد هسه بدون مازوج عليها صح امي هواي تكلي ازوج ويصير عندك جهال واشوفك جهالك شكد تبقه هيج وانه مااقبل كلشي بيد رب العالمين مو بيد بشر فا الحمدلله ع نعمته
صباح الخير..
لكل.. صباح النور هلا بشيخ
ذيب: صباحك عافيه بويه
فواز: هلا بيك بويه تعال تريك ويانه
ذيب: بالعافيه بويه بس مستعجل عندي شغل بالمضيف طلابه عايد ماخلصت لحد هسه وخليني اروح افهم عايد هل مطي قبل لا يجفص بالموضوع كله
فواز: براحتك بويه
شيخه فضه: بعد عيون امك شون تطلع بدون ريوك
ذيب: ولا يصير خاطر وهاي ستكان چاي وشربته
شيخه فضه: بالعافيه يمه درب سلامه
ذيب: الله يسلمج مع السلامه
لكل: الله وياك
رمح: يي هذا شيخ ذيب انه محد يكلي تعال اكل عاده حتى لو تعال سمم عادي هم قابل
فواز: عود انته تغار اكعد بويه اكعد الحمدلله والشكر
رمح: يي مايعجبك كلام رمح اكيد 😒
شيخه فضه: بعد روحي اكعد رمح اتريك
رمح: ماريد سم اروح المستشفى هناك اكل
فواز: شوكت تكبر والله مادري زعطوط
رمح: بويه خليني ساكت لا اتحول سعدون ساعدي هسه
فواز: استلم سمعتي يامره شنو يكول روح بويه روح
رمح: رايح رايح استاذا فواز
فواز: هذا لي يريد اوكله من الصبح تبن بحلكه ولك اتعلم شيخ مو استاذا غسل الغسلك يي والله ع هل حلك العوج
رمح: بابي شبيك شدعوه هيج قاسي اووف😂😂
فواز: ولك رمح تروح من يمي لا وعلي اكوم لعب 42 ع راسك
رمح: حاضر بابي بيباي 😂😂
فواز: ولج فضه كليله يروح من يمي لا اكفر بيه
فضه: ولك رمح جوز من ابوك ورح شغلك
رمح: تامرين امر شيخه فضه الحلوه
فواز: شون انته ماتحترم كاعد كبالك شيخ شكبره وتتغزل مرتي انته مايفيد وياك غير النعال
فضه: شبيك شيخ تغار من ابنك
رمح: بابي رومانسي وي وي 😂
فواز: ولج رقيه تعاي بويه جيبلي الخيزرانه اخوج مشتهي ياكلها من الصبح
رقيه: ثار بويه
فواز: يابعد ابوج وگلبه شوف لسانه ينكط عسل تكول بويه مو مثل حلك تكول بابي ولي مني ولي
رمح: ولج رقيه مااجيب لج حلويات من اجي
رقيه: ابوي اجيبلي 🤪
رمح: تعاي فطفط حبيبتي
فاطمه: عيون فطفط انته
رمح: يروحلج رمح فدوه
فاطمه: اسم الله عليك يابعد عيوني انته
رمح: شنو تردين اجيبلج من اجي
فاطمه: سلامتك ياروح فطفط انته
رمح: يابعد اخوج وگلبه مع السلامه
لكل: مع السلامه
رفل: صباح الخير
لكل: صباح النور
فضه: يلا فاطمه ورفل خلصن ورنا شغل بالبيت
رفل: حاضر عمه
فاطمه: صار شيخه
فضه: وانتي رقيه روحي بيت اخوج علي صيحيلي زينب مرته وتعاي
رقيه: ثار يمه.. ثباح الخير علوش
علي: صباح العسل يروحي رقاوي
رقيه: وين زنوبه امي تصيحه
علي: هسه اوديها روحي انتي
رقيه: اوتي حبيبي علوش
علي: اويلي من لسانج اويلي
رقيه: هههههههه
علي: زينب
زينب: ها حبيبي
علي: روحي بيت اهلي امي تريدج
زينب: صار حبيبي هسه اروح
فاطمه: رفل انتي كملي المضيف وانه انظف الغرف حتى اروح وراي غسل هدوم
رفل: شوكت الله يخلصني كل وحده بيت بس حضي كاعد هنا يي فاطمه روحي عيني
فاطمه: هاي شبيها دردم والله يالله
فضه: ولج رقيه صار بيج
رقيه: مو رحت زنوبه واجيت
فضه: يي وينها هاي صخومه
رقيه: هههههههه حلوه يمه صخومه
فضه: انجبي ولج وروحي ويا اختج
رقيه: ثار 😂
زينب: صباح الخير عمه
فضه: صباح النور
زينب: موديه رقيه عليه امري
فضه: يي علمود اخذج باجر هاي دكتوره خوش دكتوره ويا رمح بالمستشفى حتى نشوف ليش لحد هسه ماحبلتي
زينب: صار عمه تامرين امر اكول علي ونروح
فضه: عوفي علي انه احجي ويا
علي: بشنو تحجين وياي صباح الخير
فضه: هلا يمه صباح النور علمود اخذا زينب دكتوره ويا اخوك رمح خوش دكتوره وفاهما
علي: لي تشوفينه يصير شيخه انه اروح مع السلامه
لكل: الله وياك
فضه: يلا روحي البيتج كملي وساعه 2 نروح الدكتوره
زينب: صار عمه
رفل: صباح الخير زينب
زينب: هلا حبيبتي صباح النور
رفل: رايحه
زينب: يي والله رايحه وراي شغل بالبيت
رفل: خوش روحي عيوني كملي شغلج
زينب: مع السلامه
رقيه: مع ثلامه ثخومه 😂
فاطمه: ولج عيب هيووو بس يجي ذيب اكله عليج يطيح حضج والله
رقيه: لا طومه حبيبتي ماعيدها بعد اثفه
فاطمه: اوك يلا روحي لعبي حبيبتي
رقيه: احبت اموت عليت والله
فاطمه: هاي مسبه حب 😂

ذيب: هسه عايد خلصت طلابه كافي خويه مو كل مره طلابه وتعال خويه وحبيبي ذيب حل عيب مو زغير انته
عايد: افه ابن عمي هسه صرت ازعجك وانه معتبرك اخوي وضلعي وسندي
ذيب: هو شنو كاسر ضهري غير هاي حجاياتك ولك لا تضل عار وكافي هل حجي ولي من يمي اريد ارجع البيت
عايد: افه ماكو تفضل
ذيب: ولي من يمي احسلك
عايد: تأمر امر شيخ
ذيب: رجعت البيت ومالي خلك روحي احس روحي مخنوك مادري شبيه السلام عليكم

لكل.. وعليكم السلام
فواز: هلا بيك بويه ها بشر شنو صار
ذيب: حليتها وفضت بدون فلوس ولا مشاكل
فواز: بويه عوف عايد يولي ماصار كل اسبوع مشكله وطلابه وانته تروح تتفاشل ويا شيوخ
ذيب: بويه عايد اول شي ابن عمي وثاني شي ماعنده اخوان وانه اعتبره حاله حال رمح وصديق طفوله
رمح: سمعت اسمي منو ذكر العسل
فواز وذيب: انجب انته
رمح: صوج العسل يرد عليكم
ذيب: رقيه رقيه وينج
رقيه: عنون رقيه انته
ذيب: تعالي ولج شنو مسويه اليوم
رقيه: والله ماثويت سي 🥺🥺
ذيب: امممم ماصدك فطومه
فاطمه: ها عيون فطومه
ذيب: شنو سويت اليوم رقيه
فاطمه: اكوله شنو سويتي
ذيب: يعني مسوي شي اشوف شكلها تعض بشفتها فاطمه ميت ضحك عليها بس ما مبين لها  كولي شنو سوت خلي اعرف اصرف وياها
رقيه: والعران التريم ماثويت ثي ثبيت انته
ذيب: ماتحملت مااضحك من حلفت 😂😂
لكل... 😂😂😂 عوفها خطيه