على كف القدر نمشي

البارت 10

بقلمي انا اسراء عباس
‏وأعرفُ أن الطريق إليك صار منقطعًا لكنني أحنّ , وهذه احدى هزائمي.

قبل لا نلبش تصويت+تعليق حلو مثلكم

سائد: انتي شنووووو الخاطر الكعبه
منو هذا وشتسوين هنا اعوفچ بالبيت
اطلع الگاچ گدامي
سند: هذا صديقي والله ماعندي شئ
بس ضجت وطلعت
سائد: وحضرتچ ماعندچ صديقات
تطلعين وياهن بس شباب
سند: عندي بس مايطلعن شسوي
سائد: اي لأن بس انتي دايحه
سند:اني مو دايحه ومامسويه شئ غلط
سائد: كلچ على بعضچ غلط بغلط
امشي گدامي وبلا فضايح
فادي: هدي ابو الشباب البنيه ماغلطت
احنه اصدقاء وطلعنه مع بعض مابيهه شئ
سائد: وتقبلهه على اختك تطلع وي صديقهه
ياابو الصداقه روح بابا روووح
امشي انتي گدامي يلاااااا

غسق: هذا احلى عصير ضوگ وادعيلي
يلا رايحه بالصاله اذا ردت شئ بس صيحلي
غيث: بس انتظري لحظه
غسق:  ها گول محتاج شئ
غيث: مااعرف شلون ابدي بس اني احبچ
غسق: ركضت سديت الباب ورجعت عليه انت تخبلت شجاي تگول هسه يلا هسه يلا حسيت بروحك تحبني لو لأن عافتك ومالگيت غيري تجي عليهه
غيث: لاوالله مو هيچ والله قبل لا تعوفني اني حسيت بحبچ بگلبي من خسرتچ چنتي قريبه عليه لهذا ماحسيت بقيمتچ
غسق: هسه جاي تگول هسه واني مابقه العرسي غير ايام ياريتك ماحچيت ياريتك بقيت ساكت ياريتك بقيت ساكت
غيث: لتبچين الله يخليچ سمعيني بس
غسق: شأسمع شأسمع عوفني الخاطر محمد
وشنو ضنك اعوفه واجي عليك اذبه وره ضهري
واكسر گلبه حتى ارضيك
هيچ بسهوله اني اعيش سعيده وهو وهو
مو مهم ياريتك بقيت محتفظ بمشاعرك
النفسك ياريتك ماگلتلي الله يسامحك بس

سائد: الي اربع اشهر ماشايفهه ولا لامحهه
دايما اروح المنطقتهم وانتظر هوايه وافتر بالمنطقه
عسى اشوفهه حتى لو خطف بس ماكو
مرات اگول اني ليش ماوصلتهه للباب
على الأقل اعرف بيتهه وين
راحت مني ماچنت متوقع راح اخسرهه
مشتاقلهه مشتاقلهه فوگ ماتتصورون
كلشي يذكرني بيهه كلششي
وصرت اشوفهه بعيون كل الناس
ماحسبت حساب هذا اليوم
ماحسبت راح اوگع هالوگعه جبت عمري كله
اطب بعلاقه اطلع من علاقه ومايهمني احد
وچان كل ضني هي راح تكون حالهه حال هواااااايه
بنات مرن بحياتي مرور الكرام بس صار العكس
وهاي البنيه ملكت كل كياني وشعوري
صارت حلم اشوفه واني نايم واشوفه واني صاحي
المشكله حتى اتصالاتي ماترد عليهن
بس اسمع صوتهه مااريد شئ

رحيل: لچ ودق ودق سمعتي الي صار
ودق: شكو شصاير
رحيل: نجمه
ودق: شبيهه صدگ صار ايام ماكو
رحيل: اخوهه قبل ايام شايفهه
وي واحد وماخذهه سحول للبيت
وضاربهه اخر شئ شايلهه وراگع رأسهه
بالگاع ويگولون صاير عدهه ارتجاج بالمخ
وذيچ هي ماواعيه الأي شئ حواليهه
يگولون بس صافنه وماتعرف احد
ولا تميز اي شئ كأنما طفل هستوه مولود
ودق: لطمت على صدري دخيلك ياعلي
الله يجيرنه ان شاءالله الله يجيرنه
صفنت وي نفسي وتخيلت نفسي مكانهه
لو ماشيه بطريقهه چان هيچ صار بيه
واحتمال ذبح عالقبله الحمدلله الحمدلله يارب
رحيل: صدگ ودق من يمته تلبسين حجاب
ودق: لبسته وحبيته والتزمت بيه
رحيل: عن قناعه لو احد جابرچ
ودق: طبعا عن قناعه اني مستحيل اسوي شئ مامقتنعه بيه