على كف القدر نمشي

البارت الأخيررررررر

بقلمي انا اسراء عباس
‏لم احبكِ إلا لأن الحبَّ ، حين يعود من أسفاره
متعبا ، يتخذ من سريركِ مأوى ..

قبل لا نبلش ضغطو عالنجمه

فادي: دخلت للبيت لگيت بنيه گاعده وي شغف
بالصاله صاير ضهرهه علي وخاله در بحضنهه
ومندمجات بالحديث بس هاي الهيئه مو غريبه علي
احم احم
شغف: چنت گاعده بالصاله عندي ضيفه وجاي اسولف
وياهه ولشوي وسمعت صوت فادي
فادي حبيبي مشتاقتلك بعد روحي انت
حضنته وضليت ابوس بيه

سند: رحت السائد للشركه وگعدت وياه
وصار بينه حديث طويل انو شمل العائله
لازم ينلم
سائد: وشلون وهاي العندي رأسهه يابس وماطخي
سند: مصيرهه ترضخ وخصوصا انتو بينكم ولد
لو نسيتو
سائد: بس هي ماهامهه هالشئ حتى تهديد
هددتهه وگلتلهه اخذه ومااهتزت
شنو البيدي والله احبهه ومستعد احققلهه
كلشي تريده بس مااعرف شتريد
ووين تريد توصل
سند: العفو سائد البنيه تريد تربيك
وبصراحه انت تستاهل
سائد: هيچ صارت
سند: اي انت الغلط راكبك ركوب
مو موضوعنه هذا اني راح الولد ارجعه الهه
واحچي وياهه وان شاءالله خير
بس تعال وصلني مااندل
سائد: ماشي تمام يلا
سند: وصلني يمهم وحرك وراح
دگيت الباب فتحتلي بنوته حلوه وناعمه
مرحبا
ودق: تفاجئت بوحده تبين من عائله راقيه
بالباب بس من انتبهت على در بيدهه
عرفت هي من طرف سي السيد
زوج اختي المحترم عشتوووو مااعرف
من وين اجاه الأحترام
اهلا وسهلا تفضلي
تعال حبيب الخاله انت مشتاقتلك مشتاقتلك
موت موت موت
اخذته ودخلت اصيح شغف
شغف شغف تعالي شوفي منو اجانه
شغف: يمه وليدي حبيبي اروح فدوة لعيونك يروحي
منو جابه
ودق: بنيه واگفه بره تريدچ
شغف: تفاجئت منو وشتريد
طلعت رحبت بيهه وفوتتهه للصاله
اهلا وسهلا نورتي حبيبتي
سند: انت شغف صحيح
والله ماينلام اخويه هيچ مجنون بيچ
صدگ تخبلين عين البارده عليچ
شغف: عيونچ الحلوه شكرا
انت اخت سائد
سند: اي اني ممكن نسولف شوي
شغف: اي ليش لا تفضلي
سند: حبي اني اعرف اخويه غلط
وغلطه چبير بس والله ندمان ويحبچ ورايدچ
ومستعد ينفذ كل طلباتچ
شغف: اني مااگدر مو شغلة عناد والله
بس مجاي اتقبله حقد چبير بداخلي اله
سند: الخاطر در خليه يعيش بينكم
ميصير يتشتت بينچ وبينه
شغف:اني كلما اتذكر شلون استغل حاجتي
للفلوس بهاي الطريقه اكرهه اكثر واكثر
اخوچ عيني مني من زمان اني منتبهتله
بس مچان يلگه مني قبول وچان يگدر يجيني
بالحلال ومن الباب اذا حابني هيچ
بس هو اختصرهه واجاني بطرق ملتويه قذره
واستغلني ابشع استغلال حتى يأخذ
حاجته ولو مااصراري مايحصل مني
شئ غير بالحلال چان تدمرت حياتي
وضاع مستقبلي اكثر ماهو ضايع
سند: اني اعرف وعاذرتچ ومنطيتچ كل
الحق بس فكري بكلامي وخلي در
بين عيونچ انتي متتصورين شگد
تعلقو ابعض من قبل لا يعرف بيه
ابنه چان كل يوم يجي ويلعب وياه الحد
مايمل ويرجع
شغف: ان شاء الله خير بس مااوعدچ
سند: چنت اريد اگوم اروح وسمعت
صوت واحد وراي
التفت واشوفه مامصدگه معقوله
شنو هاي الصدفه شجاي يصير ماادري
فااااااادي انت انت شتسوي هنا
فادي: سند انتي الي شتسوين هنا
شغف: انتو تعرفون بعض
فادي: هاي سند الچنت اسولفلچ عنهه
انتي وين تعرفيهه
شغف: سند هي نفسهه البنيه التحبهه
الله اكبر الله اكبر ياربي شجاي يصير
شجاي يصير
سند: واني اگول الطفل شكله مو غريب
سبحان الله شگد يشبهلك
فادي: سند شكو احچيلي شكو
سند: اني اروح شغف هي تحچيلك
شغف: يعني من دون بغداد كلهه ماحلالك تحب
غير سند اخت سائد
فادي: شنووووووووو هي اخته واني شمعرفني
اشم أيدي ووين اعرف هي اخته
شغف: هسه هذا مو موضوعنه روح
غسل وبدل وتعال عندي هوايه حچي وياك
فادي:بخصوص
شغف: يخص اخواتك