مَسڪن الشبَح

مَشهد

بسم الله الرحمن الرحيم
بِدايه مَوفقه 🤍.

مَشهد من روايتي "مَسڪن الشبَح"
بقلمي أنـا :  الفواطِـم

ـــــــــــــــــــــــــــــــــــــــــــــــــــــــــــــ

رافعه البدله وأركُض بكُل حيلي وفحطانه ، خايفه حيل ،
حسيت بدوخه من كثر الركُض وكفت ؏ مُكان فارغ
لزمت الحايط وبلعت ريكي بعَطش ..

كمت اغمض بعيوني وافتحهن بهدوء ، ڪلبي يدك
حيل وجان اسمع صوته ورايه ...

.. هاا لكفتج

اني سمعته ولزمت البدله وطكيتها برَكضه وهوَ يركُض
وراي ، طكيتلي لوفه بل فُرع الثاني  ، وصادفتني سياره
اني سريعه والفُرع امبلطينه يعني صاير عدل ومن اركُض

ياخذني الواهس واستمريت فاتت السياره سريعه
واريد اوكف نَفسي مَ كدرت وهوَ مَ وكف
وچان اتصير بحركه سريعه انضرب بيها
وفقدت الوعي  ...

فتحت عيني اني بل مُتسشفى وداير مدايري أجهزه ،
واسمع صوت نبضات كلبي من هذا الجهاز ، وراسي
حيييييل يوجعني ،

بقيت اتصفن واتذَكرت الشبَح ، نزلت دموعي حاره
غمَضت عيني ، واتذكرت الصار قبل اسبوعين تقريباً ...

كاعده ڪِدامه ابكُرسي وهوَ ممطول ؏ الجُربايه ومشكليله مُغذي لأن مريض ،
حجيت بخوف ..

مزَن  :  تعوفني بهَل سهوله؟

الشبَح :  فتره وارجع صدكيني

مزَن : أنتَ مـو تعرُف شخص ديلاحكني وخطبني الف مره وماما قابله بس اني رافضه؟

الشَبح : اهمشي أنتِ رافضه هاي هيه

مزَن : تعرفني ضعيفه كدام ماما لأن اخاف منها ، حاليًا ساكته هيه بَس اذا ضغط عليها هذا مَ عدها مَانع تزوجنيا غَصب

وبجيت حيل

الشَبح : امسحي دموعج ،
باوعيلي  ...

رفعت راسي

مزَن: ها

الشبَح: أنتِ مو تحبيني؟

مزَن:  اي

الشبَح: الخاطري بس هَلمره صيري قويه كدام أُمج

سڪتت

حجه بهدوء وبنبرة توسل ..

الشبَح: الخاطري

هزيت راسي ، وڪلت ..

مزَم : اي اي ماشي ، الخاطرك حَصير قويه ولو اخاف منها ب ب...

بچيت ورجعت ڪملت ..

مزَن : بس الخاطرك

الشبَح : هسه عليش تبجين؟

متحملت طكيتها بوجها ..
مزَن : يعني اتريد اتعوفني سنه وتكُلي لييييييشش تبجييييييييننننن؟؟؟؟؟

حچه وهوَ صاك ؏ اسنانه ..

الشبَح : مزَننننننن

حچيت بحديه وكُلي اعصاب ...

مزَن:  هاا؟

الشبَح : هاي اخر مره اترفعين صوتج عليه ، وثاني شي موو كلتلج اهلي مشايفهم صارلي 7 سنوات وهسه صارتلي فرصه وجاي اتمنعيني؟؟؟؟

مزَن:  يعني فرصتك صارت بوكت المحتاجتك هااااااا؟؟؟

كام وكُله اعصاب وكام يضرب بل حايط بوكسات
من يمي ايدي وجعتني ..

الشبَح : وللللججججج لتخلييينييي بحيرررره اهلي وأنتِ بحاچتي !!!

مزَن: بس ...

الشبَح : ااشششششششششش

حجه بنبره هادئه وتقرب مني ...

الشبَح : اروح سنه اشبع منهم واحاول اصالحهم واخلي ابويه يسامحني ، لتوكفيني بطريقي وتعرضيلي ،  بس هلمره خليني اعوفج ،  بس هَلمره لتعرضيلي ،

مزَن : هاي هيه روح بس اذا تجي وتلكاني متزوجه فهذا مو ذنبي .

مشيت وعفته ، جراني حيل وطبكني ؏ حايط ،
صفن ؏ عيوني زعيونه تتنقل بين عيوني ..
كال بنبرة هدوووء ..

الشبَح : اشـهـد أن عـيـونج سـودنـنـي

فزيت ؏ صوت الدكتوره وهيه تدخُل

سحبت نفس بهدوء ونزلن دموعي

مسحتهن حيل واني اتذڪر حچايته

الشبَح : لتسمحيــن لـدموعج تنزل وأنتِ بذمة تاج الدين خليهن يخافن ينزلن من عيون مرتي ...

يتبع ...

مَشهد مِـن روايتي

" مَسڪـن الشـبَـح "

اول روايه أليه وهيَ خـيـالـيه
اللهم إنـي بلَغت فـأشـهـد 🤍

ان شاء الله ابلش بيها وره العيد
صوتوا وحفضوها بل مڪتبه حتى مِـن ابلش بيها يجيڪُم اشعار 🤍

دمتُم سالمين ، عيوني .