انت قدري

جزء :1

عند دعاء لكانت فبيتها سادة لباب عليها تقريبا شهر مكتخرجش منو الى بغات تاكل وترجع تسد عليها هي حاليا مع بنت خالتها من نهار ماتت ماماها وهي فهاد لحالة مبقاش عندها تحد من غير بنت خالتها
نسرين: دعاء خرجي من داك لبيت راه غملتي راه شهر ونتي تما صافي قدر الله ماشاء فعل الله يرحمها روح خالتي كون كانت هنا وشافتك فهاد لحالة غتسخط عليك  وديك لقراية لكتسناك ومستقبلك
دعاء:..
نسرين: ماباغاش تدوي ياكي مهم هانتي راه انا غنمشي ناخد واحد حاجات لدار ونرجع خرجي معايا ونسيني امم شنو باليك؟
دعاء: ..
نسرين: صبر ياربي راه كلشي غيموت خالتي راه كتشوفك دابا شنو كديري فراسك وفيا ذنوبي عليك ابنت خالتي
نسرين قالت هاد لهضرة وخرجات اما عند دعاء لكانت غير كتبكي وشادة فيديها تصويرت ماماها تنهدات وحطاتها فوق طبلة ووقفات حدا لماريو تجبد لعاباية باش تصلي. لبساتها ومشات تصلي ملي صالات بقات شحال كتدعي على الام ديالها وناضت خرجات مشات لحمام بغات تغسل وجهها شافت فلمراية لقات وجهها ولى مبدل فيه لون تحت عينيها ولى كحل وجها مبدل فيه لون بقات شحال كتشوف فراسها وهي تهز لفوطة مسحات وجهها ودخلات لكوزينة كلات وخملات طبلة وغسلات مواعن بغات تخرج بان ليها تليفونها هزاتو لقات بزااف ديال نوامر مصونيين ليها ولقات صحاباتها كيصيفطو ليها ميساجات كلشي ناس لكتعرف دخلات لواتساب لقاتو عامر ميساجات بدات كتجاوب صحاباتها وهي تسمع لباب كيتحل
نسرين: ياهه عشيرتي خرجات من داك لكوخ
دعاء: ههه ضحكتيني. مالي غير بغيت نبقا بوحدي
نسرين: توحشتك
مشات تلاحت عليها معنقاها وحتا دعاء بدلاتها لعناق
نسرين: دعي معاها ونتي راه خصكي تشوفي مستقبلك باش تفرحي خالتي الله يرحمها
دعاء: امين اختي
نسرين: ويلاه شوف ليك هدي لكان كلشي كيتزعط فيها كولات
دعاء: ههههههه ياك وحيدي من قدامي خليني نتنفس خنقتيني
نسرين: فراسك شكون تلاقيت
دعاء: شكون
نسرين: ديك لبنت لقراة معانا فابتيداءي حنان
دعاء: اه سميمرة عرفتها
نسرين: وراه سيمانة جاية عنها سبوع
دعاء: وايلي بصح هدشي
نسرين: ومالي كنضحك
دعاء: يختي معرضاتش علينا لعرس
نسرين: اويلي راها تزوجات بواحد خونا  هاز نيفو لسما
دعاء: عرفتيه ههه
نسرين: راني نسرين ومن لا يعرفها راه كيعرف لمنتخب ديالنا راه كيكون معاهم بعد مرات
دعاء: معرفتوش
نسرين: تأنا معرفتوش اصاطة
دعاء: واااع تلفات ليك هدي
نسرين: مهم هو عرضاتنا
دعاء: أوآه هه
نسرين: والله حيت عارفا وضع ديالنا قالتلي جيبي دعاء ونشطو شوية
دعاء: انا مغاداش غسيري
نسرين: يا والله ومتمشي تنغتاصبك انا قلت ليك
دعاء: رجعتي لحالتك دابا نشوف
نسرين: اش غتشوفي غنمشيو هي غنمشيو
دعاء: فين دايرينو بعدا الكلاخ
نسرين: راه دايرينو وكازا
دعاء: اويلي من قنيطرة لكازا غير سيري نتي برݣي انا مغنمشيش
نسرين: نوضي تق# عليا تفو غتمشي ازين والله
دعاء: ماعرف اصلا معنديش منلبس
نسرين: ههه واش معاك نسرين وكتفكري راه لقيت منلبسو خصنا لحد غدا نمشيو عند نݣافة نشوفو هداكشي لعزلت
دعاء: اهااا نتي راكي صافي خططتي وكلشي درتيه تبارك الله
نسرين: متشكرينيش دابا تا لخر
دعاء: صافي دابا فقاش بضبط
نسرين: نهار ثلاتاء
دعاء: اويلي وجهك حمر راه ليوم سبت فقاش غتخراي انا مغاداش عاد كنحشم اويلي
نسرين: ختي انا باغا نمشي نخضر عيني ونجيب زماني معاي تخايلي يجيو لعابة
دعاء: اه لعابة ديال شيخات راه غيجيو اما لعابة لكنشوفو فتلفازة علاش غيجيو ياك غير سبوع
نسرين: تفو فيك خلينا نتخايلو اويلي أختي
دعاء: اه صافي تخيلي يلاه تصبحي على خير
نسرين: سيري نعسي غدا نوضو بكري احبي
دعاء: ok ok

❤️❤️