انت قدري

جزء: 14

صباح جديد نايف مشا لتداريب دوز نهار كامل تما اما عند دعاء لدوزات نهار مع ملاك غا فدوران
دعاء: اففففف سخفت اويلي دابا 9 تفو فيك سخفتيني
ملاك: اش سخفتك نتي سخفتنا فلأصل شوفي نتي نوضي دوشي نقاد ليك داك شعر ياك لقشرة فيه كتبان من صحراء ياك ونمشي انا نقاد هدشي بلاصتو
دعاء: اففف سيري أختي قادي غامناكلو بعدا
ملاك: ياك اختي بنت ليك كنت كنقشر فلبصلة ياك
دعاء: يلاه يلاه احبي سيري
دعاء دخلات لدوش وخرجات جبدات سيشوار كتقاد فشعرها حتى صونا ليها تيلي
دعاء: اويلي (جاوبات)
دعاء: ألو
نايف: واش صدعتك
دعاء: لا لا
نايف: اه صافا بعدا عليك
دعاء: اه حمد لله ونتا كداير مزيان غتكون عيان هه
نايف: والله بحال الى علمك الله لقيتيني عاد خرجت من دوش بغيت نعس وقلت نصوني عليك
دعاء: اه تأنا نيت عاد دوشت
نايف: اه شنو كديري
دعاء: ام لقيتيني كنشف شعري
نايف: اك انا نصوني ابيل فيديو
دعاء مع غتقول لا القاتو كيصوني بقات كتشوف فراسها كدايرا خافت متعجبوش ولى شي حاجة بقات كتفتف عاد جا بات وحطات تيلي بعيد باش ميبانش وجهها مزيان
نايف : فين هو وجهك ههههههه
دعاء: ااا لا كشفتي دابا انا كنمشط شعري وحطيت تيلي
نايف: ااه صافي على خاطرك كملي شغلك
دعاء: ااه صافي اوى كدوزتي تداريب
نايف: راه مكنسمعكش
دعاء: شنو قلتي مكنسمعكش
نايف: ههههه راه مكنسمعكش ( دازت 10 دقائق )
دعاء: افف صاليت
نايف: اجي معامن كنتي داويا
دعاء: معاك.
نايف: متأكدة
دعاء: والله
نايف: امم اوى الالة نتي كتدوي وانا مسمعت والو هههههه صوت ديال سيشوار مكيخلينيش نسمعك
دعاء: هههههه نسيتتت والله
نايف: صاليتي دابا
دعاء: اه صاليت
نايف: اوى مزيان هانتي دعاء راه غدا غتلقاي واحد راجل غيجيبكم بطونوبيل ياك هو لغيديكم فين تݣلسو صافي
دعاء: نايف مكاين لاش زعما عادي نݣلسو بحال ناس شنو فيها
نايف: دعاء صافي سمعيلي مكنبغيش حاجتي تقاص
دعاء: ...
نايف : يلاه نخليك نمشي نعس صافي بسلامة
دعاء: بسلامة
دعاء ملي قطعات لخط بقات مبلوكيا كفاش حاجتي زعما هو مكيتفلاش عليا بصح باغيني مكذبش
ملاك: معامن داويا
دعاء: نايف صونا
ملاك: اولي فوت  عليا هدشي كامل
دعاء: قالي غدا بلي غيجي عندنا واحد سيد غنمشيو معاه
ملاك: ناري غنعيش داكشي ديال ملوك ههه تجي معاي ههههه
دعاء: نوضي نعسو يلاه
لبنات كل وحدة فيهم نعسات
جا صباح جديد
دعاء: ملاااك نوضي اصاطة عتقي 9 وسيد غيجي مع 10:30
ملاك: اويلي انا جاية
دعاء: شوفي فين هو داك سروال ديال جديد لكنت خديت
ملاك: راه مطوي تما وقاديت ليك كلشي نصكم ديال مغرب تاهو محطوط معاه وطلقي شعرك
دعاء: اه صافي لقيتو شعري بان ليا غنديرلو قراصة
ملاك: انا نقاد ليك وجهك صبري نلبس
دعاء: مبغيتش نكتر
ملاك: سكتي ##
دازت ساعة
ملاك: ناريييييي قرطاسة الله يحجبك ليا من لعين
دعاء: اش غاشوية قالة قرطاسة
ملاك: سكتي نتي شكتعرفي
دعاء: هههههه ملاك شاداني لخلعة

ملاك: اويلي ان خلعة مالكي أختي قاتلة
دعاء: لا ماشي حاكدة خفت نبغيه وفلخر يقولي راه كامرة خفية
ملاك: اويلي خرجو عليك تواركة زيدي سيد تلقاه برى
دعاء: لا لا مزال
داز لوقت حتا سمعو كلاكسون هبطو ركبو

عصام: سلام
دعاء: سلام اخويا
عصام : سلام اختي مهم انا عصام صديق ديال نايف اي حاجة بغيتوها قولوهالي مهم مشينا
ملاك: يلاه اخويا يلاه بسم الله
عصام: ههه يلاه
مع وصلو
دعاء: ياه واش بدلو لباب
عصام: لا راه جينا لباب رإسي من هنا كيدخلو لعابة ولمدربين
ملاك: علاش مدخلناش من لهيه
عصام: لا من لهيه عامر هنا وصاني نايف منين ندخلو لبلاصة لغتݣلسو فيها مهم ختي دعاء ملي يصالي لماتش بقاي تما صافي واحد شوية علما تخوا دنيا
ملاك : اه صافي اخويا شكرا
مع غيدخلو كيبان ليهم لعابة وغاناس لكلاص وعاءلة ديال لعابة داخلين داكشي ديال لأحلام ههه دخلو ومشاو لبلاصة لختارها نايف حيت تما لكامرة مكتشدش ديك لبلاصة مزيان عاد قريبة لباب رإيسي

ملاك: خويا عصام عافك وخ تجيب لينا قرعة ديال لماء نسيتها
عصام: اه وخ
دعاء: ناري هنا بلاصة زوينة أختي
ملاك: لهلى يخطي عليا نصيبي لعزيز هههه والله
دعاء: داغي رديتو نصيبك
ملاك: اومالكي غرتي
دعاء: هههه لا
ملاك: سكتي شوفيييي ههما داخليننننن
دعاء كانت كتشوف حتا بان ليها نايف تما ملاك بدات كتشير بيديها دعاء كتقولا ترصا من شوهة و والو نايف بقا كيقلب بعينيه بلاما يعيق حتا شافهم دار راسو كيشير لجمهور وشير ليهم دعاء هزات يديها صافي اما ملاك حمات سوق وكتغوت الي نسيبيييي
دعاء: اويلييي سكتيييي اخر مرة نجيو صافي
ملاك: هو شير لينا نخليوه هاكدا راه خصنا نشجعوه
دعاء: الله ياربي سكتي الله يرحم باك غتشوهينا
دراري بداو كيلعبو وكلشي كيشجعهم قرب يسالي لماتش دعاء مع لغوات حسات براسها غطيح حتا سمعات بلي راه ماركاو وناض كلشي كيصفر ويصفقو فرحات وخ هكذاك دازت ربع ساعة  تعلن على نهاية لماتش

دعاء: دابا شنو غندير
ملاك؛ غتبقاي هنا شوية معرفتش هدشي لقال عصام
عصام: اه أختي تأنا هدشي لقال نايف يمكن غيصوني عليك
دعاء: اه صافي عفك اخويا عصام وصل معاك ملاك
عصام ؛ اه صافي أختي متحتاجيش توصيني
دعاء بقات تما بنادم بدا كينقص شدها لخوف حتا سمعات تيلي كيسوني
دعاء: ألو نايف فينك
نايف: صافي خرجي ولكن متيريش لإنتباه غتلقاي طونوبيل ديالي ركبي فيها راه مفتوحة انا غنجي 
دعاء : اه وخ صافي انا جاية
دعاء خرجات لقات دنيا مرونة كلشي تما جميع لفان مجموعين جبدات كسكيطة من صاك دارتها ومشات جهة طونوبيل ركبات بقات واحد خمسة دقائق وهو يطلع نايف كان داير تاهو كسكيطة
دعاء : مبروك اسيدي.
نايف: الله يبارك فيك الله
دعاء: هه هي غدير لينا شي زرضة
نايف ديمارا طونوبيل : اييه دابا نيت ههههه
دعاء: حيدات كاسكيط
نايف: اوى
دعاء: ههه اوى يوى باش كتحس فهاد لوقيتة
نايف: فرحة مثلا ههههه
دعاء: اييه الله يخليك ديما فرحانة
نايف: امين حتا نتي واش كليتي شي حاجة
دعاء: ههه صارحة لا
نايف: وعلاش مكليتيش
دعاء: معرفتش مكانش فيا
نايف: اف صافي ندوزو اشي ريستو تاكلي ضروري ودواك مخديتيهش
دعاء: خديتو صباح
نايف: ها خديتي بلاما تاكلي
دعاء: هههه راه مشا ليا لعقل هاد صباح صافي نسيت ههه
نايف: اممم ومعامن الالة
دعاء: أأ
نايف: غير كتوحلي كتبقاي تفتفي ليا تما
دعاء: انا حشومة عليك والله كتدي غا دنوبي
نايف: ههه ياك يلاه هحنا وصلنا
دعاء: بلاتي واش غتنزل ؟
نايف: ههههههههه لا غنبقا راه غنزل
دعاء: الا غيعرفوك ناس
نايف: وشنو فيها
دعاء: اويلي على شنو فيها بقا هنا انا نهبط ناكل ونجي
نايف: وأنا مناكلش
دعاء: انا نجيب ليك
نايف: قولي والله
دعاء: والله
نايف: هههههههه لا ازين ديالي غنهبط راني داير كاسكيط عاد غنزيد لقب ديال قبية وصافي
دعاء : اك صافي ليباليك يلاه
👑🇲🇦