انت قدري

جزء: 13

نايف: اه صافي فهمت سمحيلي
دعاء: ...
نايف طلع ركب فطونوبيل مشا بحالو هي بقات شحال واقفة برى تاجلت ملاك حركاتها عاد عقلات على راسها
ملاك: مالكي شنو وقاع
دعاء: انا انا مدرت والو 😭😭😭
ملاك: علاش كتبكي زيدي دخلي من لبرد بعدا
دخلو لبنات دعاء شرحات لملاك  شنو طرا. هي معرفاتش شنو تقول ملي قال ليها هكداك تبلوكات قالت ليها ملاك باش تصونيلو
دعاء: هدي خامس مرة وأنا كنصوني عليه صافي دابا مشا والله ميرجع
ملاك: شششت صافي أنا نصونيلو من عندي ولعرفتي شنو سيفطي ميساج اري داك تيلي انا نكتب
ملاك كتبان ميساج لنايف وسدات تيلي ومشات تقاد لعشا اما دعاء بقات متكية حتا داها نعاس 
اما عند نايف لكان داخل لدار تاوصلو ميساج شعل تيلي وبدأ كيقراه
ميساج : سلام نايف انا مكنتش مزيان قبيلة وملي قلتيلي داكشي فكرتك غير كضحك معاي معرفتش شنو نقوليك والله الى كنتي قلت داك لهضرة بصح واش تقدر تصوني عليا وسمحلي على لإزعاج 😊

نايف شاف هاد لميساج ضحك على هاد لافكار قال يدخل لبيتو ويصوني عليها
دعاء كانت ناعسة حتا صونا تيليفون ناضت قافزة بلخلعة حلات لخط
دعاء: ألو شكون معاي
نايف:
دعاء: ألو واش كتفلاو مالكوم على هاد تبرهيش واش كتصونيو باش كتسكتو
نايف: واش  كنتي ناعسة
دعاء: أ
نايف: ههه صافي صافي نخليك تصبحي على خير بنتي ليا مدوخة بنعاس
دعاء: لا لالا مكنتش ناعسة بغيت نقول كونت غامتكية
نايف: مزيان إلى بغيتي نقطع ماشي مشكيل
دعاء: واش قبيلة دويتي بصح
نايف: احم مهم انا تفهمتك صافي ديري موقاع والو
دعاء: انا موافقة
نايف: علاياش
دعاء: زعما على قبيلة باش زعما قلتي انك باغي زعما فهمتي
نايف: 🤣🤣🤣
دعاء: علاش كنضحك
نايف: لا لا زعما زعما
دعاء: ههه
نايف: داغي كتحشمي هههههههه
دعاء: ...
نايف: صافي صافي مقلت والو  بعد غدا غاتكوني مسالية
دعاء: لا زعما بغيت نقول غنتفرج فلمنتخب
نايف: فدار ؟
دعاء: اااااه ياه انا كنت باغا نحضر انا وملاك وهي قطعات تيكي انا عاد غنشوف كفاش
نايف: واش مولفة كتجي
دعاء: نن غير مرة مرة
نايف: اه فهمتك صافي عرفتي شنو انا نقطع ليك تݣلسي لقدام صافي نتي وملاك متݣلسوش لور ولعرفتي شنو غدا غنكون مشغول ياك بعد غدا غتصومي عليك فصباح صافي قبل من لماتش صافي
دعاء: علاش بلاش راه غنمشي انا وملاك عادي
نايف: صافي غسمعي هضرتي مهم عنداك تنساي
دعاء : اه صافي لبغيتي
نايف: يلاه سيري تنعسي
دعاء: تصبح على خير
نايف: انتي من اهلو

ملاك: شنوقال
دعاء: قالي باش منقطعش تيكي ونتي داك تيكي غبيعيه ولى رميه
ملاك: حشاك شارياه بفلوس احبيبة
دعاء: قولي والله وهو قالي غيصوني عليا وغيقولي شيحاجة يمكن على لبلاصة فين غنݣلسو
ملاك: قولي والله ناريييي
دعاء: بففف حشمت تفو
ملاك؛ مناش ياك هو لبغا
دعاء: وخ هكداك مهم نمشي نعس غدا غنوض بكري
ملاك: اه سيري احبيبة وداك لعشة نتسحرو بيه ياك

👑🇲🇦