انت قدري

جزء:5

دعاء منبعد مكلات وصلها ميساج فواتساب هزات تيلي كتلقا واحد لولد قرا معاها سيفط ليها
ميساج: slm dodo Brit n9olik Bli rah lyouma ransafr makrhtch ntla9aw 😽
دعاء: احم
ميساج: اه وخ انشاء الله سيفط ليا توقيت لغتمشي فيه باش نجي نودعك 🤍😊
هو: ميساج: ok
دعاء ملي وصلها موقع عرفات فين مشات بدلات حوايجها كانت خارجة لقات نسرين ݣالسة كتفرج
دعاء: هني خرجت
نسرين: وخ ازين
دعاء خرجات شدات طاكسي نيشان لماطار دازت تقريبا نص ساعة عاد وصلات دخلات لداخل بقات كتقلب عليه حتا سمعاتو كيعيط ليها
الياس: دعاء صافا
دعاء: حمد لله ونتا
الياس: مزيان ههه عذبتك يمكن
دعاء: لا بلعكس اوى هي ليوم غتقلع
الياس: ليوم ازين خصني نمشي لبريطانيا يلاه نمشي خصني صباح نخدم ومنهنا ليوماين كاين واحد لماتش لهبال
دعاء: امم مزيان اسيدي الله يديك على خير ياربي
الياس: اجي نݣلسو لهيه
دعاء: مزال رحلة ديالك
الياس: باقي نص ساعة
دعاء: اك يلاه نݣلسو
من بعد ماݣلسو بقاو كيهضرو حتا سمع بلي رحلة مبقا ليها والو وخصو يدخل
دعاء: هه كتعيط ليكم
الياس: اه هههههه يلاه نخليك وشكرا حيت جيتي
دعاء: متقولش هكذا
الياس عنق دعاء بحك هو كيعتابرها الاخت ديالو منبعد ماسلم عليها مشا هي بقات شحال واقفة يلاه بغات تمشي حتا كتسمع بحال شي وحدة كتبكي دارت كتبان ليها واحد لإمرأة والبنت حداها مشات كتجري عندهم
دعاء: خالتي واش نتي مزيان
لبنت: معرفتش مالها بغيت غير نجيب ليها بناء ملي رجعت لقيتها بحال هكذا 🥺😭
دعاء: ششش صافي احبيبتي متبكيش
مشات دعاء كتشوف فلمرة عرفات بلي مريضة بلقلب وغتكون جاتها شي كخيز
دعاء: خالتي تنفسي مزيان
المرأة كنحاول تنفس دعاء حلات ليها شوية ديك لقميجة لكانت لابسة باش تقدر تنفس مزيان
دعاء: مزيان خالتي دابا
المرأة : اممم اه ابنتي مزيان الله يرضي عليك
دعاء: امين اخالتي واش نتي مسافرة دابا ؟
المرأة : لا ابنتي غير بنتي لسافرات وأنا جيت معاها هي دابا مشات
دعاء: اه فهمتك يلاه انا نوسلك معايا فين بغيتي والى زاد عليك لحال نديك لسبيطار
المرأة : لا لا ابنتي غنعذبوك غير. خلينا ناخد غير طاكسي
دعاء: لا لا اخالتي انا نوسلك معايا مغتعدبينيش الى مديتكش راه داك ساعة عاد غنتعذب
المرأة: على خاطرك ابنتي يلاه دعاء صونات على نسرين تجي ليها داز لوقت ونسرين صونات على دعاء قالت ليها بلي هي برا
دعاء نوضات لمراة وشدات فيد البنت وخرجو من المطار وطلعو فطونوبيل وقالت ليهم المرأة فين ساكنة وصلوها لدارها وهما راجعين دعاء تفكرات بلي ساكها نساتو مع المرأة حيت ملي كانو خارجين دعاء هزات لبنت والمرأة خدات من عنها ساك بقا معاها باش ميتقلش عليها
دعاء: رجعي رجعي
نسرين: اويلي مالكي
دعاء: صاكي المسخوطة نسيتو عند لمرأة لوصلنها
نسرين: اك نرجعو
لبنات رجعو كانت داك ساعة 7 ديال لعشية وصلو لقاو المرأة واقفة حدا لباب
دعاء: سلام خالتي
المرأة: اييه ابنتي جيتو يلاه وقفت قلت غترجعي على ساك ولى كنت غنديه لواحد ولد جاري يديه لبوليس باش يردوه ليك ابنتي
دعاء: شكرااااا بزااااف اخالتي
المرأة: دخلو مرحبا
دعاء: لا اخالتي خصنا نمشيو والله راه مشا لحال
المرأة: والله متمشيو غدخلو تشربو غير كاس ديال اتاي
نسرين : اييه وخ اخالتي ولحرشة كاينة
دعاء : اويلي
المرأة: هه كاينة موجودة ابنتي مرحبا دخلو
دخلو لبنات ݣلسو فصالون كانت لبنت صغيرة كتراجع مشات عندها نسرين هزاتها
دعاء: واااحطي لبنت اويلي فين ما مشيت مشوهاني تفوووو
نسرين: انا تي شوفي شحال زوينة
دعاء : حطي درية واجي ݣلسي
نسرين حطات لبنت لكانت حشمانة ومشات ݣلسات حدا دعاء وبقاو كايدويو حتا شافو المرأة جايبة صينية مشات دعاء هزاتها عليها وحطاتها فوق طبلة وݣلسات
نسرين: باينة معندهاش ولدها كبير باش تزوجك بيه غير تبتي
دعاء: سكتي حشمي راه المرأة كبيرة
يلاه سلات هضرتها وهي تبان ليها المرأة جاية حطات ليهم لحرشة
دعاء: سمحيلينا اخالتي عدبناك
نسرين: اه اخالتي
المرأة : لا لا ابنتي حاشة
منبعد ماسلاو الماكلة سمعو شي حد كيدق
المرأة : او ماعرف شكون كيدق عليا
دعاء: غير خليك اخالتي انا نفتح
المرأة : لا ابنتي هاهي خولة تفتح لباب
المرأة: نوضي ابنتي خولة فتحي الباب
خولة: وخ الميما
خولة مشات فتحات لباب وتمات جاية كتجري عنقات المرأة
المرأة: شكون ابنتي
خولة: عمو هههه
المرأة : شكون عمو

هو : سلام الحاجة
المرأة ناضت فرحانة مشات كتعنق فيه اما نسرين ودعاء بقاو مصدومين ولكن ماشي بحال صدمة ديال دعاء

❤️