عشقت ملاكي / أميرة هاني

البارت 6

ملاك ☝️☝️
عُشقت ملاكي الكاتبة أميرة هاني 🧡
الكاتبة أميرة هاني 🧡
البارت السادس
في بيت السعدني كانت فاتن وفرحة قاعدين في الاوضه بتاعت فرحة
فاتن /طيب احنا هنعمل ايه دلوقتي كل ما نيجي نمُوت الزفت ده البنت دي تطلع لنا
فرح/اهدي بس يا ست الكُل
فاتن/احنا في أي ولا في أي
فرح/اهدي بس ياماما انا عندي فكرة هتودي ملاك في داهية
فاتن/طب قولي يا عين امك
ياتري فاتن وفرح هيعملوا اي ؟؟؟
ياتري ملاك وسليم هيعرفوا؟؟؟
******************
عند سليم
احمد /احنا سألنا في 6مستشفيات لحد دلوقتي
مالك/انا بصراحه فقدت الامل ..طب الخبر اللي نزل مقالوش مستشفى اي
سليم/ينفع تسكت انت وهو 
عمرو /طيب تعالي نسأل في المستشفى دي
ودخلوا الي المستشفى كانت مستشفى كبيرة خاصة
سليم / السلام عليكم لو سمحتي ممكن اسأل علي الشاب ده هو لسه واصل امبارح في حادثةعربيه
اخرج سليم من جيبه الفون وكانت صورة تاج
ممرضة الاستقبال /وعليكم السلام اه هو واصل
سليم /طيب ممكن اعرف رقم الاوضه كام
الممرضه /اه طبعا بس ممكن اعرف حضرتك تقرب لي اي ؟؟؟
سليم /انا اخو الكبير
الممرضه/رقم الاوضه 212في الدور التالت اول اوضه علي ايدك الشمال
سليم/شكرا
وطلع سليم وأحمد وعمرو ومالك اول ما طلع سليم لقي عابد وجاسر قاعدين قدام اوضة تاج
سليم /السلام عليكم
جاسر وعابد قامو وقفوا /وعليكم السلام
سليم /هو حضرتك اللي جبت اخويا هنا
عابد /احنا لقينا العربيه مقلوبه بيه في الشارع وجبناه هنا

سليم/انا متشكر ليكم اوي انتو انقذتوا حياته مش عارف لولا انتو انا مش عارف كان حصل اي
عابد/متقولش كده يا ابني وبعدين لا شكر علي واجب اكيد لو حد مكانا كان هيعمل نفس اللي احنا عملناه
سليم مد أيده علشان يسلم علي عابد وجاسر
سليم /انا سليم السعدني وده اخويا الصغير تاج السعدني
عابد /وانا يا ابني عابد وده ابني جاسر
سليم /اتشرفت بمعرفة حضرتك
عابد /وانا اكتر
سليم /هو حالته اي دلوقتي
عابد /يعني كان محتاج نقل دم والحمدلله انا طلعت نفس الفصيلة واتبرعت بالدم
سليم/بجد شكراً علي وقفتك ومعانا وعلي تبرعك بدم مش محتاج اي حاجة
عابد/روح يبني انا معملتش حاجة
سليم شكره مرة أخري وعاد الي الطبيب الذي كان يمر في الممر
سليم وقف الدكتور بصوته الجوهري
الدكتور/اهلا مستر سليم
سليم/اهلا بحضرتك..عايز اعرف حالة تاج
الدكتور/هو فقد دم كتير وده سبب غيبوبة
سليم بصدمة/غيبوبة .. طب و الغيبوبة .دي قد اي
الدكتور/ممكن شهر اتنين ..هو فقد دم كتير وفي كسر في أيدوا الايسر و كمان احنا نقلنا دم جديد
استأذن الدكتور و مشي
سليم نزل علي الارض وفضل يحاسب نفسه علي اللي حصل
جه عمرو و رتب علي كتفيه
عمرو/خلاص يا صاحبي هيبقي كويس متقلقش ان شاء الله خير
********************
عند ملاك صباحا
صحيت ملاك اخدت شاور ولبست بيجامة باللون الفيروز عليه دب ابيض وصففت شعرها علي شكل ديل حصان وخرجت من الغرفة متجها الي غرفة محمد
طرقت الباب عدة مرات حتي سمعت صوت الممرضة يأذن لها بدخول
ملاك بابتسامة/ صباح الخير
الممرضة(ملك)/صباح النور يا هانم
ملاك وهي متجها ناحية محمد /عمل اي دلوقتي
ملك بحزن/مش عارفه اقولك اي بس هو علي الأغلب ف غيبوبة ..و م..ممكن تطول
ملاك بصدمة/انتي بتقولي اي يا ملك ازاي ..طب انتي بتديلوا العلاج ف معاده
ملك/ايوة واللهِ
ملاك/طب اسمعي مش عايزة حد.يعرف انو دخل ف غيبوبة لحد لما سليم يرجع انتي فاهمة
ملك/حاضر مش هتكلم
خرجت الممرضة وفضلت ملاك معاه وقامت بقياس الضغط له ولقت الضغط مرتفع قامت بإعطاء له الابرء لتنزيل الضغط شوية وخرجت من الغرفة بعد نص ساعة
★★★★★★★★★★★★★★★★★
دخلت الي غرفته وهي ف قمة السعادة
فاتن/مالك فرحانة كدة ليه
فرحة بابتسامة/خلاص خلصت الخطوة الأولي
فاتن/خطوة اولي اي انا مش فاهمة حاجة
اتجهت إليه فرحة وقعدت علي الكنبة الموجودة
فرحة بصوت خفض/انا بدلت الدوا ل اونكل محمد و دخل ف غيبوبة
فلاش بااااااك
خرجت فرحة من غرفتة بعد لما شافت ملك (الممرضة)خارجة من الغرفة اتجهت الي غرفة محمد وقامت بتبديل الدوا اللي محمد بياخدوا
خرجت من غرفة محمد بتوتر وهي بتالفت يمين وشمال وهي ماشية ف الروق خبطت ف ملك
ملك /آآآآي ف اي مش تبصي قدامك
فرحة بتوتر/مكنتش اقصد
ملك/وبعدين انتي كُنتي ف اوضة محمد بيه ليه كُنتي بتعملي اي
فرحة بتوتر اكتر/لا ..مفيش كُنت ببص عليه اي مش خالي ولا اي
ثم ذهبت الي غرفته
بااااااك
فاتن/يالهوي انتي غبية ازاي تعملي كدة افرض الممرضة الزفتة دي قالت ل سليم ولا لملاك هتعملي اي
فرحة/اطمني يا ماما مش هتقول حاجة
فاتن/وانتي مالك واثقة اوي أنها مش هتقول كدة
فرحة بابتسامة/عيب عليكي ده انا فرحة برضوا مش هتقول
******************
عند سليم
كان قاعد ف المستشفى هو و احمد و عمرو و مالك
مالك/سليم مينفعش كدة احنا لازم نتصرف اي رأيك ننقل تاج مستشفى ف مصر
سليم/انا مش هتحرك من هنا غير لما اطمن عليه
عمرو /يا سليم افهم احنا قصدنا هناك يبقي جنبك وانتَ كمان تكُون جنب اوُنكل محمد .. وبعدين انت ليك مستشفيات ف مصر وعارف  دكاترة كتير اكيد هيفدوك
احمد/عنده حق يا سليم انت مش هتفضل قاعد هنا وسايب شركاتك و اونكل محمد ودنيتك كام شهر و ياعالم تاج هيفوق امتي
سليم/طيب انا هروح اكلمهم
نزل سليم وعمرو الاستقبال
وفعلا تم خروج تاج من المستشفى ف طيارة مجهزة من الأجهزة التي يحتاج إليها تاج
*********************
عند ملاك كانت بتفكر هتعمل اي و هتقول ل سليم اي لو سألها علي محمد. فضلت تفكر وقطع تفكرها صوت رنين الهاتف و كان المتصل روز
تنفست بعمق واخرجته ببطء
ملاك بهدوء/اي يا روز اخبارك اي
روز بقلق/الحمد لله بخير..انتي اخبارك اي
ملاك/مش احسن حاجة بس الحمد لله
روز بقلق اكتر /ملاك هو انتي كويسة مالك
و لما روز اتكلمت اتفتحت ملاك بالبكاء
روز/يا ملاك قولي بقي في أي خوفتيني عليكي
هدءات ملاك قليل
ملاك/روز انا مش عارفة اعمل اي بجد...سليم وصاني علي باباه ده هو اغلي حد ف حياته اصلا
روز/مش فاهمة وضحي اكتر
ملاك/سليم سافر باريس علشان  تاج اخوه تعبان اوي ودخل في غيبوبة..وسليم قالي خلي بالك من بابا ..دخلت الصبح الاوضة اطمن عليه لقيت الممرضة بتقولي ده دخل ف غيبوبة هو سامع وحاسس بينا بس ممكن الغيبوبة تطول
روز تنفست بعمق/لا أن شاء الله مفيش حاجة
. وبعدين متخفيش هو انتي السبب يعني ده قدر طب ما تجيبي دكتور يطمنك اكتر ممكن ميكنش غيبوبة
ملاك/حاضر هكلم الدكتور اللي متابع حالته سلام
قفل كلا من ملاك وروز الخط
****************************
في مكان تاني
شخص1/انا مش هرحم سليم انت عارف يعني اي مش هرحمه
شخص2/عارف يا صاحبي بس انت ناوي علي اي
شخص1/اول حاجة عايز اكسره...و ااااه عايز ملاك ولا انت شايف اي ...انا (مروان نصار)ثم غمز له وسابوا ومشي
🦋🦋🦋🦋🦋🦋🦋🦋🦋🦋🦋🦋
خرج سليم و احمد و عمرو و مالك من المطار بصحبة تاج
سليم رن علي عربية الإسعاف وجم اخدو تاج اللي مفقش اصلا و كأنه ف عالم تاني
ركب سليم عربيته وكل واحد ركب عربيته متجهين نحو القصر
🧡🧡🧡🧡🧡🧡🧡🧡🧡🧡🧡🧡
في القصر كانت ملاك نازلة من علي السُلم وكانت فرحة وفاتن قاعدين ف الانترية
اتكلمت فرحة وهي تتصفح الانترنت
فرحة بدلال/الاه قوليلي يا مامي هو سليم راجع امتي
فاتن وهي تنظر ل ملاك/معرفش يا حبيبة مامي رني عليه اسأليه
فرحة بدلال/اصل ده وحشني اوي القصر وحش من غيره
ملاك حطت ايديها ف وسطها
ملاك /مين ده اللي وحشك ياعين امك
فرحة/اتكلمي معايا بأدب يا زبالة مبقاش اللي انتي كمان
ملاك بسخرية/اول مرة اشوف واحدة بتوصف نفسها مشاء الله ...ومالها انا بقي هو انا اللي بعري نفسي للرجالة
فاتن بحدة/ملاك انا مسمحلكيش انتي صحيح مش متربية
ملاك /طول عمري بسمع عن الكتشي اللي بينور بس اول مره اشوف الشبشب اللي بيتكلم
هبت فرحة واقفة وضربت ملاك بالقلم
وملاك .......
و هنعرف اللي جاي في البارت الجاي 🧡
ياتري مين هو مروان نصار ..؟
و ياتري سليم هيعرف أن باباه ف غيبوبة ولا لا..؟
و ياتري اللي هيحصل مع فرحة و ملاك...؟
دمتم بخير احبتي 🧡💜