روايةـ عُشقت ملاكي 🧡
الكاتبة أميرة هاني 🧡
البارت الحادي عشر
سليم بعصبية/حضرتك بتقولي اي و من امتي انا بسامح حد أو بسأل علي حد مفكرش فيا ولو لحظه واحدة ابنك طماع و اوي كمان و انا من انهاردة مليش اخوات اخويا مات
تولين/انت بتقول اي يا سليم انت ناسي اني دي فلوس ابوك و هو اللي كبرك و علمك ولا انت ناسي
سليم/لا مش ناسي بس انا تعبت و اوي كمان عقبال ما كبرت الشركات و البزنس ولا حضرتك عندك شك ف كدة وانا مش هدي حاجة لتاج و لو علي جثتي ..ولو تاج فكر يلعب معايا صدقيني مش هرحمه عند اذنك
و سابها و طلع من المكتب
دخل الاوضة وهو في قمة غضبه
ملاك بقلق/سليم مالك في اي
سليم /مفيش ..
كان نفسه يرمي نفسه جوة حضنها و يقولها ماله و لكن مانع نفسه منها لحد لما يشوف مشاعرها اي واني ناوية تكمل معاه ولا لأ كان نفسه يقولها أن. بيحبها و بيعشقها بس أتراجع فاق لما ملاك لوحت لي بأديها قدام عنيه
ملاك/سليم اي رحت فين
سليم/مفيش سرحت شوية..هروح اخد دوش
سليم دخل التواليت و فضل واقف شوية قدام مراية الحمام و افتكر كلام تاج اني هو اناني و اني مش بيحب حد غير مصلحته واني مامته عايزاه يرجع .. بعدين فتح الدوش و نزل تحت الميا الباردة رغم برودة الجو الا هو محسش من كتر النار اللي جواه خرج بعد نص ساعة و لقي ملاك مستنياه
كان خارج من التواليت لافف فوطة علي نصه اللي تحت و عاري الصدر
ملاك اتكسفت و بصت في الأرض سليم لاحظ ده ف دخل اوضة اللبس علشان يلبس كان لابس بنطلون قطني رصاصي فاتح و سويت شيرت شتوي اسود
سليم/مانمتيش لي
ملاك/معرفتش انام غير لما اعرف مالك
سليم قرب و قعد جنبها علي السرير
سليم بتنهيدة عميقة/مش عارف يا ملاك كل حاجة بتيجي وراه بعضها كدة كل ما اقول خلاص هفوق ترجع مليون حاجة ترجعني تحت الصفر تاني
ملاك ضمت سليم ليها رغم صغر حجمها بالنسبة لسليم واني هي متجيش حاجة في عضلاته سليم فرح من عملت ملاك.. ملاك بعدتت عنه بعد فترة
ملاك/انا دايما معاك و مش هسيبك حتي لو انت طلبت ده مش هبعد ابدأ.. خليك واثق في ربنا وكل شي هيتحل بأذن الله
سليم ابتسم و قال
سليم /بأذن الله...انا هروح اشوف روز علشان عندنا شغل مهم الفترة الجاية وهي مش هتنفع تقعد كتير الا لو هي عايزة كدة
ملاك/تمام مفيش مشكلة
سليم ابتسم وخرج من الاوضة رايح اوضة روز
قبل ما يدخل سمع صوت عياط عرف اني روز ف تردد يدخل و بعدين قرر اني يدخل
خبط علي الباب مرة اتنين و هااا فتحت الباب وعنيها منتفخة و حمرا و أنفها احمر اثر العياط
سليم/روز مالك في اي
روز /مفيش دي حاجه دخلت في عيني
سليم/هحاول اصدقك ..المهم كنت عايز اتكلم معاكي
روز/ايوة اتفضل
سليم/انتي عايزة تشتغلي معايا ولا لأ
روز/اكيد عايزة اشتغل طبعا..بس كمان حضرتك عارف اني انا خايفة اطلع مروان أو بابا يشفوني بابا هيجوزني مروان غصب و مروان هيقتلني لو فكرت اهرب منه مش عارفه اعمل اي
سليم/روز طول ما انتي هنا في بيتي و معايا متخفيش والله انا مش بقول كدة علشان الشغل وانتي عارفه انتي اختي الصغيره وانا بخاف عليكي ف خليكي واثقة اني لو مروان فكر بس مجرد تفكير يأذيكي انا هدمروا وانتي عارفه هسيبك ترتاحي شوية تصبحي علي خير
روز/وحضرتك من أهله
سليم ابتسم لها و دخل الاوضة و اتصدم و .....
🎶🎶🎶🎶🎶🎶🎶🎶
عند علا
فونها رن برقم
شخص/اقسم بربي لو معرفتي هي فين لكون دفنك مكانك انتي فاهمه
علا بخوف /حاضر حاضر بس مش ليا مقابل ولا اي
الشخص/اعرفي مكانها الاول و ليكي خمس بواكي لو عرفتي و لو بقي معرفتش ف انتي عارفه اي اللي ممكن يحصل فيكي
بلعت ريقها برعب و خوف و كملت و قالت
علا/حاضر اديني بس يومين
شخص /يومين اي يا بنت الك....هو الصبح اعرف هي فين فاهمة ولا لأ سلام يا قطة
و قفل في وشها الفون
علا/يا نهار اسود هعمل اي انا دلوقتي ده ممكن يموتني انا لازم ارن علي الزفتة دي
ورنت علي شخص ما
علا/أقسم بالله لو معرفتي هي فين و قولتي دلوقتي لا اروح ل سليم و اقوله علي كل حاجة انتي فاهمة ولا لأ
البنت/حاضر هي هنا بس بالله ما تقولي لسليم بيه حاجة الله يباركلك والله هعمل كل اللي تقولي عليه بس بلاش سليم
طبعا سليم لو عرف هيموتها من غير تردد ازاي تخرج اسرار بيته لحد غريب او لحد زي علا دي
علا /ماشي خلاص لو طلعت أو راحت حتة قوليلي
البنت بدموع/حاضر والله بس بلاش سليم بيه
علا قفلت السكة من غير لما تتكلم.
علا مع نفسها
علا/أقسم بالله لأندمكوا علي اليوم اللي فكرتي بس تدخلي حياة سليم سليم مش لحد غيري اصبري بس وانتي يا روز والله ما هسيبك علشان انتي السبب ف ده
💛💛💛💛💛💛💛💛💛
عند مروان
شخص /مروان بيه ناصر الحلواني بيقول لحضرتك جهز نفسك ل التسليم باليل
مروان/قوله انا مش تحت مزاجه والمرة اللي فاتت عديت علشان عمل حادثة إنما المرة دي لا
خرج الشخص من عند مروان و مروان كان ماسك في أيده كاس راح كسره
مروان رن علي شخص
مروان/عملت اي
شخص /مفيش جديد محدش خرج من القصر
مروان/طيب عايز اخبار اول باول انت فاهم
وقفل السكة في وشه
💜💜💜💜💜💜💜💜💜💜
عند سليم
دخل الاوضة لقي ملاك واقعة علي الارض و بتعيط راح عندها وعدلها و شالها نيمها في السرير
سليم بخوف/ملاك مالك في اي
ملاك بعياط/انا تعبانة اوي و جنبي وجعني ينفع تجبلي علاجي من الدولاب
سليم/حاضر بس ده علاج اي
ملاك/الزايدة بسرعة اااااه
راح سليم و جاب ليها الدوا و ادهولها
سليم/ينفع اعرف مقولتيش ليه انك تعبانة
ملاك بتعب/مكنش في وقت مناسب وبعدين انا كويسة اهو
سليم/كويسة اي دي انتي كنتي بتموتي من شوية
ملاك بتعب /سليم الله يخليك انا عايزة انام وتعبانه
سليم هز رأسه بتفهم
و راح جنبها و غطاها كويس و اخدها ف حضنها بحنان ونام
🌹🌹🌹🌹🌹🌹🌹🌹🌹🌹
تاني يوم الصبح
علا /الو هي عند سليم ايوة عرفت امبارح و متأكدة
شخص/أقسم بالله لو روحت و مالقتهاش لأقول لسليم علي اللي عملتيه زمان لا و سليم لي كفاية ملاك لوحدها
علا بخوف/لا والله هي هناك ب..بس بلاش تقول لسليم أو ملاك حاجة وانا هعمل كل اللي تقولي عليه
الشخص ابتسم بشر وقفل السكة في وشها
علا اخدتت نفسها بالعافيه واتصلت بشخص
علا/اي يا بوظ الاخس هي طلعت ولا لسة
البنت/لسة بنحضر السفرة اهو ولو طلعت هقولك
علا /ماشي
وقفلت السكة في وشها
💙💙💙💙💙💙💙💙💙
عند سليم وملاك
ملاك صحيت و كانت بتبص علي سليم وهو بيسرح و بيحط برفيوم وابتسم لما لقاها متبعاه
سليم/اول مرة اعرف اني انا حلو كدة
ملاك ابتسمت بخجل
ملاك بخجل/صباح الخير
سليم/ صباح العسل و الشوكلاته و الفراولة عليكي يا جميل..عملتي اي دلوقتي جنبك لسة وجعك
ملاك بخجل/اي كل ده انت جعان ولا اي ..لا كويسة مفيش حاجة
سليم/هو حد يشوفك و ميجعش
ملاك/دي معكسة ياعيني ولا اي بظبط
سليم وهو خارج من الاوضة
سليم بغمزة/اللي تحسبيه يا قلب سليم
وخرج من الاوضة وهي فضلت متنحة بعدين قامت وفضلت تتنطت و تصوت
ملاك/قاااال قلب سليم يا نهار بجد مش قادرة
اي يا ملاك اتقلي كدة في اي مالك لا لا مش قادرة
ثم دخلت التواليت و خرجت بعد نص ساعة كانت لابسة دريس شتوي نبيتي مقسم جسمها النحيف و فاردة شعرها علي ضهرها و حطة ميكب اب هادي يناسب القاعدة
ونزلت
ملاك بابتسامة وهي تسحب كرسي جنب سليم
ملاك/صباح الخير
الجميع/صباح النور
عداً واحدة وهي تولين بصت ليها بطرف عينها وبصت في طبقها تاني
روز بخفوت/اي الجمال ده قمر يا روحي
ملاك/شكراً يا قمري انتي احلي
روز/اه خارجة انهاردة مع الاستاذ
وغمزت
ملاك اتكسفت
ملاك/بس بقي الله كُلي يلا
محمد/هتعمل اي يا سليم
سليم/في اي
محمد /مع اخوك
سليم ساب الشوكة بغضب و عصبية
سليم/حضرتك عايز اي مني انا مش هرجع تاج البيت هنا تاني خلاص
محمد بزعيق/ولد اتكلم عدل معايا انت مهما كبرت مش هتكبر عليا هتفضل صغير
تولين/خلاص يا محمد سيبه يعمل اللي هو عاوزه برحته انت مش كنت قولت انك هتسافر معايا عند مايا
سليم اتعصب اوي لما سمع الاسم
و محمد بص ليها بصه غضب علشان عارف سليم ممكن يعمل اي
سليم كان لسة هيكمل ولكن وقفه خبط علي الباب و رن الجرس بسرعه جات اسراء الخادمة بسرعة وفتحتت الباب ودخل شخص غريب مداري وشهه و جسم عريض بعضلات و رافع سلاحه ناحية. سليم و رجلته و الأسلحة مرفوعة عليهم
الكل وقف مصدوم من اللي شايفينه ازاي اي حد يدخل بيت سليم السعدني الشهير ب(الامبراطور)
سليم قام وقف قدام الشخص و طلع سلاحه من جنبه
سليم/اطلعوا فوق
ملاك و روز كانوا واقفين بيعيطوو و فعلا الكل طلع و لكن ملاك و روز طالعين لكن و قفه صوت الشخص ده
الشخص/رايحة فين يا حلوة انتي وهي انتو جايين معايا
سليم بغضب و هو قدام الشخص ده /مين دول اللي جايين معاك و بعدين انت ازاي تدخل بيتي كدة و فين الحمير اللي برة "الحراس"
الشخص بسخرية/ااه قصدك الحراس لا ما انا رجلتي عمله الواجب ..يلا يا مل
و قبل ما يكمل اسمها سليم كان مديله بوكس و قعه علي الارض و فضل يديله ف بوكسات و حراس الشخص ده رفعه عليه السلاح
و ملاك كانت واقفة بتعيط و روز وقفة جمبها مسكاها و عمالة تهدي فيها
سليم بغضب/روز خدي ملاك و اطلعي فوق يلا
الشخص / مش لما يعرفه انا مين الاول
رفع القناع من علي و شهه
و ملاك اول لما شافته اتصدمت و.....
🌹🌹🌹🌹🌹🌹🌹🌹🌹🌹🌹🌹
عند مروان
تاج/هنعمل اي دلوقت
مروان/اسمها هتعمل اي
تاج/نعم يعني اي
مروان/يعني انت هتروح بليل انت و واحد من رجلتي و......
قاله علي خطة
تاج/نعم انت اكيد في حاجة حصلت لعقلك
مروان بعصبية/تاج اتكلم عدل انت عارف انت بتكلم مين
تاج/انا تاج السعدني يا مروان
مروان/و انا مروان نصار ولا انت متعرفش مروان نصار لما بيقلب بيبقي مين ده انا حتة و "غمز"الشيطان
تاج بسخرية/اه منا عارف عن اذنك بقي اروح اجبلك مية نار تشربها
وسابهه و خرج
🌹🌹🌹🌹🌹🌹🌹🌹🌹🌹🌹
عند علا
علا /ماما انا رايحة انهاردة بليل بقي
مرڤت/انتي هبلة يا بت بقولك استني افرض هياخد اللي هو عايزاه و بعدين يرميها
علا /ما هو ده اللي انا عايزاه اصلا و انا هبقي السبب ف ده
مرڤت /طب قولي يا عين امك
علا بهمس /هعمل .......
وقالت الخطة
مرڤت بشر/ذكية زي امك ..بس بقولك بسرعة اصل انا زهقت من هنا وعايزة امشي بقي
علا/حاضر يا ست الكل استني عليا بس شهر و هتكوني برة مصر كلها
مرڤت/ماشي يا قلب امك
و خرجت مرڤت من اوضة علا
عايزين يخربه حياة شخص علشان حياتهم تستمر ..وهل حياتهم هتسمتر وهما بيخربوا حياة أشخاص تانين ده اللي هنعرفهه
🌹🌹🌹🌹🌹🌹🌹🌹🌹🌹🌹🌹
عند سليم
رفع الشخص ده القناع و كان بيضحك
جريت عليه ملاك و حضنته بقوة وهي بتعيط
سليم راح شد ملاك بقوة من حضنه و بص ليها بغضب
سليم وهو ماسكها من دراعها جامد/انتي هبلة ولا اي ازي تحضنيه كدة
و روز واقفة قريب منهم والغريب اللي حضنته ملاك مش روز معني كدة اني ملاك بس اللي تعرفه مش روز ده في معتقد سليم يعني
الشخص/اي يا استاذ مساكها كدة ليه ده انا حتي
وقبل ما يكمل كان سليم ماسكه من التيشيرت بتاعه وعمال يضرب فيه و كان بيزعق جامد
سليم بغضب/اطلعي فوق
و ملاك و روز طلعو فوق
الشخص /ياعم سبني حرام عليك ده انا حته
سليم بغضب /انت اي انت مين اصلا ازاي تدخل بيتي كدة مين سمحلك
الشخص بتعب/ياعم حرام عليك ده مفيش حتة سليمة في جسمي كنت مفكر انا بس اللي جسمي اوبا طلع في اعرض واطول مني سبحان الله
سليم/اخرك اي اخلص
الشخص بجدية/انا عصام ابقي خال روز و ملاك
سليم ضيق حواجبه
سليم/نعم ازاي يعني ليه ملاك جريت عليك و حضنتك كدة واشمعني روز متكلمتش افهم بس ازاي
عصام/يا عم هي دي الضيافة بدل ما تقولي اتفضل البيت بيتك تقولي ازاي ملاك حضنتك
و دخل عصام الرسيبشن و قعد علي الكنبة ومد رجله علي التربيزة الموجودة و ماسك الريموت و بيتفرج علي فيلم اكشن
سليم/اكلم عدل يلا انت مفكر نفسك مين وبعدين نزل رجلك من علي التربيزة
عصام،/الخدامين اللي ف البيت اسمهم اي علشان منساش بس
سليم/انت مالك ومال الشغلين اصلا يلا اطلع من هنا و مش عايز اشوف وشك
اتعدل عصام ف جلسته و اتكلم بجدية
عصام/سليم انا عايز اكلمك ف موضوع يخص ملاك
سليم قعد جنبه
سليم/هااا اخلص انا مش فاضي
عصام/انا عارف اللي عمله سعيد علشان كدة ملاك معاك بس انا عايز اقولك انك تحافظ عليها و تحميها اعتبرها بنتك مش مراتك بس اهم حاجة تعرف تحتويها ملاك و روز شافه كتير ف حياتهم انا بس عايزك تخلي بالك من ملاك ..ملاك طيبة و كويسة واي حد يعرف يضحك عليها بكلمتين و بتزعل بسرعة و ف نفس الوقت بتتصالح اسرع يعني أنا مش عايزك تخسرها
سليم/ملاك دي بقت شئ اساسي ف حياتي اصلا انا مستحيل اسيبها و مستحيل اعمل حاجة تزعلها مني متخفيش عليها دي ف عيوني
عصام/طب بقولك اي اطلع نديها علشان شكلها ميتة من العياط
سليم بص ليه بقرف و سابه و مشي
سليم طلع فوق فعلا لقي ملاك قاعدة علي السرير وضمه رجليه الاتنين عند صدرها ودفنه وشها في رجليها وبتعيط و روز قاعدة جمبها بتهدي فيها و لما دخل سليم خرجت روز
سليم راح و قعد جنب ملاك و ضمها ليه
سليم بهدوء/ملاكي انتي زعلانة مني
اول لما اتكلم رفعت راسها و ضمته اكتر ليها
ملاك بدموع/انت كويس انا كُنت همُوت من خوفي عليك
سليم/لا متخفيش انا كويس اهو وبعدين خالك.ده طلع مستفز و بارد
ملاك خرجت من أحضانه
ملاك/لا عصا
وقبل ما تكلم سليم قاطعها
سليم بغضب مدفون/بلاش تقولي اسم راجل تاني علي لسانك انتي فاهمه
ملاك/حاضر بس ده خالو يعني
سليم/حتي لو ابن اختك
ملاك حاولت منع نفسها من الضحك ولكن مقدرتش و ضحكت بقوة
سليم بص ليها باستغراب
ملاك قربت منه و مسكته من خدوودو
ملاك/انتي بتغيري يا قطة
سليم/ملاك بلاش استفزاز
ملاك/يعني انت بتغير عليا
سليم/ده سؤال اه يا هبلة بغير عليكي .. ويلا بقي مش هنفضل نرغي انزلي معايا لراجل اللي اسمه خالك ده و بلاش ضحك معاه و بلاش تقعدي جنبه و بلاش تسلمي عليه بأيدك أو تحضنيه
ملاك. بصدمة/دي خالي علي فكرة و بعدين ده غايب بقاله سنة
سليم مسك ملاك من هدومها من وراه زي حرامي الغسيل يا جماعه
ملاك/اي ده في حد بيعامل مراته كدة في اصلا انثي بتتعامل كدة
سليم/ملاك انا جبت اخري و شكلك اصلا ناسية معاد النهاردة ف انا هطلع و اسيبك وانتي اقعدي مع خالو (قالها بسخرية)وكان خارج من الاوضة
ملاك قامت و مسكت أيده تمنعه
ملاك بعبوس/يعني هتسبيني يا سولي يهون عليك
سليم /لا يا قلب سولي ميهنش بس يلا عايز اتخلص من الشخص ده بقي
ضحكت ملاك و نزلوا الاتنين لقوا روز قاعدة معاه و مش طايقين بعض
عصام/اهي جات حبيبة خالو مش زيك يا بومة
سليم/ما تخف يلا و احترم نفسك راعي اني جوزها و اقف
عصام/تعالي يا حبيبتي اقعدي جمبي
سليم شد ملاك من اديها و قعدها جمبه و ضمها وملاك كانت هتموت من الكسوف
عصام/اي مش هتيجي تسلمي عليا و بعدين راعوا اني سنجل يا خلق
ضحكت ملاك و روز و سليم بص لها
سليم/هي مش سلمت عليك برة ولا هي سيرة وبعدين انا ومراتي انت مالك عيل رزل
عصام/لا ده كان حضن ملحقتش اشبع انا خالها قبل ما تكون انت جوزها
ملاك و روز كتمو ضحكتهم
سليم/نعم يا اخويا ملحقتش اي انت متاكد انت خالها
عصام/خلاص علشان انا قلبي كبير مسامح .
رجع حط رجله علي التربيزة تاني
عصام/هو مفيش حاجة تتشرب في البيت ده ولا اي هو ده إكرام الضيف
دخلت الخادمة في الوقت ده و قالت باحترام
الخادمة/ملاك هانم في واحدة برة عايزة حضرتك
ملاك/واحدة مين دخليها
دخلت البنت
ملاك جريت عليها و حضنتها بقوة
شهد/اه يا زبالة يلي مش بتسألي
خرجت من حضنها
ملاك/واللهِ زي ما انتي شايفه كده انا بقالي شهر مشفتش ماما ولا بطلع من البيت اصلا
قعدو الاتنين
شهد/ رحت ليكي البيت و مامتك قالتلي انك اتجوزتي صراحة فكرت اني اتجوزتي الراجل الكبير
ضحكت ملاك عليها
ملاك/لا
وشاورت علي سليم
ملاك/سليم جوزي ..شهد صحبتي طبعاً دي روز و ده خالو الدكتور عصام جراحة القلب كان شغال في دبي و لسة راجع
عصام/اهلا وسهلا
شهد بخجل/اهلا بحضرتك
جات الخدامة و جايبة قهوة
شهد/سامحيني مش هقدر عايزة اروح لاني اتأخرت ..صح الامتحانات الشهر الجاي أوعي تغيبي يا ملاك دى آخر سنة انتي فاهمه
ملاك/ايوة انا لسة قايلة لسليم كدة
استأذنت شهد علشان تمشي وقفها عصام
عصام/و انا كمان مروح اي رأيك اخدك ف طريقي
شهد بتردد/لا شكراً انا هأخد اوبر
عصام/يعني هتأخدي اوبر وانا موجود خليها المرة الجاية
خرج عصام و شهد و روز طلعت اوضتها
سليم/ملاكي .
ملاك/هممم
سليم/مقلتيش ليه اني عندك خال زي عصام ده
ضحكت ملاك ,
ملاك/عادي مكنش في مناسبة علشان اقولك .. سليم ماما وحشتيني و عايزة اشوفها
سليم/حاضر هخليكي تروحي بكرة
ملاك بفرحة/بجد
سليم بابتسامة/بجد ..يلا بقي روحي حضري نفسك علشان نمشي
ملاك بحماس/ماشي
طلعت ملاك الاوضة ولقت فستان محطوط
أنت تقرأ
عشقت ملاكي / أميرة هاني
ChickLitرومانسية ، عشق، غيرة هي بدموع /بس انا معملتش حاجه والله يا بابا صدقني أنا معرفهوش حتي الاب بحدة/اسمعي انا مليش دعوة تعرفيه ولا لا الظاهر أنا غلطت لما سبتك تكملي تعليمك الام:طب اسمعها الاول يمكن يكون في حاجه غلط الاب/اسكتي خالص الكلام خُلص انا مش هس...
