عشقت ملاكي / أميرة هاني

البارت 12

عُشقت ملاكي 🧡
الكاتبة أميرة هاني 🧡
البارت الثاني عشر 💜

دخل سليم المخزن و كان شابين متكتفين الأيدي و الأرجل و شريط لاصق علي بقوهم
سليم/اي ده تاج باشا منور يا راجل مش كنت تقول انك جاي كنت عملت حسابي
و شال شريط لاصق من علي بوقه
تاج بهلث اثر قلة التنفس/عايز اي يا سليم
ضحك سليم ضحكة سخرية
سليم/انا اللي المفروض اسألك السؤال ده بس يلا مش مهم تتعوض
تاج بشر/كنت جاي علشان اخد حقي
سليم/تاخد حقك من روز
تاج/اااه اللي مطلوب مني بنفذه
سليم/وانت هتستفيد اي لما تخطف روز
تاج/هدمر ملاك علشان روز نقطة ضعفها وكمان علشان اوجعك عليها زي ما وجعتني
سليم/انا مكنتش اعرف انك زبالة كدة بس تعرف الزبالة اللي زيك بيتعمل فيهم اي
و شاور لواحد من رجلته ضرب تاج ب البوكس في وشهه
سليم/قولي مين اللي باعتك و عايز اي رد عليا
تاج بتعب /مروان بس تعرف انا مش هستسلم و هتشوف انا هعمل اي و الله لا ادمرك انت و هي و اوجعك عليها و اخيلك تموت ف اليوم ميت مرة عليها
سليم اتعصب و فضل يضرب ف تاج لحد لما احمد كان بيبعده عنه و لكن مفيش فايدة احمد بعد سليم عن تاج
احمد/خلاص يا سليم اهدي ده مهما كان اخوك الصغير
سليم بعصبية/مش اخويا لو اخويا مش هيعمل معايا كدة مش هيهددني انو يأذي مراتي
احمد/خلاص اهدي دلوقتي
سليم/المهم كنت جاي ليه
احمد/كنت جاي علشان كان في شوية ورق عايزين امضة علشان صفقة بكرة و بعدين سمعت صوت تكسير فوق
بااااااك
دخل احمد بعد لما الخدامة فتحت سمع صوت تكسير فوق طلع لقي الشخص ماسك روز و حاطط أيده علي بوقها و الايد التانية ماسك بيها السلاح
احمد/انت مين نزل سلاحك و سيبها
الشخص/ابعد بدل ما اذيك
نزلوا تحت و هما علي هذا الوضع الشخص رافع السلاح علي احمد و ايدو علي بوق روز و روز بتعيط فجأة رمي روز وهي متخدرةو اتخبتط في التربيزة الموجودة في الرسيبشن و احمد طلع يجري و رآه الشخص ده
عودة من الباااك
احمد/بس خرجت لقيت الرجالة و اخدهم علي المخزن و لما رجعت طلعت روز فوق و خرجت علشان اشوف في اي لاني كان في صوت زعيق تحت رجعت لقيتك جيت
سليم/بجد يا احمد شكرا علي اللي انت عملتوا بس متعرفش مين الشخص التاني
احمد/واحد من رجالة مروان
سليم/و مين اللي حاول يتهجم علي روز
احمد /تاج
سليم/تمام يا احمد يلا روح علشان الوقت اتأخر و شكرا مرة تانيه
احمد/عيب عليك يا عم ده انت اخويا يا سليم
خرج احمد من المخزن
سليم بأمر/عايزهم يتروقوا
خرج من المخزن علشان يروح يشوف ملاكه
دخل القصر لقي تولين
سليم/لسة قاعدة ليه مش مكفيكي اللي حصل
تولين/لا مش هشفي غليلي غير لما تتجوز مايا و تطلق السنيورة اللي فوق اللي هي اصلا مش من مستواك تقدر تقولي لو عندك حفلة هتقف معاها ازاي قدام صحابك طب لو جبت منها عيال اللي هو اصلا أن شاء الله مش هيحصل بس نفترض يعني لما يكبروا و صحابهم يعرفوا حقيقة امهم واني هي من حارة و اني كانت مع واحد قبل الجواز
سليم بغضب/ماما أنا ميهمنيش كل ده اهم حاجة هي و لو حضرتك بتعملي كدة علشان اتجوز مايا يبقي مش هيحصل و ملكيش دعوة ب ملاك انتي فاهمه
سابها و مشي و دخل الاوضة لقي ملاك نايمة بس مفتحة عينيها و ضمه نفسها زي الجنين و بتعيط
قرب منها و فضل يملس علي شعرها بحنان
سليم بهدوء/ملاكي ..ملاك
ملاك اتعدلت و وشها كان ف وش سليم
ملاك/نعم
سليم/ممكن اعرف بتعيطي لي
ملاك بعياط/علشان سمعت كلام مامتك تحت
سليم/و هو انتي بتتصنتي ولا اي
ملاك ببراء/لا والله انا كنت نازلة علشان اجيب ماية وسمعت الكلام غصب عني انا اسفة
سليم /ولا يهمك يا حبيبتي بس متحصلش تاني
ملاك/ حاضر بس هي مين مايا دي
سليم بتنهيدة/دي بنت خالتي
ملاك/طب وعايزة منك اي
سليم بغضب مكتوم/ملاك انا عندي شغل مهم بكرة
ملاك/طيب
سليم دخل اخد شاور و طلع و كان عاري الصدر و عضلات بطنه السداسية ظاهرة و عضلات جسمه باينة و كان لافف فوطة علي نصه اللي تحت
ملاك بصت ف الأرض و سليم ضحك عليها
سليم/بتتكسفي يا بطة
ملاك بخجل/سليم عيب كدة روح البس حاجة الله راعي اني في بنت معاك ف الاوضة
سليم بضحكة رجولية خطفت قلبها
سليم/ضحكتيني يا هبلة انا جوزك يعني يحق لي اعمل اي حاجه
ملاك بخجل/طيب روح البس بعدين نتكلم
دخل سليم الأوضة ولبس سويت بانص اسود و تشريت ابيض شتوي ..حط عطره الرجولي اللي بيخطف الأنفاس
قرب من السرير وقعد جنبها
سليم/قوليلي نام علي الكنبة بقي
ملاك/اخخخخخ رخم
سليم /اي سمعيني كدة تاني
ملاك بخوف/هاا لا ابدا مقولتش حاجة
سليم/قولتي اي
ملاك بخفوت/رخم
سليم قرب منها وبقي قدام وشها وأنفسهم مختلطة
سليم/استحملي عقابك
ملاك خافت و غمضت عيونها واتصدمت لما لقت سليم بيبوسها
فتحت عينها و زقت سليم علشان مكنتش قادرة تتنفس
ملاك بخجل/اي قلة الأدب دي
سليم/يعني قصدك انا قليل الادب
ملاك ببراء/ااه
سليم قرب منها و.....
💙💙💙💙💙💙💙💙💙💙💙
عند فاتن وفرحة
‏جم جاسر و عابد ومعاهم بنت في أواخر العشرينات وهادية و عيونها زرقة لون الماية و بيضة و شعرها بني و طويل.
‏البنت بخوف/انتو عايزين مني اي
‏فاتن بسخرية/هتعرفي يا روح ماما
‏عابد/جاسر احجز علي أول طيارة نازلة مصر
‏جاسر/حاضر يا بابا
‏فاتن/اسمعي بقي هتعملي اي انتي هتنزلي مصر بكرة و تروحي عند سليم
‏وقالت لها علي الخطة
‏البنت بدموع/حرام عليكوا ليه بتعملوا كدة ليه مش كفاية اللي حصلي منكم
‏دخلت واحدة ست عليهم باين عليها طيبة و بتحب البنت دي
‏فتحية مرات عابد/اهدي يا بنتي متخفيش وانتي يا فاتن يا ختي مش بتخافي من ربنا ده انتي حتي معاكي بنت
‏فاتن/لأ يا حبيبتي انا بعمل كدة علي اخد حقي
‏واكملت بشر اللي اتحرمت منه سنين
‏فتحية/ده مهما كان اخواكي يا فاتن سامحي و قربي من ربنا علشان ينورلك طريقك و صدقيني ده شيطان و بعدين هتندمي بعد اللي هيحصل
‏فاتن بغضب/انتي جاية تديني دروس ولا اي انا عارفه انا بعمل اي كويس فوقي يا فتحية اخويا جايبك منين
‏عابد بزعيق/خلصنا  بقي كفاية انا تعبت انا مستحيل اعمل كدة يا فاتن و اذا كان علي حقي انا مش عاوزه عايزاني اشارك ف قتل اخويا دي جريمة يا فاتن انتي فعلا عينك واسعة زي ما بابا الله يرحمه كان بيقول منك لله يا فاتن انا ماشي يلا يا فتحية
‏واخد فتحية بعد لما حضنت البنت و سلمت عليها و اخدت جاسر ابنها و مشيت تحت حزنها و حزن عابد علي البنت اللي شافت العذاب الوان منه و من فاتن
‏في فيلا عابد
‏فتحية/اهدي يا عابد امال اكيد محمد لو عرف الحقيقة هيسامحك
‏عابد/لا يا فتحية عمره عمره ما هيسمحني بعد اللي حصل
‏فتحية/عموما البنت نازلة مصر بكرة روح انت معاه و اهو يمكن تتراجع عن اللي هي رايحه علشانه
‏عابد بحزن/فاتن دي شيطانة علي وش الأرض
انا خايف البت متترجعش و تخاف من فاتن و اللي هي قالتهولها
فتحية بحزن/لا حول ولا قوه الا بالله البت غلبانة و مش هقدر تعمل كدة انا عارفة دي بنتي انا اللي مربيها ازاي تعمل كدة و هي عارفة ربنا و عقوبته لها اطمن و استهدي بالله
عابد/لا اله الا الله
فتحية /لميس يا لميس
الخدامة لميس/تحت امرك يا هانم
فتحية /الأمر لله وحده روحي نادي جاسر من فوق و حضري العشا
لميس/حاضر يا هانم عن اذن حضرتك
مشيت لميس
فتحية/انا هطلع اغير هدومي يا عابد و هكلم البنت اشوف ناوية علي اي
عابد/اطلعي يا حبيبتي
طلعت فتحية علشان تغير هدومها
🦋🦋🦋🦋🦋🦋🦋🦋🦋🦋🦋🦋
عند علا
علا دخلت علي امها
علا بهمس /ماما يا ماما
مرڤت/اي يا روح امك
علا/خلاص انا رايحة القصر بكرة
مرڤت بسخرية/و انتي مين قالك بقي
علا بتكبر/سليم بيه كلمني و قالي اني الشغالة مشيت علشان امها تعبانة وهو عايزة واحدة مكانها و بعدين انا كنت مكلمة روز بس انتي عارفاها طول عمرها أنانية و مش بتحب غير نفسها
مرفت/طيب لما نشوف اخرتها يا بت بطني
و خرجت و سابتها
🐣🐣🐣🐣🐣🐣🐣🐣🐣🐣🐣
عند روز بليل فاقت و كانت حاسة بتعب ودوخة ف دماغها مسكت الفون و لقت الساعة 3 الفجر استغربت أنها نامت كل ده
مسكت الفون و بعتت مستدج ل ملاك أنها تيجي لأنها تعبانة
عند ملاك كانت هي و سليم بيجرو حولين السرير
ملاك بضحك/خلاص انا اسفة مش هيحصل تاني
سليم/اللي مش هيحصل تاني
ملاك/مش هغلط تاني تعالي نعمل صُلح بقي
سليم بضحك/لما تتعقبي الاول يلا تعالي هنا
ملاك بزعل مصطنع/يهون عليك يا سولي
سليم/اهو علشان سولي دي هتتعقبي يلا تعالي هنا
ملاك خافت لأنه كان بيكلم جد و راحت عنده و دموعها ف عيونها
ملاك بخنق/اي هتعمل اي
سليم قرب منها و مساكها من ودانها و فضل يهز فيها
سليم بطصنع الحدة/اول و اخر مرة تغلطي فيا انتي فاهمه
ملاك بدموع/حاضر مش هيحصل ابعد عني بقي
سليم بعد و كان علي عينه انو يبعد كان عايز يخدها ف حضنه ولكن تراجع لأنها لازم تعرف حدودها معاه
ملاك قعدت علي السرير و مسكت الفون تشوف المسدج و لقت روز باعتة مسحت دموعها
ملاك/سليم انا خارجة
سليم/رايحة فين أن شاء الله
ملاك بسخرية/متخفش مش ههرب انا رايحة ل روز لأنها فاقت و عايزاني
و قبل ما يتكلم كانت خرجت من الاوضة
خبطت علي اوضة روز و دخلت
ملاك بابتسامة/اي يا قلبي عاملة اي دلوقتي
روز بتعب/الحمد لله احسن بس هو اي اللي حصل
ملاك اخدت روز ف حضنها و عيطت
روز وهي بتملس علي شعرها بحنان و خوف
روز/مالك يا عمري في اي سليم عملك حاجة
ملاك بدموع/لا يا روز انا كنت خايفة عليكي و كويس انك بخير
روز /هحاول اني اصدقك
ملاك بعدت عنها و مسحت دموعها زي الاطفال
ملاك بفرحة /رايحة ل ماما بكرة هتيجي معايا
روز/مش عارفه و الله انتي عارفه بابا ممكن يعمل اي
ملاك/سليم جاي معايا ..عرفتي اللي حصل
روز/طيب لو بقيت كويسة هاجي اللي حصل
ملاك بهمس/علا جاية القصر بكرة
روز/طب ده كويس اوي بس انتي عرفتي منين
ملاك/سمعت سليم و هو بيكلمها كنت خارجة من الحمام و سمعته
روز/طيب انا عرفت حاجة
ملاك/اي
روز/علا هي اللي نزلت الصور بتاعتك انتي و مروان
ملاك/اي الجديد يعني بس عرفتي منين برضو
روز/انا رحت لواحد بيعرف ف الهكر و السوشيال الميديا و طلع من اكونت علا بس القديم و احنا معرفناش حاجة زي كدة لاني الاكونت كان مجهول
ملاك بوعيد/و ربي لخليها تمسح السلالم بدموعها
روز/و هو ده اللي انا عايزاه اهم حاجة نرقبها صح
ملاك /حاضر يلا تصبحي علي خير هروح اشوف سليم و انام
روز/وانتي من اهله يا حبيبتي بس بلاش تقولي ل سليم و كانك متعرفيش حاجه
ملاك و هي خارجة /حاضر باي
خرجت ملاك من الاوضة و دخلت اوضتها لقت سليم ف البلكونة و سرحان قربت منه بهدوء واتكلمت
ملاك بهدوء/اللي مصحيك لحد دلوقتي مش عندك شغل مهم بكرة
سليم/اه بس استنيتك روز عاملة اي
ملاك /كويسة ..تصبح على خير
وسابته واقف و دخلت نامت علي السرير و غمضت عيونها
سليم دخل و قفل البلكونة و نام جمبها و اخدها ف حضنه بعد محولات أنها تبعد عنه
سليم /متحوليش
ملاك بخنق/مش عارفه انام و ابعد بقي
سليم/لسة زعلانة يا روحي
ملاك لفت و بصت ف وشه و كانت قريبة منه جدا
ملاك بدموع/ايوة زعلانة و مش عايزة اكلمك بقي انت وحش يا سليم
سليم/وحش و مش عايزة تكلميني اممم ليه بقي
ملاك بدموع/علشان شديت ودني جامد و جعتني
سليم مسح دموعها بحنان
سليم/خلاص يا روحي انا اسف بس انتي لسانك طول
ملاك زقته ف كتفه
ملاك/اوعي كدة انت اخدت عليا اوي علي فكرة
سليم بصدمة/اخدت عليكي اوي انتي هبلة يا بت
ملاك/انا هبلة ماشي اوعي بقي و سيب الهبلة تنام
سليم/يعني صافي يا لبن
ملاك/و المقابل
سليم/اللي تطلبيه يا روحي
ملاك بتفكير/اممم شوكولاته
سليم فتح الدرج اللي جمبه و طلع منه شوكولاته كبيرة
سليم بحب/احلي شوكولاته لأحلي ملاكي
ملاك بفرحة/بجد شكراً جدا بس أنت حاطتهاا ف الدرج ليه
سليم/اصل انا كدة كدة كنت جايبهالك و لما زعلتي  طلعتها
ملاك/مممم طيب اطفي النور بقي يا لوطفي
سليم بصدمة/يانهار مش فايت انتي بتجيبي الكلام ده منين
ملاك/سليم انا فاصلة بجد و عايزة انام يلا بقي
سليم طفي النور و اخدها ف حضنه و ملس علي شعرها بحنان ونام
💜💜💜💜💜💜💜💜💜💜💜
صباح يوم جديد في بيت السعيد
سعيد/انتي يا ولية قومي حضري لي الفطار يلا
قامت وفاء مفزوعة
وفاء/حاضر حاضر قايمة اهو
قامت وفاء تحضر الفطار و سعيد خرج و قعد علي السفرة و علا و مرفت كانوا قاعدين معاه
خرجت وفاء من المطبخ و معاها الاكل
وفاء/قومي يا علا معلش هاتي الاطباق اللي جوة عقبال ما اجيب العيش من جوة
سعيد مسك الطبق من علي الصينية و قبه في وش وفاء
و فاء بتعيط بحرقة /منك لله يا سعيد حسبي الله ونعم الوكيل فيك
مرفت اتكلمت
مرفت/شايف يا سعيد بتكلمك ازاي
سعيد قام وقف و قلب السفرة بالاكل علي مرفت و فاء و علا و مسك علا من هدومها
سعيد بجنون/هاتي الفلوس اللي معاكي
علا بخوف/حاضر حاضر هدخل اجيبها من جوة
سعيد سابها و هي دخلت تجيب الفلوس
مرفت كانت قاعدة مصدومة من اللي حصل طول عمره بيعاملها كويس و بيسمع كلامها اللي غيره
خرجت علا من الاوضة
علا بخوف/دول 1000جنيه مش معايا غيرهم و كمان لسة انا هروح القصر انهاردة
سعيد اخد منها الفلوس و زقها علي الارض
سعيد/مليش دعوه غوري ف داهية انا اهم حاجة الفلوس انتي فاهمه ولا لا
علا بدموع/حاضر حاضر انا هلبس وامشي دلوقتي
دخلت علا الاوضة وهي بتعيط و سعيد مشي بعد لما تف علي وفاء و مرفت
مرفت/انتي اللي عملتي كل ده يا وفاء انا مش هسمحلك تخليني انا و بنتي زيك و زي بناتك
وسابتها و دخلت الاوضة
🦋🦋🦋🦋🦋🦋🦋🦋🦋🦋🦋
عند ملاك و سليم
صحيت ملاك لقت سليم لسة نايم جمبها
ملاك بهدوء/سليم يا بابا قوم يلا .. سليم
سليم/هممم خمسة يا ملاك حاضر
ملاك/يلا علشان الشركة انت عندك معاد النهاردة
سليم قام و نط من علي السرير و فضل يلف حولين نفسه و ملاك تضحك
سليم بغضب و هو رافع ساببته/ده وقت ضحك كله بسببك اصلا لو كنتي نمتي بدري مكنش ده حصل
ملاك/ننعم يا بابا مين ده اللي كان نام بدري ده انا اللي كنت بتحايل عليك تنام روح روح البس خلص 😂
دخل سليم اخد شاور و هي رتبت الاوضة علشان بترفض حد يدخل الاوضة من ساعة لما فرحة اتهمتها بالدهب طلع سليم و لبس و بص لها بغيظ
ملاك قربت منه
ملاك/احم احم سولي.. حبيبي
سليم/انتي قولتي اي
ملاك بخجل/سولي
سليم/اللي بعدها
ملاك بخجل/حبيبي
سليم/لا بجد
ملاك بخجل/خلاص يا سليم بقي هعيط
اخدها ف حضنه
سليم/عايزة اي
ملاك/هتخدني معاك
سليم/ايوة طبعاً
و باس مقدمه راسها وبعد عنها
سليم/البسي و خلصي و انا هستناكي تحت
ملاك/حاضر
سليم نزل و ملاك دخلت التواليت
سليم/صباح الخير
محمد. تولين .روز/صباح النور
تولين/امال فين العروسة يا سليم
محمد و روز استغربوا من طريقة تولين
سليم ببرود/نازلة متخفيش
محمد/عامل اي معاها يا سليم
سليم/كويس يا بابا
محمد/طب الحمدالله أنها عرفت تفهمك
سليم بابتسامة/الحمد لله
سليم/عاملة اي يا روز دلوقتي
روز/الحمد لله بخير
سليم/انتي لازم تشكري اللي لحقك بقي
روز/اكيد بس لو اعرف مين
سليم/هتعرفي ..
نزلت ملاك و كانت لبسة دريس شتوي اسود ساق  و سايبة شعرها البني الطويل علي ضهرها و لبسة هيلز ابيض و شنطة بيضة
ملاك/صباح الخير
الجميع/صباح النور
ملاك قعدت جمب سليم و ابتدت تاكل
بعد فترة سامعوا صوت زعيق برة  كلهم خرجوا و الصدمة كانت.....
🙊🙊🙊🙊🙊🙊🙊🙊🙊🙊🙊
عند مروان
مروان بغضب/انت بتقول اي يعني اي
الشخص/هو ده اللي حصل و هما دلوقتي ف المخزن عنده
مروان بعصبية/لا سليم زودها اوي و يا انا يا هو ابعت حد دلوقتي علي مصانع السعدني و انا هقولك تعمل اي
الشخص/أوامرك يا باشا
🙊🙊🙊🙊🙊🙊🙊🙊🙊🙊🙊
في أمريكيا و تحديدا في بيت مرفت
مرفت بحدة/اسمعي اللي انا قولتلك عليه الجهاز ده هيبقي معاكي اول ما هتم العملية هيجيلي نور ف الجهاز اللي هنا و لو شميت خبر اني اللي قولت عليه محصلش يبقي قولي علي نفسك يا رحمن يا رحيم
البنت بعياط/حاضر حاضر هرروح و هعمل كل اللي بتقولي عليه بس بلاش تاذيه بالله عليكي
فرحة /مامي الطيارة وصلت و السواق برة
فاتن/يلا مع السواق
خرجت البنت و هي بتعيط و السواق اخدها و راح المطار
🦋🦋🦋🦋🦋🦋🦋🦋🦋🦋
عند سليم
خرج يشوف اللي بيزعق برة بالشكل ده
سليم للحراس/في اي اللي بيحصل هنا ده
الحارس/الاستاذ عايز يدخل و محمد بيه قايل لو جيه تاني محدش يدخله
الحراس كانوا ماسكين سعيد و هو بيحاول يهرب منهم بس مفيش قوة عنده
خرجوا كلهم
سعيد /روز انا عايزة روز تعالي
سليم/مفيش بنات عندنا انت عايزاها علشان تجاوزها غصب عنها لا مش هيحصل روز و ملاك محدش هيخرج منهم من هنا
سعيد/روز متجوزة مروان و كتب كتابها مكتوب
دخل شخص ف اللحظة دي و قال
..../ازاي مكتوب كتابها وهي مراتي
روز بصدمة/ازاي انا معرفهوش و ازاي اصلا مروان كتب كاتبه عليا انا تعبت و مش فاهمه حاجة
سعيد/انت جوزها انت ازاي تجوزها من غير لما تجيلي انا عايز نص مليون جنيه و خدها والا هخدها معايا و مروان يخدها و يدفع
ملاك و روز كانوا باصين بصدمة و دموعهم نازلة بصمت
روز كانت بتعيط علي حالها اني مش زي اي بنت هتتشرط و تقول اتجوز مين و متجوزش مين وأنها سلعة رخيصة ده بيبع و ده بيشتري
..../وانا موافق ادفع يلا
طلع الشخص دفتر الشيكات و كتب نص مليون جنيه واده لسعيد
.../ده شيك مشفش وشك تاني و ملكش دعوه بروز خالص اتفضل
مشي سعيد و اخد الشيك
سليم/ادخلوا يلا
‏دخلوا و روز طلعت اوضتها و ملاك معاها
‏في اوضة روز
‏روز بدموع/شايفة اللي بيحصل هو ده اللي كنت خايفة منه و اهو هتجوز واحد معرفهوش و مشفتهوش  مرتين علي بعض
‏ملاك/ده نصيب يا حبيبتي و لازم نرضي بيه و بعدين انا كنت زيك و كنت كارها حياتي بس سليم عوضني عن كل ده و أن شاء الله ده يكون زوج صالح ليكي و يفهمك و يحافظ عليكي
‏روز/يا رب
‏ملاك /طب خلاص بلاش حزن بقي يا نكدية و البسي علشان تيجي معايا عند ماما
‏روز/حاضر يا ملوكة انزلي بقي علشان سليم
‏نزلت ملاك و روز بتلبس 
‏ملاك بابتسامة/ازيك يا احمد شكرا علي اللي عملته مع روز
‏احمد بابتسامة/الحمد لله يا مدام انا معملتش حاجة ده وجبي
‏سليم بغضب/مش خلاص بقي
‏ملاك اتحرجت
‏ملاك /عن اذنك يا احمد
‏احمد/اتفضلي
‏خرجت ملاك و نزلت روز
‏سليم/روز تعالي ثواني
‏روز/اي يا سليم في اي
‏سليم/ ده احمد صاحبي و اخويا كمان ده اللي انقذك
‏روز/اهلا وسهلا بحضرتك شكرا علي حضرتك عملته معايا انا بجد مش عارفه اقولك اي
‏احمد/اهدي اهدي ولا اي حاجه انا معملتش حاجة ده من وجبي
‏روز/عن اذنك
‏خرجت و احمد و سليم خرجوا
‏سليم بغضب /واقفة كدة ليا
‏ملاك/العربية مقفولة هركب ازاي
‏سليم فتح العربية و ملاك ركبت قدام جنب سليم و روز ركبت وراه
‏سليم بعصبية/ممكن اعرف اللي عملتيه جوة ده
‏ملاك ببراء/عملت اي مش فاهمه
‏سليم/سلمتي على احمد ليه ازيك يا احمد شكرا علي اللي عملته مع روز "وقلد صوتها بطريقة وحشة"
‏ملاك بعصبية/أنا مش بتكلم كدة علي فكرة
‏روز كانت بتضحك على طريقة كلامهم
‏ملاك بعصبية/انتي بتضحكي علي اي انتي هبلة
‏روز بضحك/انا اسفة مكنش قصدي بس انتو شكلكم يضحك اعمل اي يعني
‏سليم/خلصنا وانتي حسابك معايا لما نروح لينا اوضة تلمنا
‏اتحرك بالعربية و ملاك كانت متعصبة جدا بسبب ضحك روز عليها و عصبية سليم
‏🦋🦋🦋🦋🦋🦋🦋🦋🦋🦋🦋🦋
‏عند مروان
‏شخص/احنا بعتنا رجالة يا باشا و بيأمنوا المخازن دلوقتي لأني في طلبية من شركة سليم طالعة بكرة
‏مروان/ماشي ابعت حد يراقب شركات سليم و المخازن و يشوفو الطلبيه خارجة امتي و فين والساعة كام
‏الشخص/تحت امرك يا فندم
‏خرج الشخص من عند مروان
‏🦋🦋🦋🦋🦋🦋🦋🦋🦋🦋🦋🦋
‏في مكان تاني
خرجت الطيارة علي مصر نزلت منها البنت و هي بتعيط و كانت تايهه فونها رن و كان المتصل فاتن
فاتن/وصلتي
البنت بعياط/ااه يا هانم وصلت لسة نازلة من الطيارة
فاتن/طيب اوعي تنسي الجهاز اي حركة كدة ولأ كدة هيجيلي انذار
البنت/حاضر ماشي متخفيش
قفلت فاتن السكة ف وشها
🦋🦋🦋🦋🦋🦋🦋🦋🦋🦋🦋
عند عابد
فتحية/البنت وصلت يا عابد و فاتن كلمتها و البنت ياحبة عيني هتموت من العياط
عابد بحزن/انا خايف والله يا فتحية يعني البنت بقالها 12سنة بعيدة عن مصر و في يوم وليلة تنزل مصر ولوحدها
فتحية/هنقول اي بقي حسبي الله ونعم الوكيل ف فاتن معاها زيها و ربنا يهديها
عابد بحزن/يا رب انا هطلع اريح ..امال صحيح جاسر فين
فتحية/راح الشركة علشان يخلص شوية حاجات وقالي مش هيتأخر
عابد/لما يجي خليه يجيلي علي المكتب
فتحية/ماشي
🦋🦋🦋🦋🦋🦋🦋🦋🦋🦋🦋
دخلت عربية سليم الحارة و الستات والرجالة بتوع الحارة بيتكلمه
ست/شايفة ياختي عيال وفاء دول طول عمرهم مش بيوقعم غير وهما واقفين
ست/ايوة طول عمرهم زي امهم و ادي اهو اتجوزت واحد اي بيقولوا واصل و لي كلمه بتمشي اجدع رجالة البلد كلها
الست/ااه بكرة يرميها اصل اللي زي دول بياخدو اللي هما عايزينه و بعدين يرميها
نزلت ملاك من العربية و روز و سليم
ست/ازيك يا ملاك عاملة اي
ملاك بهدوء/الحمد لله يا ام سماح اخبارك انتي اي
ام سماح/بخير يا حبيبتي مبروك علي الجواز
ملاك بابتسامة/الله يبارك فيكي..عن اذنك
مشيت ملاك هي و روز و سليم طالعوا
خبطت علي الباب بتوتر
فتحت ليها مرڤت
مرڤت/براحة يلي علي الباب ياساتر
مرڤت بشهقة/اي ده ملاك و شك ولا وش القمر
ملاك زقت مرڤت و دخلت و وراها روز
ملاك بقلق/ماما يا ماما انتي فين
خرجت وفاء من المطبخ
وفاء بدموع/بنتي حبيبتي تعالي يا عمري
راحت ملاك و رنت نفسها ف حضنها و عيطت
ملاك/وحشتيني اوي بجد
وفاء /وانتي ااه يا كلبة تتجوزي و تنسي امك
ملاك/انا مقدرش انساكي يا ست الكل ..احيه سليم واقف برة
وفاء/دخليه
ملاك بعدت عن وفاء و راحت علشان تنده سليم
روز/عاملة اي يا حبيبتي دلوقتي
وفاء /الحمد لله بخير..تعالي نقعد ف الصالون
دخلو و ملاك و سليم جم و سليم سلم على وفاء و هي رحبت بيه جدا بعد فترة من الكلام و الهزار
سليم قام وقف و اتكلم
سليم/طب يا جماعه عن اذنكوا همشي انا علشان عندي شغل
وفاء/طيب يا حبيبي هستناك علي الغدا اوعي متجيش
سليم بابتسامة/اكيد طبعا..ملاك عايزة حاجة انا ماشي لو في اي حاجه كلميني
ملاك بابتسامة/لا شكراً خلي بالك من نفسك
سليم/تمام
خرج سليم و ملاك اتكلمت
ملاك/فين علا السنيورة
وفاء/جوة اصل ابوكي ضربها واخد منها فلوس
ملاك/دي كانت جاية القصر عندنا شكلها مش جاية و رجعت ف كلامها
وفاء/لأ مرجعتش ولا حاجه دي رايحة بس مش عارفه اتأخرت لي
روز/ماما شوفتي اللي حصل بابا جيه القصر
و حكت كل حاجة لما سعيد راح القصر واحمد دفع الفلوس
وفاء/يا نهار ازاي انا لازم ابلغ مصحة تيجي تاخد
خرجت مرڤت واللي هي كانت بتتصنت عليهم
مرڤت /انتي بتقولي يا يا وفاء عايزة تدخلي سعيد مصحة هي دي اخرت العشرة بعد لما لمك من الشوارع
وفاء بصدمة/انتي بتتصنتي علينا يا مرڤت اااه هدخل سعيد مصحة انا خلاص تعبت انا ست عند 56سنة بقالي 35سنة عايشة ف عذاب و مرار و طالع عيني معاه و كان بيشغلي ف البيوت ده مفيش شغلانة مشتغلتهاش "نزلت دموعها بقهر"
مرڤت/انتي اللي عملتي كدة ف نفسك يا وفاء انتي ..انتي طول عمرك شخصية ضعيفة و ملكيش حس و لا ليكي حد كبير يقف ليكي
ملاك/خلاص بقي ارحمي نفسك يا شيخة اي انتي شيطانة بجد انتي مستحيل تكوني إنسانة انتي وبنتك مفيش ف قلوبكو رحمة ده بدل ما تقولي ليها ااه ماشي ندخله مصحة و نعلجو تقوليها انتي اللي عاملة كدة ف نفسك اي بقي
مرڤت اتأثرت بكلام ملاك وحست قد اي هي تعبت و هي معاها حق انو سعيد يتعالج من الادمان
مرڤت /انا عملت كدة من حرقة قلبي علي ابني اللي مات وانا لسة مشفتهوش كنت زي ام مستنية تشوف ابنها بلهفة وشوق انا كان بقالي عشر سنين مبخلفش "كملت بدموع"عارفة يعني اي عشر سنين مستنية اللحظة دي و قال اي بعد ده كله امك تطلع السبب و تسقطني "كملت بحرقة"ليه كدة حرام
وفاء/لأ يا مرڤت مش صح انتي وانتي نازلة من علي السلم اتكعبلتي و وقعتي انا اللي لحقتك ورحت بيكي المستشفى دي انتي طول عمرك صحبتي و مكناش بنسيب بعض تصدقي اني ممكن اعمل كدة
مرڤت/ااه يا وفاء اصدق و صدقيني مش هرحمك و لازم اوجع قلبك علي حد من بناتك و كدة اكون فشيت غليلي منك وانا بشوفك بتموتي عليها
مسحت دموعها بشر و دخلت الاوضة و قفلت الباب
قعدت وفاء بتعب علي الكرسي و فضلت تعيط
ملاك بدموع/خلاص يا ماما علشان خاطري
وفاء/انا كويسة يا حبيبتي متخفش و بعدين دي مش هتعرف تعمل معايا حاجة
"كملت بمرح "يلا يلا وراية علي المطبخ هعملك أكلة انتي بتحبيها اوي
ملاك مسحت دموعها

#رواية_عشقت ملاكي
الكاتبة__اميرة هاني
ملاك/اي هي بقي
وفاء/حووشي
ملاك بفرحة/بجد ربنا يخليكي ليا يا ست الكل
دخل روز
روز/اي وانا مليش مكان
ضحكت وفاء واخدت روز و ملاك ف حضنها
🦋🦋🦋🦋🦋🦋🦋🦋🦋🦋
في شركة السعدني
دخل بيهبته المعتادة و كبرياءه و العيون كلها عليه منها اعجاب و منها حقد
دخلت و رآه السكرتيرة مساعده روز
سمر بخوف/مستر سليم في ميتنچ بعد ربع ساعة و الاوراق دي عايزة امضة حضرتك اوارق طلبية "محمود الصاوي"
سليم ببرود /تمام يا سمر اطلعي انتي دلوقتي
سابت الاوراق علي المكتب بخوف و توتر وخرجت
🦋🦋🦋🦋🦋🦋🦋🦋🦋🦋🦋
بعد فترة دخل الاجتماع
سليم بهدوء/السلام عليكم
الجميع/و عليكم السلام مستر سليم
سليم سلم علي الوفد و بدء يمضي علي الورق و يعرف الطلبية قد اي.
محمود/تمام اوي معنديش اي مشكلة بس اهم حاجة الطلبية تكون ف معادها حضرتك عارف المستشفيات الخارجية بتكون محتاجه أدوية قد اي
سليم بثقة/متقلقش يا فندم كله ف معاده أن شاء الله هيكون علي يوم الاربعاء
بص ل عمرو اللي قاعد جنبه و عمرو هز رأسه بنعم
سليم و عمرو و احمد و مالك سلمو علي الوفد و خارجوا
عمرو/لا بس جامد يا سولي
سليم بغضب/احنا ف الشركة يا عمرو و انت عارف انا بكره الاسم ده ازاي بلاش دلع ف الشغل
عمرو خاف و مالك و احمد بيضحكوا علي عمرو
دخل كل واحد مكتبه يبدء عمله
🦋🦋🦋🦋🦋🦋🦋🦋🦋
في مكان تاني نزلت من العربية وهي خايفة و متوترة و العرق يصب علي جبينها
دخلت الشركة و عيون الموظفين عليها
الامن/يا آنسة ممكن اعرف رايحة فين
البنت  بخوف/انا ابقي ....
هنعرف اللي جاي في البارت الجاي 🌚🦋
ياتري البنت دي مين واي حكايتها؟؟؟
ياتري علا هتروح القصر وهتعمل اي ؟؟؟
يا تري تولين ناوية علي اي ؟؟.
توقعاتكم في الكومنتات❤️