اذكرو الله
___________
صلو على رسول الله
____________
في الصباح تسللت آشعة الشمس الي وجه بطلتنا فاستيقذت سريعا حتي تذهب الي الجامعه خرجت من غرفتها فوجدت المنزل خالي ككل يوم فما اصعب الوحده ارتدت ملابس الصلاه وادت فرضها من ثم ارتدت ملابسها وذهبت الي الجامعه
مر الوقت دون ان تشعر وها هي امام منزلها عائده من يوم شاق كانت تتمني ان تجد والدتها فتضمها لتذزهب تعب اليوم او والدها فتحكي له عن يومها لاكن لا شيئ كل هذا سراب دخلت غرفتها واتجهت الي المرحاض لتأخذ شاور يخرج كل حزنها مع المياه من ثم خرجت وادت فرضها وهي تناجي ربها ان يبعد عنها الوحده والاذي
ومائن وضعت رئسها علي السرير سمعت اصوات الاطفال وهم يفرقعون الصواريخ وما شابه فبسبب طبيعتها الطفوليه التي وبرغم حزنها ابت ان تتركها فهبطت الي الأطفال وهي تمرح معهم تود لو تعود يوما مثلهم تلعب ولا تبالي للمستقبل
وجدت هاتفها يرن برقم صديقتها الوحده فاجابت سريعاً
يسر : رحمه عامله ايه وحشتيني
رحمه : وانتي اكتر مش ناويه تيجي تقعدي معانا بقي
يسر : مش عارفه
رحمه : يلي بقي
يسر : لما اخلص الامتحانات بس هبقي اشوف، بكره آخر يوم
رحمه : اوكي، قوليلي اي الإخبار
يسر : ماشيه
ظلت تتحدث مع صديقتها لفتره ثم اغلقت واتجهت الي المنزل من ثم استلقت علي ،، وغطت في نوم عميق
في اليوم التالي استيقظت يسر من نومتها علي آسعة الشمس ككل يوم واتجهت الي المرحاض من ثم ادت فرضها واتجهت الي الجامعه
انتهي الإمتحان سريعا وها هي تخرج من القاعه واتجهت الي مطعم قريب وطلبت افطار لها من ثم امسكت هاتفها لتراسل صديقتها
يسر : رحووم عامله ايه
رحمه : الحمدلله خلصتي
يسر : اه
رحمه : هتيجي
يسر : امم اه بس انا مش عارفه الطريق
رحمه : بصي انتي هتركبي العربيه الي جايه الجيزه و.. اخذت تخبرها بالطريق ومن ثم اغلقت الهاتف علي وعد بالقاء
وضعت جنه الاموال علي الترابيزه من ثم خرجت واتجهت الي موقف العربات حتي وجدت مبتغاها وسارت السياره تشق الطريق متجه الي الجيزه
في الجيزه كانت رحمه وابنتا عمها تنتظران قدوم يسر واخبرت عائلتها
وصلت يسر الجيزه لاكنها نسيت الطريق الذي وصفته لها رحمه فاتصلت بها لاكنها لم تجيب فنادت علي احد الاشخاص
يسر : لو سمحت
الشخص : نعم
يسر بحماقه : فين بيت رحمه
الشخص بجهل : رحمه مين
يسر : رحمه الجاسمي
الشخص بخوف : استاذه رحمه معلش حضرتك الي ميعرفكيش يجهلك اتفضلي انا هوصلك ليها بس اوعي تقوللها اني معرفتهاش
يسر : ليه هيحصل ايه
الشخص : ابله رحمه هنا الكل ماشي بكلمتعا والي مش هيحصل طيب
يسر : حاضر
اوصلها ذاك الشخص اللي منزل رحمه وتركها سريعا دون سابق انزار
يسر لنفسها : انتي عامللهم اي يا رحمه خلاهم خايفين كدا
لاحظت يسر رحمه امام المنزل فاسرعت اليها
يسر : رحمااه
رحمه : يييسرر
واحتضنا بعضهما بعد فراق ثلاث سنين فرحمه صديقة يسر من الصغر لاكن رحمه سافرت منذ ثلاث سنوات الي الجيزه مع عائلتها ومنذ ذاك اليوم ولم يلتاقو
رحمه : عامله ايه يبت وحشتيني
يسر : انتي اكتر يرحوم
سلمت يسر علي ابنتي عم رحمه هنا و فيروز التوأم
ودخلو الي المنزل معا
يسر : بس سيرتك سبقاكي يارحمه
رحمه : ههههه أومال هوا انا اي حد دا انا رحوم الجاسمي الي مفيش حاجه تحصل الي وهي عارفاها قبل اما تحصل
دخلت يسر وسلمت علي والد ووالدت رحمه سامح و حنان
سامح : يسر عاش من شافك يا بنتي
رحمه : عاش ولامات هههه
سامح : بطلي ياظريفه
يسر بحماس : انا عاوزه الف البلد كلها
حنان : لما تكلي الأول وترتاحي ابقي لفي براحتك
يسر : بس انا جايه النهارده بس
سامح : لا كدا مينفعش انتي قاعده معانا علي الأقل شهر
يسر : مش هينفع
سامح : ليه
يسر : يعني كدا هبقي عبئ عليكو
سامح : متقوليش كدا يبنتي انتي عندي زي رحمه بالظبط
لاكن سمع صوت تكثير في الداخل
سامح : بلاش رحمه خليها زي فيروز لان رحمه بتسلم علي الشهدا
وماهي الي ثواني معدوده ووجدت رحمه تجري وخلفها حنان وهي ممسكه بالشبشب وتجري خلفها
حنان : بقي انتي يابلوه تكسري كوبياتي ومش اي كوبيات دي بتاعة النيش
سامح بتحريض : تؤتؤتؤ يارحمه دا انا نفسي معملتهاش
رحمه : الحقنيي
لاكن ارتطمت بجسد احدهما جعلها ترتد مجددا وكان هذا اخاها آسر ومعه ابنا عماه احمد واسلام وسقطت علي والدتها فاخذتها الاخري واخذت حق كوبياتها
كان هذا الشخص هوا آسر اخاها
رحمه : اسوري
آسر : انا هاجي فى يوم الاقي البلد كلها معلقاكي علي بوابة البلد كل الي يعدي يديكي علي افاكي و ياخد حقه منك
رحمه : انت بس غيران اكمن الكل بيحبني وانتي خنيق محدش يعرف انك موجود اصلا
آسر : هه، الكل بيحبك دا الكل عاوز يولع فيكي دي تالت شكوه انهارده بتضربي واحد قدك مرتين
رحمه : اعمل ايه يعني بيعكسني اسيبو
آسر : لا جبيلو ارتجاج في المخ والواد مابين الحيا والموت
رحمه : احسن علشان يعرف ان بنات الناس مش لعبه
آسر : ادخلي يبت
رحمه : داخله يا اخويا، ألي قولي عرفت ازاي معي اني منبه انك متعرفش اوعي يكون الواد بتاع الحمص وحيات امي لاكون معلمه عليه
آسر : مش هوا يا اختي
رحمه : اومال مين
آسر : جالي المستشفي وداخل اكشف عليه اول ما امه شافتني قعدت تزعق وتحسبن عليكي فعرفت انه انتي
رحمه : امهات اخر زمن بلا هم مشجعه ابنها علي كدا تستاهل توقع في ايدي بس وانا هجيب شبشب وانزل بيه علي نفوخها،
يلا يبت يا يسر
احمد : مين دي
رحمه : اكبر منك يا ابن عمي
احمد : عمر السن ماكان حاجه ينفع تسيبي ابن عمك كدا من غير جواز
رحمه : ااه روح بس اخلص من الكليه وانا عليا انقيلك احسن عروسه في الجيزه كلها
أحمد : وهي راضيه تخلص انا طالع لما تيجو تاكلو انداهولو
رحمه : بالسلامه يا اخويا
صعدت الي الاعلي بينما بقي اسلام هادئ كما هوا وصعد بعد ان القا عليهم السلام
فيروز بهمس: يعيني يا اخويا يا بختك المايل يا حبيبي
رحمه : بطلي ندب يا اختي الواد هيوقع
التف الجميع حول المائده بعد ان وضعت الفتيات الطعام علي المائده
اسلام : ممكن كوباية مايه
رحمه : حاضر
فذهبت رحمه واحضرت له كوب مياه
حنان : اي دا
رحمه : كوباية
حنان : منين
رحمه : النيش
رحمه : اعمل فيكي ايه، انتي عارفه لو اتكسرت هاكسر دماغك وراها لو لا انها لاسلام ماكنتش سيبتك اصلا
احمد : طب واخو اسلام
حنان : بالشبشب زييها
احمد : تشكري ياست الكل
مدتها رحمه الي اسلام بحرص حتي لاتكسر فيكسر رئسها بعدها، ثم جلست بجانب يسر بهدوء كان لم تفعل شيء
لاكن لم تخلو القعده من شغبها المحبب لقلب الجميع فهي برغم انها مشاغبه وشرسه الي انها تمثل قلب العائله
بعد الغداء صعدت يسر مع رحمه الي غرفتها لتناما قليلا
جلستا علي السرير
رحمه : قولتي ايه في موضوعنا
يسر : مينفعشي يا رحمه
رحمه : ليه
يسر : مش عاوزه ابقي عبئ علي حد
رحمه : مين قال انك عبئ علينا
يسر : مينفعش
رحمه : لا هينفع
يسر : رحمه بعد اذنك الموضوع منتهي
رحمه : لا منتهاش بكره نتكلم فيه تصبحي علي خير
يسر : وانتي من اهله
غابت شمس لتظهر بعدها اخري مضيئه تنشر ضيائها في الارجاء
استيقظت يسر وجدت رحمه مازالت نائمه فابتسمت بخبث واخذت قارورة مياه من جانب السرير ووقفت بحرص ثم افرغتها عليها واسرعت الي المرحاض وضحكاتها تعلو وخلفها رحمه التي استيقظت بفزع ظنا منها انها تغرق
وقفت رحمه امام باب المرحاض الذي اغلقته يسر
رحمه : خليكي جوه بقي انا بايته هنا
لم تجبها يسر لاكن بعد فتره كانت يسر تريد الخروج فخرجت ببطئ
يسر : الحمد الله خرجت
خرجت رحمه من خلف الباب
رحمه : لا مخرجتش تعاليلي
ركضت خلفها في الغرفه كلها واصوات ضحكاتهم تعلو اكثر واكثر كان هو مار من امام الغرفه وحين سمع ضحكاتهار وتلقائ علت بسمه هادئه علي وجهه الهادئ دائما وذهب الي عمله بينما الفتاتان خرجن من الغرفة بعدما هدئا وهبطا الي الاسفل ليفطرن ثم يذهبن الي الخارج
مر الوقت سريعا تحت مشاكسات رحمه وقهقهة الجميع وفرحة يسر بالمكان فهي منذ جاءت الي هنا نسيت الوحده بعد ان اضحت لها عنوان
اخذت رحمه يسر وفيروز وهنا ومعهم اسر تحت اصرار والدها وذهبو الي الجيزه حيث الاهرامات الثلاثه شامخه عاليه تدل علي عظمة مصر وعلوها
يسر : رحمه خديلي صوره هنا
اخذت لها رحمه الصوره من ثم تبادلو الادوار اخذت يسر الكاميرا واخذت تلتقط الصور لرحمه
رحمه : اسر تعالي
آسر : نعم
رحمه : هنتصور
آسر : ماشي
احتضنت رحمه اخاها لتلتقط لها يسر الصوره لاكن كان هناك من يتمني ان يكون محل رحمه
يسر : خدي صوريني انا بقي
وقفت يسر بجانب الهرم لاكن لاحظت حجر مضيئ جوارها مالت عليه وامسكته وجدته قلاده زرقاء لاكن متوهجه بشكل كبير
رحمه : يسر يلا في ايه
لاكن كأن يسر لم تكن معها فكانت تطالع الحجر بتدقيق
فاقتربت منها رحمه وخبطت براحه علي كفها فالتفتت يسر لها ومائن عمدت الشمس علي الحجر حتي اختفت يسر من المكان مسحوبه الي الحجر وبقي الحجر محله لاكن انطفئ توهجه كانت رحمه واقفه محلها منصدمه منما رئت يا الآهي كيف كيف وخلفها اختيها واخاها لا يقل صدمتهم عنها فهم شاهدو كل ما حدث.
انتهى البارت 😜
دمتم سالمين هاجر السيد 👌
متنسوش الفوت وتعليق برأيكم بعد القراءه 🤔
سلام 👋🌠🌠
ملحوظة الروايه كلها من تأليفي لاصله لها بالواقع، مع مساعدات بسيطه في الاسماء وبعض الالفاظ من (مستر جوجل) اتمني تاخدو بالكم، رئيكم يهمني
استنوني في البارت الجايه والي هيكون بداية الاحداث
سلام
أنت تقرأ
جمعتنا لعنه
Fantasiaمارئيك في الرجوع بالزمن هل ممتع ام مخيف ايا كانت إجابتك ستسحب رغما عنك لتعود الي ذمن كثر به الظلم و السحر الشعوزه فهل انت قادر ان تنهي هذا الظلام وتعيد ضوء الشمس الي سابق عهده، هذا ماسنعرفه معا جمعتنا لعنة هاجر السيد
