جزء 2
💎هداية ساجد 💎
اصبحنا واصبح الملك لله
في بيت رجولي بامتياز غالب عليه بالوان المحايدة اسود و رمادي كان لبيت ديال ساجد
كان خارج من دوش لوي على نصو فوطة و شعرو فازك و هابط على وجه دخل دريسينك يبدل ملابسه و خرج من دار بلا فطور عياو معاه باش يبرك يفطر ولكن مابغاش
عند ساجد
سلام انا ساجد وصفاتي لكم لكاتبة من قبل دابا نتوما خيدين عليا وحد نضر لغادي تبدل مع لوقت
كنت غادي في لوطو ديالي حتى كنوقف في سطوب دورت عيني حتى بانت ليا لبنت منقبة كتسنا في طوبيس هزات فيا عويناتها زرقين كانو اية في جمال ماشاء الله باينة غادي تكون زوينة
عند لبطلة ديالنا هداية
انا كنت وقفة كنتسنا في طوبيس و كندور عينية في طوموبيلات حيتاش انا كيعجبوني بزاف طوموبيلات حتى كتبان ليا وحد بوكو من نوع لمبرجيني دورت عيني عليها حتى كيبان ليا وحد رجل وسيم كيشوف فيا ستغفرت لله و هبطت عيني كنغد لبصر حتى جا طوبيس و ركبت في و مشيت
بينما وصلت لبطلة ديالنا لجامعة ديالها اجيو نوصفها لكم
هي بنت منقبة عندها 23سنة كتقرا في جامعة إدارة أعمال هي بنت اية في جمال بشرتها بيضاء اللون و عينيها لونهم مابين ازرق و رمادي و شعرها طويل عسلي و شنايفها منفوخين و حمرين بحال حبات الكرز و مثيرين و فورمتها انتوية بامتياز كولا حاجة في بلاصتها هي ساكنة مع ماماها و باباها عندها ختها وحدة مزوجة و ساكنة في فرنسا مع راجلها
رجعو عند لبطلة ديالنا لوصلت لجامعة ديالها قرات لحصص لعندها و رجعت لدار دقت لباب و حلت ليها ماماها سلمت عليها و دخلت لدار مشات حيدت نقابها و بقات بلبرمبدا و ديباردور ديالها بقات بيهم حيتاش مكينش باباها فغادي ترتاح
هداية : ماما بابا مغاديش يجي يتغدا
مريم : لا ابنتي غا رتاحي مغاديش يجي يتغدا حيتاش غادي يتلاقى مع وحد صاحبو
هداية : واخا ماما
مشاو يتغداو و كيهدرو
مريم : عقلتي على كريمة مرت سي دريس صاحب باباك
هداية : اه عقلت
مريم : مسكينة ولدها كان صلاة و دين و عبادة حتى معرت اش وقع ليه و ولا غاعاطيها لسكرة
هداية : واخا يوقع لي يوقع ميبعدش على دينو و على لله
مريم : ايوا ابنتي الله يهدي ما خلق و الله يهديه و را قاليا باباك غادي دوز عندي كريمة ليوم في لعشية باغا تقول ليا شي حاجة
هداية : ايوا الله يسمعنا خبار خير
كملو ماكلتهم حتى كيتسمع صوت هاتف كيسوني
مريم : الو سلام عليكم
كريمة : عليكم سلام كيدايرة ا ختي مريم ا كريمة
مريم : لباس لحمد لله و كيدايرة نتي
كريمة : لحمد لله و كيدايرة لعزبة
مريم : لحمد لله
كريمة: قالك لحاج اسماعيل بلي غادي ندوز عندكم
مريم : اه قاليا مرحبا بيك
كريمة : ايوا را ني لعشية تلقيني عندك ا صحبتي توحشتك
مريم : حتى انا ا صحبتي
كريمة : ياله نخاليك
مريم : ياله
قاطعو و داز لوقت و وصل لوقت لغادي تجي فيه كريمة لعند مريم وصلها ساجد و مشا لخدمتو حتى يرجع ليها مني تصالي
دقت و مشات حلت ليها مريم
بداو كيتعانقو
كريمة : توحشتك ا صحبتي
مريم: و انا كتر دخلي مغاديش تبقاي وقفة في باب
دخلو بدو كيهدرو حتى كتدخل هداية كريمة توقعتها تكون زوينة ولكن ماشي لهاد درجة صدقة من قال زين يحشم على زينو و لخيب الا هداه الله
كريمة : تبارك الله ماشاء الله بنتك هادي كنعقل عليها صغيرة ياه يا ليام عقلتي ا مريم فاش كنت كنجي عندك و باش ميسدعوناش دراري كنخلوهم لبيت و نحطو لهم لوعاب يلعبو هههه ياختي هداية كانت عزيزة على ساجد
مريم : وايه اختي و نسولك وماديرهاش مني قلت صواب
كريمة: واغا قولي راكي ختي
مريم : اش وقع لولدك انا كنعقل عليه متدين و متقي الله
كريمة : واختي أجي نقولك و سمعي مزيان
هداية لجاها لفضول تعرف هادشي لغادي لوحد يبعد على دينو
فنضركم اش وقع لساجد
خليو ليا ارائكم في تعاليق
😘😘😘
يتبع
أنت تقرأ
هداية ساجد
Cerita Pendekسلام لغزالات ديالوني مرحبا بك في قصة جديدة قصة لرائعة غادي تكون قصيرة و لكن ممتعة هو يقول :{الخمر يسكر من يعاقر كأسه و عيناك خمر بلا كؤوس تسكر} 💖💖💖💖💖💖💖💖 وتبسمت ذات النقاب وسدت للشيطان باب حين قال لها تعقلى وخذى بالأسباب من سيأتى يطلب يداك...
