جزء 4
💎هداية ساجد💎
نخلوهم كياكلو و نمشيو عند بطلتنا لكانت باركا و كتفكر فهاد لقرار لخدات واش مزيان ولا غا غادي تعدب
هداية : زعمة تكون هدايتو على يدي هو كان متدين و متقي الله فغادي يكون ساهل يرجع لحياتو لقديمة خاصو غا شي حاجة تنسيه فهاداك شي لوقع (هزت كفوفها لسما) ياربي تهديه و تردو لطريق صحيح
ناضت تضودت و صلاة و مشات نعسات عيطو ليها لعشاء قاتليه مقداتش و صافي خلاوها على خاطرها
اما في لتحت فا كنت مريم كتهدر مع إسماعيل
مريم : ايوا إسماعيل قالك لحاج دريس شي حاجة
إسماعيل : ايه ياله لقتيني غادي نقولها لك
مريم : انا را قالتها ليا كريمة و لكن هداية موافقاتش حتى بقينا كنقنعوها عاد وافقت
إسماعيل: حتى هدر معايا دريس صراحة مكنتش غادي نوافق و لكن دريس عيط على ولدو و جا و بقاينا كنهدرو كان محترم و عرفت داكشي لداز عليها ماشي ساهلة صراحة داكشي علاش وافقت و انا عرف بلي بنت غادي تكون سبب هدايتو و هو اصلن ماشي صعيب باش يرجع لطريق صحيح حيتاش اصلن كان متدين
مريم : اه بصح
نخليوهم كيهدرو و نمشو عند لحاج دريس و لالة كريمة
كريمة : عرفتي ا لحاج مشيت عند صاحبتي مريم و يا لحاج بنتها كي ولات ماشاءالله و دارت نقاب تبارك الله عليها
دريس: ماشاء الله و را حتى انا هدرت مع إسماعيل (وجه كلامو لساجد ) را مشا معايا حتى ساجد
ساجد : اه صراحة داك راجل معقول و محترم عزاز عليا الحوار مع دوك ناس
دريس : ايوا شتي صافي دائما مني نبغي نمشي نديك معايا
ساجد : ان شاء الله
كريمة : ايوا خصنا حدو نهار لغادي نمشو نخطبو درية
عثمان : لمن ا لحاجة
كريمة : لساجد
عثمان : و ساجد وافق
ساجد : وافقت
عثمان : ايوا مبروك ا صحبي
ساجد : عثمان مني تكمل أجي عندي لمكتب
عثمان : واخا دابا نيت
نادو بجوج و مشاو لمكتب
ساجد : صاحبي تكون بحالها بحال لاخر
عثمان لي فهم قصدو
عثمان : عشير را لبنات ماشي بحال بحال و اصلن هداية بنت متدينة و بينا بحال باباها
ساجد : زعمة
عثمان : هانتا تزوج بيها و ديك ساعة غادي تكون حلالك و هدر معاها و تفاهمو و انا متأكد غادي تفاهمو و غادي نرجع كي كنتي
ساجد : و لله معرفت ا صاحبي حتى انا مراصيش على هاد لوضع لوصلت ولكن الله يهديني
عثمان : امين نخاليك ترتاح ياك ماغاديش تخرج
ساجد : لا بقيتش غادي سهر
عثمان : وا شتي هذا هو صاحبي لكنعرف
مشا عثمان و بقا ساجد كيفكر واش تقدر هاد لبنت يكون غا كيضلمها و هي بنت لمزيان ماشي باغى غا لفلوس بقا افكار تديه و افكار تجيبو حتى صبح صباح مشا لخدمة و حتى لبطلة ديالنا مشات دوز لامتحان ديالها و كان هادا اخر امتحان عندها و تخرج كانت فرحنا بزاف حيتاش هي كيعجبوها هادوك نساء الاعمال و حلمها تكون وحدة بحالهم
أنت تقرأ
هداية ساجد
Historia Cortaسلام لغزالات ديالوني مرحبا بك في قصة جديدة قصة لرائعة غادي تكون قصيرة و لكن ممتعة هو يقول :{الخمر يسكر من يعاقر كأسه و عيناك خمر بلا كؤوس تسكر} 💖💖💖💖💖💖💖💖 وتبسمت ذات النقاب وسدت للشيطان باب حين قال لها تعقلى وخذى بالأسباب من سيأتى يطلب يداك...
