محمد: نفس ما توقعت عندها بداية خفقان في نبضات القلب
احمد بخوف: شو يعني خطير المرض؟
محمد: خطير ومش خطير يعني اذا ضلت حالتها النفسية هيك ممكن انه يصير خطير عليها اما اذا قدرنا انه نحسن حالتها النفسية رح يخف
احمد: انا اول ما نروح بحكي معاها عشان تبلش تعطيها جلسات
محمد: انا رح اكون مسؤول عن حالتها النفسية وطلبت من الدكتور ماكس يكون مسؤول عن حالتها الجسدية وهوا وافق
احمد: تمام هسا وينتا بنقدر نطلعها
محمد: اول ما تصحى
احمد: يلا نروح نشوفها
----------
في غرفة غرام
فتحت عينيها لقيت حالها في غرفتها في المستشفى ضلت صافنة ع السقف وتعيط بعدين فات احمد عليها
احمد بحزن: الحمد الله ع سلامتك حبي
غرام وهيا تفتح ايديها لاحمد : تعال احضني
قام احمد ونام معاها ع التخت وحضنها بقوة وهيا لسا بتعيط
غرام: احمد تعبانة
احمد: حبيبتي بدي احكيلك اشي بس ما بدي تزعلي مني
غرام: احكي
احمد: عملنا لك تخطيط للقلب بطلب من محمد وطلع عندك خفقان وعشان تتعالجي منه لازم تعالجي حالتك النفسية ومحمد طلب مني اني احكي معك عشان يعالجك
غرام: مش هوا دكتور قلب كيف بدو يعالجني؟؟
احمد: دارس دورات علم نفس وحكا اذا بتضلها هيك رح يصير عندها جلطات وتموت لا سمح الله
غرام: بتثق في؟؟
احمد: طبعا
غرام: انا موافقة بس وين بدنا نعمل الجلسات
احمد: لسا ما حكينا عن اشي
غرام: تمام هسا بدي اطلع من هون مخنوقة
احمد: يلا قومي
طلعوا من المستشفى وراحو عالبيت
-----
في البيت
فوت احمد غرام ع غرفتها
عائشة: حبيبتي كيف صرتي
غرام: احسن
محمد: ممكن تطلعو وتخلوها ترتاح
