دكتور محمد الدكتورة غرام عاملة حادث ع طريق المطار وهسا جايبينها هون
الكل: شوو!!!
محمد واحمد ركضو برا الغرفة بسرعة وراحو سألو عنها في الاستعلامات
محمد: جابو الدكتورة غرام هون
الموظفة: اه في غرفة العمليات
احمد: شكرا كتير
راحو بسرعة ع غرفة العمليات والشباب لحقوهم
محمد: انا لازم افوت معاها ما بدشرها لحالها اللي صار فيها بسببي
اركان: محمد اهدى شوي ما بصير تعمل في حالك هيك
محمد بعصبية: شو اللي ما بصير كل اللي صار فيها بسببي لو صار فيها اشي شو بدي احكي لأبوها البنت اللي حطيتها بأمانتي هيك صار فيها بسببي اخ اخ
وقع محمد ع الارض حاطط ايدي ع راسه وببكي واركان جمبه بواسيه واخوة غرام قاعدين ع اعصابيهم وبعيطو لساعتين وطلع الدكتور صابر من غرفة العمليات
الدكتور صابر: ما تخافو وضعها مستقر بس كان في قزازة(زجاج) في بطنها من السيارة هيا اللي استصعبناها بس في الاخير طلعناها وكل شي تمام ما تخافو وهسا بدهم يودوها ع غرفة خاصة
الكل: الحمد الله
ملاك: لازم حدا فينا يرن ع الاهل عشان ييجو ما بزبط ما حدا يخبرهم
اركان: اصلا خلص الدوام من ساعة واكيد هسا قاعدين وقلقانين
احمد: انا هسا برن ع الحج بحكيلو
ميرا: اذا ماما دريت رح تموت حالها
اما محمد كان في عالم تاني كانت عينه ع باب غرفة العمليات بستنا يطلعوها اول ما طلعوها مشى معاها ع الغرفة وفات معاهم واشرف
عليهم بعدين قعد جمب راسها يستنى فيها تصحى
وفي هاد الوقت كان احمد رانن ع ابوه وشارحلو مختصر الحديث واجو امه وابوه والعيلة لحقوهم عند غرام
صالح: شو صار هسا بدي تفهموني ؟؟
احمد: بابا غرام في هاي الغرفة محمد عندها لما يطلع محمد هوا بشرحلك
بعد ما فاتت امها ع الغرفة طلع محمد منها وراح عند الشباب
محمد بدموع: عمي كل شي بسببي تقاتلت انا وياها وطلعت معصبة عشان هيك سوت الحادث انا مستعد لاي عقاب بتحطلي اياه
