صباح اليوم التاني
صحيت غرام من النوم جهزت حالها ونزلت لقيتهم بفطرو
غرام: صباح الخير
الكل: صباح النور
غرام: وين قهوتي؟؟
محمد: ما في قهوة قبل ما تفطري
غرام: مش جاي عبالي افطر
محمد ببرود: ما في دوام ولا قهوة قبل ما تفطري
غرام بنفس النبرة: مين حكالك اني بدي ارد عليك؟؟
صالح: انا حكيت
غرام: هاي حياتي وانا اللي بقررها مش انتو
صالح: لما تعيشي حياتك صح وما تهملي صحتك ساعتها بتكوني حرة في حياتك اما هسا لا
غرام باستهزاء: وانتو من كل عقلكم بدي اعمل اللي بدكم اياه ؟!
سندس: اه احنا كلنا مع محمد ورح نراقبك حتى اخوتك اما اكلك محمد بمساعدتي عملك جدول لازم تلتزمي في ولا انتي بتعرفي منيح شو رح يصير
غرام: يعني مخططين لكلشي وانا اخر من يعلم
محمد: انا من مبارح حكيتلك رح اراقب كل اشي بخصك اه وكمان ارجعي نامي احسلك لانه ما في شغل
غرام: لا هيك كتير
محمد: مش كتير لما انتي ما بتسألي عن حالك وصحتك بكون الاشي بنعملو مش كتير
غرام: تمام لنشوف تاليتها وياكم
------
بعد ايام غرام ومحمد طول الوقت متقاتلين مع بعض عشان النظام اللي عملها اياه لانها ببساطة ع كل اشي بتعترض مش لانه ما بتحب تعملو بس جكارة في محمد وصارت مرا بينهم نقاش حاد
محمد: صباح الخير
غرام ضلت ساكتة
محمد: ع فكرة من الادب انك تصبحي علي
غرام بحدة: ما رح اصبح عليك الا لما تحكيلي شو هاد القرف اللي كاتبو هون؟!
محمد: اشوف
اخد الملف وقرأ
محمد: اه كل مرضاكي انتقلو الي لاني اخدتلك اجازة من المستشفى مش محدودة
غرام بصوت عالي: ومين سمحلك انك تعمل هيك؟؟
محمد ببرود: ابوكي
