العشق الممنوع

الفصل الاول

ان الله وملائكتهُ يصلون على النبي يا أيُها الذينَ آمنو صلو عليه وسلمو تسليماً
ــــــــــــــــــــــــــــــــــــــــــ

- ليُلعَن إلى الأبد النجم الذي وُلدتُ تحته ، ولترفُض كل سماء حمايته ، وليتفتت في الفضاء مثل غبار بلا شرف ، أما اللحظة الخائنة التي ألقت بي بين المخلوقات فلتُشطب إلى الأبد من لوائح الزمن..

"ميار "

من اني وصغيره جنت محجوزه لأبن عمتي جواد

(امه اتطلقت من جان عمره 7شهور وجدي الي رباه وكبره)

جنت كاعده ويه امي دا نحجي بمواضيع عاديه فجأة دخل ابويه وكال

:- احسبن حسابجن اليوم عقد قرآن ميار وجواد

انصدمنا اني وامي

امي :- شلون هيج غير تاخذ رائينه ميصير هيج تنطيها كبل غير تكعد ويه بنتك تحاجيها تشوفها راضيه او لا

:- اني كلت كلامي وخصم الحجي اخذيها عل سوك هسه وجيبيلها فستان والبنات بالبيت يرتبنها وباليل نسوي حفله بس بيناتنه

حجة هيج وطلع من الغرفه اني بوكتها ما جنت اعرف شنو زواج كل الي اعرفه بدلة عرس وهوسه واصلن ما جنت اريده لأبن عمتي بس امر القوي عل ضعيف

وبسرعه بسرعه رحنا للسوك اشترينا بدله للعقد ومن اجينه للبيت لكيناه مليان وبسرعه بسرعه تحضرت خلتلي مكياج بنت عمتي (اخت جواد) وسوتلي تسريحة مرة عمي لمن ما كملنا ولبست الفستان صار الليل اجو عمامي وصار العقد الي عقدلنه عمي لأن هو ملا وجابو مصور واخذنا صور

خلصت الحفله والكل راح لبيته وقسم لبيت عمي ولملمنه البيت وكلمن فات لغرفته وباليل عطشت طلعت دا اشرب وجان اسمع ابوي يحجي لأمي

فلاش باك

"جمال "

جنت كاعد بالمحل مالتي واجه عليه حسين اخوي

:- السلام عليكم

:- وعليكم السلام

:-والله ياخوي جايك بطلب

:- تفضل عيني

:- اريد اخطب بنيتك ميار لحمد

سمعته كال هيج واني كبل كلتله

:- البنيه مخطوبه وباجر عقد القرآن مالتها

باك

امي كلتله

:- وبعدها شسوه

:- طلع بدون ميحجي شي بس تعرفينه هو شلون نذل متأكد راح يدفع ابنه بس اني الخطوبه ما اخربها لو على جثتي بس ما اكول جواد يتراجع

:- وعلمود هيج سويت كلشي بسرعه

:- ايي من رجعت من المحل رحت لسلام وحجيتله كلشي وكلشي صار بسرعه بس حتى ما انطي حسين مره

ميار :- عفتهم يحجون ورجعت لغرفتي واني ما هامني شي...
وثاني يوم الصبح سمعت هوسه وصريخ وطلعت بسرعه واشوف عمتي تصرخ

:- ابو مياار الحكنه

ابوي كللها

:- شكو شبيج احجي خل افتهم

:- اليوم الصبح جواد طلع للشغل ومتعرضيله ولد حسين (عمي) وضاربي سجينه وماخذين سيارته ولد الك*ب

:- ووينه هو هسه

:- اخذه سلام للمستشفى وعافني

:- دقيقه خل ابدل واجيي نروح عليه

وبقت واكفه وتلوب
رحت جبتلها كلاص ماي شربته جره وحده وامي واكفه اتهدي بيها

:- استهدي بالرحمان ام جواد مابي شي ان شاء الله

:- اخخخ عمت عيني عليك يوليدي

طلع ابوي واخذها وراحو للمستشفى على جواد

"جمال"

طبينه للمستشفى وشفت سلام اخوي يمه

جمال :- ها شلونه جواد خوما متأذي

سلام :- لا الحمدالله جت سليمه بس ذوله الك****د
ما نسكتلهم والسياره جبتها من الح**ر جاسم

بعد كم يوم راح جواد لعمامه

جواد :- السلام عليكم

خالد :-وعليكم السلام حيو ابن اخوي الغالي

:- منكال عمي اني جايكم ورايد منكم الفزعه

:- كول واحنا حاضرين يا بعد عمك

:- عمي اني خاطب بنت خالي جمال وعقدنه قبل كم يوم تعرفون انتو مو؟

:- اي

:- ثاني يوم العقد طلعت الصبح للشغل وجان يتعرضلي الطريق ابن خالي حسين جاسم وضربني بسجينه واخذ سيارتي وهددني حتى اطلق ميار لان رايدينها لاخوهم حمد و اريدكم تاخذون حقي

:- يخسون وبنت عمهم عوفها وفوت على بنات اعمك واختار التعجبك بيهن....

يتبع.... 

بنوتات تفاعلن بنجمه