Unicode...
မနက်ခင်း၄နာရီပဲရှိသေးချိန်၌ ဂေဟာတစ်ခုလုံးကိုဖုံးလွှမ်းသွားသည့်ဂေဟာမှူးရဲ့ဘုရားစာရွက်အသံတချို့။မနက်တိုင်းအေးချမ်းလှသည့်အသံနဲ့အတူ နိုးထရတဲ့မနက်တိုင်းဟာဘယ်လောက်ပဲမနက်စောစောထရထရစိတ်ကိုကြည်လင်စေရသည်။
တချို့ခလေးတွေကတော့အိပ်နေသေးပေမဲ့နှင်းဆီနဲ့ရွယ်တူလေးတွေကတော့ ခလေးတွေစားဖို့အတွက်ထမင်းချက်အန်တီကြီးနဲ့အတူဝိုင်းကူပေးရသည်။ဟင်းချက်ရတာကလဲနှင်းဆီရဲ့ပျော်မွေ့ရာတခုလို့ဆိုရမလား ဟင်းတွေချက်ရရင်ဖြစ်ဖြစ်ဝိုင်းကူရရင်ဖြစ်ဖြစ်ကျေနပ်ပီတိဖြစ်နေတာတော့အမှန်ပင်...။
" ကလေးတွေဟင်းရွက်တွေကိုသေချာခြွေကြနော်
အရိုးရင့်တွေလဲ မထည့်နဲ့ဦး..."
" ဟုတ်ကဲ့ "
" သမီးနှင်းဆီ ကြက်သွန်အနီအခွံနွှာရတာမွှန်နေရင်
တခြားဟာပြောင်းလုပ်ပါလား "
" အဟီး။ ရပါတယ်ကြီးကြီးရဲ့နှင်းဆီဘာမှမဖြစ်ပါဖူး "
" ဘာမှမဖြစ်တာသာပြောတာပါအေ ညည်းမျက်နှာတစ်ခုလုံးလဲ
မျက်ရည်တွေပေကျံ့နေပါပြီ။ တော်တော့ တော်တော့ ကြက်သွန်ကအဲ့လောက်ဆိုရပြီ ကန်စွန်းရွက်ပဲခြွေပေး..."
ကြက်သွန်မွှန်ပြီးနှာတရှုပ်ရှုပ်ဖြစ်နေတဲ့နှင်းဆီလက်ထဲကနေ ဓားနဲ့ကြက်သွန်ဗန်းကိုယူသွားပြီးခြွေဖို့ရာ ကန်စွန်းရွက်တွေကိုသာချပေးလေသည်။တကယ်ရပါတယ်လို့ပြောလဲ လူကြီးစကားနားမထောင်ဖူးလားလို့ဆူပြန်သေးတော့ငြိမ်ပြီးသာအရွက်ခြွေနေလိုက်တယ်လူကြီးတွေအငြိုအငြင်တော့နည်းနည်းလေးမှမခံချင်ပါ ။
" ရော့ ငါနင့်အတွက်မုန့်ယူထားတာ "
" နင်ဘယ်လိုယူလာတာလဲ
ထမင်းချက်ကြီးကြီး တွေ့သွားဦးမယ် "
" မတွေ့အောင်စားလေ နင်အဲ့လိုပြောနေမှသိကုန်တော့မယ် "
" ပြီးရော ပြီးရော "
ဝိုင်းကူလုပ်ပေးတဲ့နေရာမှာ နှစ်ယောက်တစ်တွဲစီကူလုပ်ကြရတယ်။အလုပ်လုပ်ချိန်မှာမုန့်စားလို့မရပေမဲ့ သူငယ်ချင်းအချင်းချင်း မုန့်တွေခိုးထည့်လာပေးပြီးနှစ်ယောက်အတူတူစားကြသေးတာဂေဟာမှူးတွေ့သွားလို့ အဆူခံရပြီးအပြစ်ပေးခံရတော့လဲနှစ်ယောက်အတူတူပေါ့ ဘယ်လောက်ပျော်ဖို့ကောင်းလိုက်သလဲ။အားလုံးထဲမှာနှင်းဆီကတော့ကွဲပြားနေတာပါ အလုပ်ဝိုင်းကူတော့လဲတယောက်ထဲ အခုလိုလေးမုန့်ခိုးယူလာပေးမဲ့သူငယ်ချင်းလဲမရှိအမြဲအထီးကျန်နေရတာ တခြားသူငယ်ချင်းတွေကမိဘမဲ့ချင်းအတူတူဖေးမကြပေမဲ့ နှင်းဆီကိုတော့ဘာကြောင့်ဖယ်ကျဉ်ထားလဲနှင်းဆီလဲသူတို့လို မိဘမဲ့တယောက်ပဲလေဘာတွေများထူးခြားသွားလို့လဲ တကယ်နားမလည်နိုင်ခဲ့ပါ။
CZYTASZ
နှင်းဆီဝင်္ကပါ( OR ) Second Lady
Romansစိုင်းဗညားဆက် + နွယ်ယိမ်းနှင်းဆီ ( ခလေးတစ်ယောက်အဖေနဲ့မိဘမဲ့မိန်းမလှလေးရဲ့ဘဝဇာတ်ကြောင်း ) ဤfictionထဲမှာပါဝင်သည့်ဇာတ်ကောင်များသည်မည့်သည်လူပုဂ္ဂိုလ်မည့်သည်အဖွဲ့အစည်းကိုမှရည်ရွယ်ထားခြင်းမရှိပါ စာရေးသူကျွန်မရဲ့စိတ်ကူးယဉ်သပ်သပ်သာဖြစ်သည်။
