#نبا_عامرماكملت فرحتي من سمعت ابو يكول
_خابرني ابو نيروز يريد حرز النيروز
حجه جدي ماايد الفكره_اي مابيها شي.
بقيت فاتحه عيوني بصدمه ،شنو نيروز؟شنو خطبه؟زين وحبنا انه ورائف؟
همه مو خلونا نتعلق ببعض؟ مو كالو حرز الرائف ورائف الحرز؟ مو خلونه نبني مستقبل على هاذا لاساس؟
صفنه تجيبني وصفنه توديني،
العصر سمعت ابو نيروز والولد التقدملي متعاركين لان ابو نيروز كايله البنيه الابني
ماحجيت شي وبقيت ماخذه وضع المتفرح لو يذبحوني ماتزوجه، اتزوجه وانه واخو واحد يحب الثاني؟ حجه ويا يابوي وحاول يقنعني بس انه جنت رافضه، وبيوم كاعدين انه وبنات عمي انه اغسل مواعين وهنه كاعدات يمي حجت اسمهان ادري بيها تشاقه_اسمهان: بطول النع،،،، ويوميه جايتج خطابه لو كبرتي شتسوين؟
ماحجيت شي بس طكيتها بضحكه والبنات هم ضحكن حجيت وانه اباوعلها بغرور_شتحجين بابا انه بنيه مميزه انت روحي نامي
كملت كلامي وانه اباوع عليها من فوك الجوه عود نضرات غرور
حجت هيه بضحكه
_اوي نازووكي خفي علينه
حجت زهراء_ديلا لاتشوف روحها علينه
ضليت ابوعلهن واكلب بعيوني ماعاجبني
حجيت احاول اقهرهن_اوي بنات هسه خلي اتجهز الخطابه شلون بيه بعد لازم اتجهز كل يوم وبنفس الوقت
صاحن البنات بضحكه
_اوييييي
ويا كلامنا طب اخوي سيف_سيف: وجعه وقزقرط، شبيجن تجوعرن؟
رديت عليه بضجر
_حرز: ماكو شي وانت شكو حاط اذانك يمنا؟
رد بضحك
_سيف: لاوالله انتي حتى الميت تكعدينه بصوتج هاذا
ضحكن البنات وانه حجيت بحزم احاول اضوجه
_حرز: دوخر منا وخر اريد اروح بالي مشغول
ضحك وغمز
_بيمن بالج مشغول؟
_حرز: معليك امشي ولي
عفتهم وطلعت اضحك ومر اليوم عادي بس سالفه نيروز والخطبه تاكل وتشرب ويايثاني يوم تفاجئت عمتي وزوجها يمنا، بس انه لكيت عمتي وامي وبيبي كاعدات بالغرفه ومادري شنو يتهامسن بيناتهن ماعرت الموضوع اهميه
ضلت عمتي يمنه ونمت بليل احس مو طايقتها هيه تدري انه ورائف واحد يحب الثاني ليش تايدهم من يكولون نخطبها النيروز
كعدت الصبح اباوع على وجهي بالمرايه بس تفاجئت من نتبهت على شعري خصله كامله طايحه منه وشعري يبين لان حيل طويل بقيت بصدمه نزلت دموعي بقهر
طلعت وحجيت ويا امي
_ليش هيج شعري؟
سوت نفسها ماتدري وانه هم صدكت
رحت اريد ابدل ملابسي بلوزتي ماكو سئلت كالو ماندري، شجاي يصير؟
العصر انه احس بنفسي مخنوكه
دخل رائف صار هواي ماشايفته راد يتقرب يسلم عليه احس شي خنكني صحت ودفعته بقهر انه وابجي_وخر جاي اكول وخر تلعب روحي منك
الكل داخل بحاله صدمه ومستغربين مني
ماباوعت بوجهها حتى وهوا هم بتعد مرت فتره وانه مو طبيعيه ورائف ابد ماشفته بعد اخر موقف واصلا ببالي مو يمه عقلي فارغ وماافكر باي شي
رجعو فتحو موضوع خطبتي، خليت الكل ينصدم من حجيت وانه مادري شنو جاي يصير وياي
_حرز: موافقه
حرفيا احس الكل نصدم، اباوع بوجوه بنات عمي متروسه حزن على الي يصير بيه، سيف اخوي يباوعلي بحزن، كلهم يدرون شنو مشاعري تجاه رائف
فرحو ابوي وجدي وبيت عمتي والكل صار يحضر الخطبتي انه ونيروز، هه
مرت لايام وقبل الخطوبه بيوم كعدت من الصبح على وجع ببطني احس بيها سجاجين بقيت ساكته وابجي بصمت ماحجيت الاحد والا كلت بطني توجعني
والي يحجي وياي انتر بي، طب ابوي البيت وشافني اتلوه من الوجع حجه بستفسار_شبيج؟
حجيت وانه ابجي
_بطني توجعني
صار يصيح ويحجي بصوت عالي من ايمته؟ وليش ماتحجين؟ وشكو ساكته؟ صار يصرخ راد يضربني بس ماضرب لان حالتي ماتسمح كومني على حيلي وشالني واخذني السياره كبل طلع المستشفى دخلوني وسوولي فحص حجه الدكتور بشك
_حتمال يطلع عدها اكياس على المبيض
اشوف ابوي تغير لونه وحيل خاف اخذني
وسوه تحليل ثاني وطلع صدك عندي اكياس على المبيض، خلصنا وطلعنا رجعت البيت حيلي مهدود، بتسمت بضعف وانه اشوف بنات عمي شلون يبجن يمي وخايفات عليه جا شكثر هنه حنينات وشكثر احنه كلب على كلب؟الخطوبه:.
كاعده بوسط الكوشه، ضحك، هلاهل، فرح كلشي هنا فرحان بس كلبي حزين، كاعده ومحدد مصيري الشخص غير الي تمنيته شخص ماجنت اشوفه غير اخ رغم علاقتنا مو قويه بس جنت اعتبره اخ لااكثر دموعي نزلت على خديمن بين الهوسه والركص اجت عيونها تترقب بحزن
_شلونج بنيتي؟
صديت وجهي عنها وحجيت
_الحمدلله زينه
ردت عليه تحاول تطمني
_تهون بنيتي، واشوفج سالمه وفرحانه
_نشالله
عفتها وكمت افتر بالغرفه، شلون راح اتقبله؟ شلون راح اعيش وياه وانه عاشكه اخو؟ شلون راح احط عيني بعين الحبيته؟
نزلت دموعي بقهر شافني بنات عمي من بعيد واجن شبكني وبجن على دموعي وصارن يتحسبن على عمتي، ماجنت اعرف كلشي وعقلي فارغنيروز:.
واكف وهيه واكفه وره الباب الشيخ ينتضر موافقتها اسمع صوت الهلاهل وصوت لاغاني الصاخبه هيه واكفه وره الباب وادري بيها مغصوبه، مثل مااني مجبور عليها، الي يحبها اخوي انه اخذها؟ صعبه حيل صعبه بقرار من ابوي لازم انفذ كلامه_انت تاخذها وغصبا عليك واذا مااخذتها لا انه ابوك ولا انت ابني ونتهئ
رحت ال رائف احجي وياه_نيروز: رائف شبيك؟
رد عليه من غير ما يدحك بوجهي
_انه ماتدني نفسي عليها وصح متعلق بيها من الصغر بس ماتغلئ عليكرديت بضياع
_والله ياخويه مادري شسوي والدنيه احسها نار بوجهي وجسمي يغلي مالي نفس بيها ولا الي نفس بالزواج
رد عليه_رائف: تهون بعد اخوك انته
رجع بالي الحضه الي انه بيها همست
_موافق
وكل ذره مشاعر مابيها رائف واكف كدامي يحجي برهاوه ويضحك بس ادري بي يضم بحزنه خلصنه كلشي وكلشي صار بسرعه احنه مامتتعرفين على بعض ماحجيت وياها ولا شفتهايتبع...
نبا العامر
صوتو
انستا noi2.i
أنت تقرأ
عثره حرز
Spiritualفي احد مناطق ريف العراق، هناك فتاه نشئت في بيئه محافضه، كانت تزدهر كـ زهره امام عين من يعشقها، كانت تنضر في عيناه، ولاتعلم ان القدر رئي اخر انا الكاتبه نبا عامر سوف اطرح عليكم روايه احد الفتيات الذي تحملن الكثير من الذل والمعاناه تحت شعار"نهوه".