លីសាបានចំណាយពេល រស់នៅក្នុងប្រទេសអង់គ្លេសជាង មួយសប្ដាហ៍ជាមួយម៉ាក់របស់ឆេយ៉ុង។ បន្ទាប់ពីដើរមើលសំណង់ អគារចាស់ៗមួយសន្ទុះធំ ពួកគេក៏បានចូលទៅភោជនីយដ្ឋានបែប ប្រពៃណីមួយកន្លែងដើម្បីស្រស់ស្រូបអាហារពេលថ្ងៃត្រង់។
"មកទីនេះមួយរយៈពេលហើយអារម្មណ៍យ៉ាងម៉េចដែរ"
"រំសាយទុក្ខបានច្រើនណាស់អ្នកមីង" លីសាញញឹមហើយក៏ ដួសបាយដាក់ចូលមាត់។
"ឯងគិតបែបណាចំពោះឆេយ៉ុង? គិតថាចង់រស់នៅបែបនេះ រហូតតទៅមែនទេ?" គាត់លើកសំណួរសួរទៅលីសា។
"ក្បែរខ្លួននាងពេលនេះមានជីឌុកហើយខ្ញុំមិនចង់ដណ្ដើមនាងពីគេទេ ឆេយ៉ុងរឹតតែមិនមែនជាទំនិញដែលត្រូវដណ្ដើមដើម្បីយកមកធ្វើជាកម្មសិទ្ធិផ្ទាល់ខ្លួននាងមានសិទ្ធិជម្រើសរើសមនុស្សណាម្នាក់ដែលនាងស្រលាញ់"
"ចុះឯងគិតទេថាឯងក៏ជាជម្រើសអាចឱ្យនាងជ្រើសរើសដែរ"
"..." លីសាមិនមាត់ហើយបន្តញ៉ាំអាហាររបស់នាងរហូតដល់អស់។ ក្រោយពីញ៉ាំរួចរាល់ពួកគេទាំងពីរនាក់ដើរចេញទៅខាងក្រៅហាងលីសាក្រលេកឃើញនារីម្នាក់ដែលនាងស្គាល់ និងបានងាកទៅ
មើលម៉ាក់របស់ឆេយ៉ុងទាំងបើកភ្នែកធំៗនិងភ្ញាក់ផ្អើលជាខ្លាំង។
"ខ្ញុំគឺជាអ្នកប្រាប់គេថាពួកយើងនៅទីនេះ មានរឿងអីដែលត្រូវ និយាយគ្នា និយាយឱ្យហើយនៅថ្ងៃនេះទៅ" គាត់និយាយចប់ក៏ដើរ ចាកចេញទៅទុកពេលវេលាឱ្យក្មេងៗ។ លីសាដើរទៅរកនារីម្នាក់នោះយឺតៗទាំងអារម្មណ៍ភ័យៗមិនដឹងត្រូវធ្វើកាយវិការបែបណាឱ្យវាសមឡើយ។
"ឆេយ៉ុង!"
"មកទីនេះម្នាក់ឯងសប្បាយណាស់ណ៎!"
"ខ្ញុំ...."
"ចង់រកលេសអីទៀតហើយមែនទេ?" ឆេយ៉ុងនិយាយបានតែ ត្រឹមនេះលីសាក៏ទាញនាងយកមកឱបយ៉ាងណែន ព្រោះនាងនឹកគេ ខ្លាំងណាស់ ឆេយ៉ុងនៅស្ងៀមមិនកំរើកព្រមឱ្យលីសាឱបតាមសម្រួលហើយឱបលីសាយ៉ាងណែនវិញទាំងអារម្មណ៍កក់ក្តៅនិងក្ដុកក្ដួល។
YOU ARE READING
Best Girlfriend
Romanceឆេយ៉ុងនិងលីសាជាមិត្តជិតស្និតនឹងគ្នា។ ពួកគេស្រលាញ់ខ្លាំងណាស់ ពេលសប្បាយក៏សប្បាយជាមួយគ្នា ពេលពិបាកចិត្តក៏នៅលើកទឹកចិត្តគ្នាទៅវិញទៅមក។ ប៉ុន្តែអារម្មណ៍របស់លីសាមានចំពោះឆេយ៉ុងមិនត្រឹមក្នុងឋានៈជាមិត្តនោះទេ គឺបានគិតអំពីទំនាក់ទំនងលើសពីនេះ។ តើសាច់រឿងរបស់ពួកគេទ...
